បទដែលទស្សនិកជនទាំងអស់គ្នាបានទន្ទឹងរង់ចាំអស់រយៈពេលជាយូរគឺ «YESSIR YOU’RE NOOB» របស់លោក1NE និងក្រុម GO SQUAD ទីបំផុតត្រូវបានលោក 1NE ក៏ដូចជាផលិតកម្ម CG Movement រ​​​បស់លោកទម្លាយជាផ្លូវការហើយថានឹងចេញផ្សាយនៅម៉ោង៧យប់នេះ។ 

ផលិតកម្ម CG Movement ដែលបានដកឃ្លាមួយរយៈបានធ្វើការចេញផ្សាយឡើងកាលពីថ្ងៃទី១៨ ខែតុលាកន្លងទៅនេះ ថាពួកគេបានត្រលប់មកវិញដោយបាននាំយកបទចម្រៀង«YESSIR YOU’RE NOOB» របស់លោក1NE មកជាមួយផងដែរតាមរយៈការ Upload នូវរូបភាព Cover បទចម្រៀង។ ខណៈលោក 1NE វិញជាថ្មីម្តងទៀតក៏បានធ្វើការប្តូររូបភាព Cover របស់លោកឡើងជាមួយនឹងបទចម្រៀងថ្មី ព្រមទាំងបានចែករំលែក Teaser នៃបទចម្រៀងមួយនេះដំបូងបំផុតនៅលើគេហទំព័រហ្វេសប៊ុករបស់លោកផងដែរ ដែលសាងការរំជើបរំជួលចិត្តយ៉ាងខ្លាំងដល់ទស្សនិកជន។

លោក 1NE ក៏បានភ្ជាប់ជាមួយនឹងខេបសិនអមនឹងវិដេអូនោះថា«1NE is back» និងបានបញ្ជាក់ឡើងជាមួយនឹងចំណងជើងបទចម្រៀងនោះពិតប្រាកដថា «អន់» រឺ «NOOB» ដែលនឹងចេញផ្សាយជាផ្លូវការនៅថ្ងៃទី២០ ខែតុលានេះ។ ជាញឹកញាប់មហាជនតែងតែចងចាំបទចម្រៀងមួយនេះឡើងតាមរយៈឃ្លាចំរៀងខ្លីៗដែលត្រូវបានទម្លាយខ្លះៗពីមុនមក យ៉ាងទាក់ទាញអារម្មណ៍តែម្តងជាពិសេសត្រង់ឃ្លាថា«YES SIR YOU NOOB! អ្នកអន់នៅតែអន់ហើយអន់ នៅតែប៉ុណ្ណឹងអន់ទៀតទៅចឹង»។

គួរបញ្ជាក់ផងដែរថា បទ«អន់» រឺ«NOOB» ត្រូវបានដឹកនាំសម្តែងឡើងដោយផលិតកម្ម CG Movement ផ្ទាល់ដែលជាខ្នងបង្អែកដ៏ក្រាស់សម្រាប់តារារ៉េបកូនពៅប្រចាំផលិតកម្ម 1NE របស់យើង និងត្រូវបាននិពន្ធនិងផលិតឡើងដោយលោក 1NE ផ្ទាល់តែម្តង។ ចង់ដឹងថាបទចម្រៀងនេះគឺមានភាពឡួយទាក់ទាញយ៉ាងណាខ្លះជាមួយនឹង Gang GO SQUAD របស់លោកតោះកុំភ្លេចរង់ចាំទស្សនាទាំងអស់គ្នានៅពេលបន្តិចទៀតនេះ!