4T5Neverlie សំរាប់អ្នកគាំទ្ររបស់លោក! នៅពេលដែលលោកវិញត្រឡប់មកវិញជាថ្មីដោយលោក 4T5 តារារ៉េបនៃក្រុម CG Movement ទើបតែបញ្ចេញបទថ្មីមួយរបស់លោកដែលជាចង្វាក់ហ៊ីបហប់ដោយប្រើស្ទាយល៍ថតថ្មីយ៉ាងទាក់ទាញនិងគួរអោយចាប់អារម្មណ៍មិនធ្វើអោយអ្នកគាំទ្រខកបំណងឡើយដែលមានចំណងជើងថា "She Lied 4T5 Again" កាលពីថ្ងៃរសៀលថ្ងៃទី១៨នេះ។ ពីមួយឈុតទៅមួយឈុតនៃបទចំរៀងនេះមើលដោយមិនចេះធុញទ្រាន់ឡើយ ថែមទាំងបទចំរៀងវិញទាំងពិរោះនិងឡូយអស់ស្ទះតែម្តង។ 

គួរបញ្ជាក់ផងដែរបទចំរៀងមួយនេះទើបតែទំលាក់នៅក្នុងថ្ងៃទី១៧​​​ខែវិច្ឆិកានេះទេនៅលើឆាណែលយូធូបផ្លូវការរបស់ CG Movement និងទំព័រហ្វេសប៊ុកផ្លូវការរបស់លោក 4T5 ផ្ទាល់។ គួររំលឹកផងដែរ បទ”She Lied 4T5 Again” នេះគឺជាបទទី២របស់លោកដែលចេញបន្តពីបទ "She lies" របស់លោកកាលពី២ឆ្នាំមុននៅក្នុងថ្ងៃទី៤ ខែកក្កដា ឆ្នាំ២០២០។ កត់សម្គាល់ឃើញថានៅក្នុងបទទី១របស់លោកមានរសជាតិបែបរាងកំសត់បន្តិចខុសពីបទទី២ដែលមានចង្វាក់ភ្លេងហ៊ីបហប់សប្បាយៗ តែយ៉ាងណាមិញទាំងពីរបទនេះសុទ្ធតែផ្តល់បរិយាកាស និងអារម្មណ៍ស្រដៀងគ្នានៃការត្រូវមនុស្សស្រីដែលខ្លួនស្រឡាញ់បោកប្រាស់មនោសញ្ចេតនា។ តើទស្សនិកជនទាំងអស់គ្នាពេញចិត្តបទចំរៀងថ្មីរបស់លោក 4T5 កម្រិតណា? កុំភ្លេចធ្វើការខមមែនប្រាប់អេដមីននៅខាងក្រោមនេះផង។