មួយឆ្នាំទៀតហើយបានកន្លងផុតទៅ ចំណែកឯតារាល្បីៗមួយក្រុមក៏បានបែកគ្នាផងដែរ។ ដូច្នេះហើយ យើងនឹងបង្ហាញតារាល្បីទាំងអស់ដែលបានបែកបាក់គ្នានៅឆ្នាំ 2021 ហើយអ្វីដែលបណ្តាលឲ្យមានរឿងនេះកើតឡើងនៅក្នុងទំនាក់ទំនងរបស់ពួកគេ។
-
Kim Kardashian និង Kanye West
នៅក្នុងអ្វីដែលអាចជាការបែកបាក់ដ៏ធំបំផុតប្រចាំឆ្នាំគឺ Kanye West និង Kim Kardashian បានដឹកដៃគ្នាទៅការលែងលះ បន្ទាប់ពីរៀបការជិតប្រាំពីរឆ្នាំ។ គូស្វាមីភរិយានេះ មានឆ្នាំដ៏ច្របូកច្របល់នៅក្នុងភ្នែកសាធារណៈជន ចំពេលយុទ្ធនាការប្រធានាធិបតីដែលបរាជ័យរបស់លោក West និងការប្រយុទ្ធដែលកំពុងបន្តរបស់គាត់ជាមួយនឹងជំងឺបាយប៉ូឡា។
ទោះបីជាពួកគេព្យាយាមធ្វើអ្វីៗឱ្យដំណើរការ ដោយការធ្វើដំណើរកម្សាន្តជាលក្ខណៈគ្រួសារជាច្រើនក៏ដោយ ទីបំផុតគូស្នេហ៍កំពូលតារាទាំងពីរនេះ បានសម្រេចចិត្តចែកផ្លូវគ្នា។
-
Addison Rae និង Bryce Hall
តារា TikTok កញ្ញា Addison Rae និង លោក Bryce Hall បានសម្រេចចិត្តចែកផ្លូវគ្នានៅខែមីនា ឆ្នាំ 2021។
ពួកគេចាប់ផ្ដើមមានទំនាក់ទំនងស្នេហានៅខែវិច្ឆិកា ឆ្នាំ ២០២០ ប៉ុន្តែអ្វីៗបានផ្លាស់ប្តូរ បន្ទាប់ពី Hall មានពាក្យចចាមអារ៉ាមថា បានលួចក្បត់ចិត្ត Rae។ គាត់បានបដិសេធការអះអាងនេះ ប៉ុន្តែ Rae ហាក់ដូចជាបញ្ជាក់ពីស្ថានភាពនៅលីវរបស់នាងដោយសំដៅទៅលើ "អតីតមិត្តប្រុស" ខណៈពេលដែលពិភាក្សាអំពីបទចម្រៀងដំបូងរបស់នាងដែលមានចំណងជើងថា "Obsessed" ។
-
Jennifer Lopez និង Alex Rodriguez
នៅក្នុងខែមីនា Jennifer Lopez និង Alex Rodriguez ដែលបានភ្ជាប់ពាក្យនៅឆ្នាំ 2019 បានសម្រេចចិត្តដើរផ្លូវផ្សេងគ្នា បន្ទាប់ពីរស់នៅជាមួយគ្នាអស់រយៈពេល 4 ឆ្នាំមកនេះ។
ទោះបីជាយ៉ាងណាក៏ដោយ អ្នកទាំងពីរបានសម្រេចចិត្តផ្តល់ឱកាសឱ្យទំនាក់ទំនងរបស់ពួកគេម្ដងទៀត ប៉ុន្តែអ្វីៗមិនដំណើរការនោះទេ។ ដូច្នេះកាលពីខែមេសា ពួកគេបានផ្តាច់ពាក្យ ហើយក៏ចាត់ទុកគ្នាក្នុងនាមជា “មិត្ត” វិញ។
-
Bill និង Melinda Gates
លោក Bill Gates បានប្រកាសថា លោក និងភរិយា Melinda បានចែកផ្លូវគ្នា បន្ទាប់ពីរៀបការបាន 27 ឆ្នាំ កាលពីថ្ងៃទី 3 ខែឧសភា។ សហស្ថាបនិកក្រុមហ៊ុន Microsoft បានសរសេរនៅលើ Twitter ថា "បន្ទាប់ពីការគិតយ៉ាងម៉ត់ចត់ ហើយនឹងការធ្វើការងារជាច្រើនលើទំនាក់ទំនងរបស់យើងក៏ដោយ យើងបានសម្រេចចិត្តបញ្ចប់អាពាហ៍ពិពាហ៍របស់យើង" ។ "យើងលែងជឿថា យើងអាចរីកចម្រើនជាមួយគ្នាក្នុងនាមជាប្តីប្រពន្ធក្នុងដំណាក់កាលបន្ទាប់នៃជីវិតរបស់យើងឡើយ"។
-
Liam Payne និង Maya Henry
Liam Payne បានបញ្ជាក់កាលពីខែមិថុនាថា គាត់ និងគូដណ្តឹង Maya Henry បានបញ្ចប់ជាមួយគ្នាហើយ ដោយតារាចម្រៀងរូបនេះបានបន្ទោសខ្លួនឯង ចំពោះការភ្ជាប់ពាក្យដែលបានដាច់ចំណងនេះ។
អតីតប្រធានក្រុម One Direction បាននិយាយនៅលើផតឃែស្ថ "Diary of a CEO" ថា "ខ្ញុំមានការខកចិត្តលើខ្លួនខ្ញុំផ្ទាល់ជាខ្លាំង ដែលខ្ញុំបន្តធ្វើបាបមនុស្សជុំវិញខ្លួនខ្ញុំ។ ខ្ញុំគ្រាន់តែមិនសូវពូកែក្នុងការរក្សាទំនាក់ទំនងប៉ុណ្ណោះ"។
Payne និងតារាម៉ូដែលបានភ្ជាប់ពាក្យក្នុងឆ្នាំ 2020 ក្រោយទាក់ទងគ្នាបានប្រហែលពីរឆ្នាំ។
-
Elon Musk និង Grimes
ការបែកគ្នារបស់ Grimes និង Elon Musk បានកើតឡើងនៅក្នុងខែកញ្ញា។ ប៉ុន្តែនាយកប្រតិបត្តិក្រុមហ៊ុន Tesla បានប្រាប់សារព័ត៌មានថា គាត់ និង Grimes "នៅតែជួបគ្នាញឹកញាប់ និងមានទំនាក់ទំនងដ៏ល្អមួយ"។ គាត់បានបន្ថែមថា "ភាគច្រើន ការងាររបស់ខ្ញុំនៅ SpaceX និង Tesla តម្រូវឱ្យខ្ញុំនៅរដ្ឋតិចសាស់ ឬធ្វើដំណើរទៅក្រៅប្រទេស ហើយការងារចម្បងរបស់នាងគឺនៅ LA"។ “ដូច្នេះ នាងនៅជាមួយខ្ញុំឥឡូវនេះ ហើយ Baby X ដែលជាកូនរបស់ពួកគេ គឺនៅក្នុងបន្ទប់ជាប់គ្នា”។
-
Gigi Hadid និង Zayn Malik
Zayn Malik និងតារាម៉ូដែល Gigi Hadid បានប្រកាសថា បានបែកគ្នាជាថ្មីម្តងទៀត បន្ទាប់ពីមានទំនាក់ទំនងស្នេហាជាមួយគ្នាអស់រយៈពេល ៥ ឆ្នាំ។
ដំណឹងនៃការបែកគ្នារបស់ពួកគេបានកើតឡើងបន្ទាប់ពីម្តាយរបស់តារាម៉ូដែល “RHOBH” alum Yolanda Hadid បានចោទប្រកាន់ Malik ពីបទប្រើអំពើហឹង្សា និងប្រើពាក្យអសុរោះទៅលើរូបនាង ក្នុងអំឡុងពេលមានជម្លោះកាលពីចុងខែកញ្ញា។ អតីតសមាជិកក្រុម One Direction រូបនេះបានអង្វរដោយគ្មានការតវ៉ាចំពោះការចោទប្រកាន់ពីបទបៀតបៀន តែបដិសេធមិនបានប្រើអំពើហឹង្សាដល់រូបរាងកាយរបស់ Yolanda ។
-
Shawn Mendes និង Camila Cabello
Shawn Mendes និង Camila Cabello បានប្រកាសនៅក្នុងសេចក្តីថ្លែងការណ៍រួមមួយកាលពីខែវិច្ឆិកាថា ពួកគេបានសម្រេចចិត្តបែកគ្នា បន្ទាប់ពីទំនាក់ទំនងអស់រយៈពេលពីរឆ្នាំ។
សេចក្តីថ្លែងការណ៍នោះបានចាប់ផ្តើមថា “សួស្តីអ្នកទាំងអស់គ្នា យើងបានសម្រេចចិត្តបញ្ចប់ទំនាក់ទំនងស្នេហារបស់យើង ប៉ុន្តែសេចក្តីស្រឡាញ់របស់យើងចំពោះគ្នាទៅវិញទៅមកកាន់តែរឹងមាំជាងមុនទៅទៀត”។
“យើងបានចាប់ផ្តើមទំនាក់ទំនងរបស់យើងក្នុងនាមជាមិត្តល្អបំផុត ហើយនឹងនៅបន្តជាមិត្តល្អបំផុត។ យើងមានការពេញចិត្តចំពោះការគាំទ្ររបស់លោកអ្នកតាំងពីដើមដំបូង និងពេលតទៅមុខទៀត។ Camila និង Shawn ។
-
Trevor Noah និង Minka Kelly
Trevor Noah និង Minka Kelly បានបែកបាក់គ្នា នេះបើយោងតាមសារព័ត៌មាន People បានរាយការណ៍នៅថ្ងៃទី 16 ខែឧសភា បន្ទាប់ពីពួកគេមានទាក់ទងជាមួយគ្នាជាលើកដំបូងនៅក្នុងខែសីហា ឆ្នាំ 2020។ ការបែកគ្នាបានកើតឡើងតែប៉ុន្មានខែប៉ុណ្ណោះ បន្ទាប់ពី Noah បានទិញវិមាន Bel Air តម្លៃ 27.5 លានដុល្លារសម្រាប់ពួកគេ។
-
Dua Lipa និង Anwar Hadid
តារាម៉ូដែល Anwar Hadid និងម្ចាស់ពានរង្វាន់ Grammy, Dua Lipa ត្រូវបានគេរាយការណ៍ថាបានចែកផ្លូវគ្នាក្នុងខែធ្នូ ឆ្នាំ 2021 បន្ទាប់ពីបានទាក់ទងគ្នាអស់រយៈពេលជាង 2 ឆ្នាំ។
ប្រភពមួយបានប្រាប់ People ថា "Dua និង Anwar បច្ចុប្បន្នកំពុងចំណាយពេលផ្ទាល់ខ្លួន ហើយរស់នៅឆ្ងាយពីគ្នា"។ ប្រភពនេះបានបន្ថែមថា៖ «នៅពេលនេះ ពួកគេកំពុងរកដំណោះស្រាយលើទំនាក់ទំនងរបស់ពួកគេ។
អត្ថបទដកស្រង់ពី Page Six Team
បកប្រែនិងកែសម្រួលដោយ Mr. Blue