ក្នងកិច្ចសម្ភាន៍ផ្តាច់មុខមួយជាមួយកាសែត Kyodo កាលពីថ្ងៃសៅរ៍ លោក Erywan Yusof បាននិយាយថា លោកបានស្នើរសុំឲ្យមានបទឈប់បាញ់គ្នាមួយរហូតដល់ចុងឆ្នាំនេះ តាមរយ:កិច្ចប្រជុំតាម video ជាមួយនឹងរដ្ឋមន្រ្តីក្រសួងការបរទេស ដែលតែងតាំងឡើងដោយយោធាមីយ៉ាន់ម៉ា លោក Wunna Maung Lwin កាលពីថ្ងៃអង្គារ៍សប្តាហ៍មុន លោករដ្ឋមន្រ្តីបានទទួលយល់ព្រម.

"នេះមិនមែនជាបទឈប់បាញ់គ្នាខាងនយោបាយទេ តែវាជាបទឈប់បាញ់គ្នាមួយដើម្បីសុវត្តិភាពនិងសន្តិសុខសំរាប់អ្នកធ្វើការខាងកិច្ចការមនុស្សធម៌ ក្នុងការដែលពួកគេចេញទៅក្រៅដើម្បីចែកអំណោយដល់ពលរដ្ឋ"

លោកបានបន្ថែមទៀតថា ខ្ញុំក៏បានបញ្ជូនសារនេះទៅកាន់ភាគីដែលពាក់ព័ន្ធ ហើយសង្ឃឹមថាពួកគេនឹងទទួលយកនូវអត្ថន័យនៅក្នុងសារនេះ.

គួររំលឹកផងដែថា វិបត្តិនៅមីយ៉ាន់ម៉ា បានកើតមានឡើងចាបតាំងពីថ្ងៃទី1ខែកុម្ភះនៅពេលដែលពួកយោធា បានធ្វើរដ្ឋប្រហារចាប់យកអំណាច ក្រោយពីចាញ់ឆ្នោត ក្នុងការប្រកួតប្រជែងជាមួយគណបក្ស សម្ព័ន្ធជាតិដើម្បីប្រជាធិបតេយ្យ (NDL) ដែលដឹកនាំដោយអ្នកស្រី អូងសាន ស៊ូជី.