ពិតជាមានការភ្ញាក់ផ្អើល ដែលបទជាច្រើនចេញផ្សាយនៅក្នុងដើមឆ្នាំ២០២៤នេះ មានតែប៉ុន្មានបទកំពូលៗប៉ុណ្ណោះត្រូវបានជាប់ចំណាត់ថ្នាក់ Trending នៅលើតារាងយូធូបកម្ពុជាប្រចាំសប្តាហ៍។ ដោយសង្កេតឃើញថាមានសិល្បករមួយចំនួនក៏បានធ្វើការ Release ជាអាល់ប៊ុមតែម្តង ដូចជាអាល់ប៊ុម Sonmalai របស់លោក Kwan និងអាល់ប៊ុម Achieve របស់ក្រុម La Cima Cartel ជាដើម ចំណែកឯមានសិល្បករខ្លះទៀតក៏បានចេញផ្សាយបទថ្មីៗរបស់ខ្លួន រាប់តាំងពីតារារ៉េប Star លោកយូហៃ លោកវណ្ណដា លោកជីដេវីត និងតារា Pop Star លោកស៊ូលីផេងជាដើម។

ប៉ុន្តែដោយឡែកនៅក្នុងតារាយូធូបកម្ពុជានាសប្តាហ៍នេះ​​​ មានតែបទលេចធ្លោមួយចំនួនប៉ុណ្ណោះដែលអាចដណ្តើមយកចំណាត់ថ្នាក់កំពូលៗបាន។ ដោយក្នុងនោះគឺមានបទ«6 Years In The Game» របស់លោកវណ្ណដា បទ«គាំងចិត្ត» របស់លោកជីដេវីត ដែលសុទ្ធសឹងជាបទថ្មីៗរបស់ពួកលោក និងទី៣គឺបទ“Smoke Gang” Remix Version របស់លោក1NE និងលោក MC Sey តែម្តង ដោយគួរអោយចាប់អារម្មណ៍បានថាបទនេះ Original Version ត្រូវបានទម្លាក់ឡើងចាប់តាំងពីឆ្នាំមុនមកម្ល៉េះ និងនៅតែអាចដណ្តើមយកតំណែងរបស់បទថ្មីៗនៅក្នុងដើមឆ្នាំ២០២៤បានផងដែរ។ ចំណែកទី៤គឺបទ«មេឃបើកថ្ងៃរបស់លោក Kwan និងលោកវណ្ណដា ដែលពួកគេអាចដណ្តើមបានពីក្នុងអាល់ប៊ុម Sonmalai ទាំងមូលតែម្តង។ ចំណែកទី៩គឺបទ«1 Na» របស់លោកយូហៃ និងលោក Norith ដែលជាបទតែមួយគត់របស់ពួកគេ ក៏នៅអាចប្រជែងនឹងបទថ្មីៗ រឺអាល់ប៊ុមទាំងមូលរបស់កំពូលសិល្បករល្បីៗរបស់យើងផងដែរ។