កាន់តែក្តៅគគុក! ក្រោយលោក NPN ទម្លាក់បទរ៉េបថ្មីមានចំណងជើងថា«Nano» បន្តពីបទ«For Fun» របស់លោក ZOOMIE ដែលមហាជនយល់ឃើញថាគឺជាការ Disstrack ទៅកាន់លោក Tep Piseth។ ដោយកាលពី៣សប្តាហ៍មុន លោក Tep Piseth បានចេញផ្សាយបទចម្រៀងមួយបទមានចំណងជើងថា«My Soul» ដែលហាក់ដូចជាមានភាពរាងកាចបន្តិច និងពោរពេញដោយពាក្យផ្តឺផ្តង។ ដែលធ្វើអោយនៅប្រមាណជា១សប្តាហ៍ក្រោយមកក៏បានផ្ទុះឡើងនូវបទចម្រៀងថ្មីជាការឆ្លើយតបពីលោក ZOOMBIE វិញនូវបទ«For Fun» នេះ ធ្វើអោយមហាជនមានការចាប់អារម្មណ៍ខ្លាំងមែនទែន។
លុះនៅក្នុងរយៈពេល២ថ្ងៃក្រោយមក ខាងលោក NPN ដែលជាបងប្អូននៅក្នុង Team តែមួយនឹងលោក Tep Piseth ក៏បានបញ្ចេញបទចម្រៀងថ្មីមានចំណងជើងថា«Nano»នេះ ដែលហាក់ក៏បង្ហាញភាពផ្តឺផ្តង រឺDisstrack ទៅកាន់នរណាម្នាក់ផងដែរ ដែលធ្វើអោយមហាជនមានការសន្និដ្ឋានឡើងថាអ្នកដែលលោកសំដៅដល់គឺជាលោក ZOOMBIE គូសត្រូវរបស់លោក Tep Piseth នេះឯង។
បន្ទាប់មកនៅក្នុងរយៈពេល១សប្តាហ៍កន្លងមកទៀត ទើបលោក ZOOMBIE បានទម្លាក់បទថ្មីចុងក្រោយបិទគូថថា«For Fun 2» ដែលលោកបានសំដៅផ្លែផ្កាចំៗតបទៅនឹងបទ«Nano» របស់លោក NPN តែម្តង នៅត្រង់ចំនុចដូចជាថា«អត់ដុតផងវាក៏ឆេះ កុំភ្លើទាំងបងនិងប្អូន អាហ្នឹងរឿងអញហ្អេ កុំមកចេះ ភាពអ្នកចម្បាំងNanoអន់ជាងខ្ញុំអ្នកខ្លាំងនៅនេះ ពួកឯងអ្នកជក់ចាំអញលក់អោយទាំងពីរ»ជាដើម។ ចុះទស្សនិកជនយល់ឃើញយ៉ាងណាដែរសម្រាប់រដូវកាលរលក Disstrack ថ្មីនេះនៅក្នុងដើមឆ្នាំ២០២៤?
