កាលពីពេលថ្មីៗនេះតារារ៉េបដ៏ល្បីប្រចាំក្រុម CG Movement លោក 4T5 បានធ្វើការទំលាក់បទចំរៀងថ្មីរបស់លោកក្រោមចំណងជើងថា«OT DG DEL» នៅលើឆាណែលយូធូបផ្លូវការរបស់លោកមានឈ្មោះថា 4T5 NEVERLIE ដោយមិនមែននៅលើឆាណែលយូធូបផ្លូវការក្រុម CG Movement។ ដំបូងឡើយមហាជនមានទំនុកចិត្តថាបទចម្រៀងមួយនេះនឹងត្រូបានចេញផ្សាយនៅលើឆាណែលយូធូបផ្លូវការរបស់ផលិតកម្ម CG Movement ហើយ ដោយCG Movement បានធ្វើការចែករំលែក Teaser នៃបទចម្រៀងមួយនេះជាហូរហែនៅលើហ្វេសប៊ុកផេក ផ្ទុយមកវិញក៏ឃើញថាបទចម្រៀងមួយនេះស្ថិតនៅលើឆាណែលយូធូបផ្លូវការផ្ទាល់ខ្លួនរបស់លោក 4T5 តែមួយគត់ទៅវិញ ថ្វីបើទស្សនិកជនព្យាយាមគិតថានេះអាចត្រឹមជាការប្រម៉ូតឆាណែលរបស់លោក 4T5 មួយរយៈប៉ុណ្ណោះ ប៉ុន្តែអស់រយៈពេលជាងពីរសប្តាហ៍ហើយ បទ«OT DG DEL» មិនត្រូវបាន Upload នៅលើឆាណែល CG Movement ទេ។ មួយវិញទៀតគួរអោយកត់សម្គាល់ខ្លាំងបំផុតនោះ នៅក្រោមបទចម្រៀងរបស់លោក 4T5មួយនេះផងដែរ សង្កេតឃើញថាក៏ត្រូវបានក្រុម CG ចូលមកខមមែនឡើងថា«ជំរើស 4T5 បែបណា CG នឹងឈរពីក្រោយជារៀងរហូត ជូនពរដំណើរថ្មី CG Family» ដែលបានធ្វើអោយមហាជនជាច្រើនមានការសួរដេញដោលអំពីរឿងនេះ។ ម្យ៉ាងវិញទៀតលោក 4T5 ក៏បានបញ្ជាក់នៅក្នុងខេបសិនលើបទចម្រៀងរបស់លោកថា«Sponsored by myself»ផងដែរ។ យ៉ាងណាមិញផងដែរ យើងនៅមិនទាន់បានប្រាកដទេ ថាលោក 4T5 ពិតជាបានចាកចេញពី CG Movement មែនរឺអត់ ប៉ុន្តែបទចម្រៀងមួយបទនេះរបស់លោកសង្កេតឃើញថានៅតែរក្សាគុណភាពយ៉ាងល្អ មិនចាញ់បទមុនៗនោះទេ ហើយថែមទាំងអាចប្រមូលផ្តុំដោយក្រុម Squad Homie យ៉ាងឡូយថែមទៀត និងកំពុងជាប់នៅលើតារាង Trending យូធូបកម្ពុជាទៀតផង។ ចុះទស្សនិកជនវិញយល់ឃើញយ៉ាងណាដែរ?
