កាលពីពេលថ្មីៗនេះ លោក 1NE ពិតជាបានធ្វើស៊ីផ្លូវចិត្តមែនទែន បន្ទាប់ពីរូបលោកបានបញ្ចេញ Tease បទចម្រៀង Yes Sir You Noob ជាច្រើនដង ទាំងវិដេអូចម្រៀងខ្លីៗ ក៏ដូចជារូបភាពបង្ហោះឡើងមួយចំនួន រួមជាមួយជាមួយនឹងខេបសិនទាក់ចិត្ត ថាបទចម្រៀងថ្មីមួយនេះនឹងត្រូវបញ្ចេញឡើងក្នុងពេលឆាប់ៗនេះ។

ស្រាប់តែកាលពីយប់ថ្ងៃទី១៥​​​ ខែកញ្ញាកន្លងទៅនេះ បទចម្រៀងថ្មីរបស់លោក 1NE ពិតជាបានចេញលឿនដូចចិត្តមែន ប៉ុន្តែត្រូវលោក 1NE ធ្វើស៊ីលេងបាក់ចង្កេះហើយ ដោយបទចម្រៀងថ្មីដែលលោកបញ្ចេញឡើងមិនមែនបទ«Yes Sir You Noob» ជាមួយក្រុម Go Squad របស់លោកទេ តែជាបទថ្មីស្រឡាងមួយតែម្តង ដែលមានចំណងជើងថា«HI ចៃ»​​​ រឺចំណងជើងជាភាសាអង់គ្លេសហៅថា«Lice»។ 

សង្កេតឃើញថាលោក 1NE គឺជាតារារ៉េបកម្ពុជាដែលមានប្រជាប្រិយភាពយ៉ាងខ្លាំង ជាពិសេសជាក់ស្តែងសង្កេតឃើញតាមរយៈបទ«ច្បារអំពៅប៊យ ១ និង២» របស់លោក ដែលវាយលុកពិភពគុណហ៊ីបហប់យ៉ាងខ្លាំង។ លោកគឺ Rap Star មួយរូបដែលមានរូបសម្បត្តិ និងវោហាស័ព្ទអាចឆក់ទាញការចូលចិត្តរបស់មហាជនជាច្រើន។ 

នៅលើប៉ារ៉ូលចម្រៀងនៅក្នុងបទ«HI ចៃ» នេះរបស់លោក ក៏សង្កេតឃើញថាមានប៉ារ៉ូលមួយលើកឡើងថា«ខ្ញុំគឺជាខ្ញុំ រស់ជាខ្ញុំមិនមែនគេទេ គ្មានហេតុផលយកធៀបអត់របៀបធ្វើដូចជាមេ» ដែលនេះបង្ហាញឡើងថាលោក 1NE ពិតជាមាន Aura មួយអាចអូសទាញមហាជនអោយស្គាល់លោកគឺជាលោក និង Inspire មនុស្សជាច្រើនដូចគ្នា។ 

គួរបញ្ជាក់ផងដែរថា លោក 1NE បានផ្តើមឡើងជា Rap Star, Singer-Songwriter, និងជា Producer មួយរូបនៅក្នុងផលិតកម្ម CG Movement ហើយមកទល់នឹងពេលនេះលោកក៏បានក្លាយជា Founder របស់ក្រុម GO SQUAD ថែមទៀត ដែលប្រមែប្រមូលដោយក្រុមRapperជំនាន់ថ្មីជាច្រើននាក់។ តើទស្សនិកជនយល់ឃើញយ៉ាងណាដែរសម្រាប់បទថ្មីរបស់លោក 1NE លើកនេះ?