កាលពីថ្ងៃទី១៧ ខែមីនាកន្លងទៅនេះ តារាចម្រៀងរ៉េបកូនពៅប្រចាំក្រុម CG Movement លោក1NE បានធ្វើការទំលាក់បទចម្រៀងថ្មីរបស់ខ្លួនដែលមានចំណងជើងថា«ច្បារអំពៅប៊យ​​​២CAP2»។ គួរបញ្ជាក់ផងដែរបទចម្រៀងមួយនេះគឺជាបទភាគ២បន្តពីបទចាស់របស់លោកដែលមានចំណងជើងថា«ច្បារអំពៅប៊យ“CAP BOY”» ដែលត្រូវបានចេញផ្សាយកាលពីដើមខែមីនា ឆ្នាំ២០២១កន្លងទៅនេះ។ សង្កេតឃើញផងដែរថានៅក្នុងថ្ងៃចេញផ្សាយ លោក 1NE បានធ្វើការ Capture យកចំនុចអត្ថន័យខ្លឹមសារពីក្នុងប៉ារ៉ូលចម្រៀងរបស់លោកមួយឃ្លាឡើងថានៅលើបណ្តាញសង្គមហ្វេសប៊ុក «ខឹងខ្ញុំព្រោះតែខ្ញុំមិនហៅបង»។ 

ទាក់ទងទៅលើអត្ថន័យ និងរសជាតិនៃបទចម្រៀងទាំងពីរនេះគឺឃើញថាមានភាពស្រដៀងគ្នាច្រើន ដោយគ្រាន់តែរំលឹកទៅកាន់បទចម្រៀងភាគ១របស់លោក ចាប់អារម្មណ៍ឃើញថាលោក 1NE is low-key standing and rapping alone តែប៉ុណ្ណោះ ខណៈដែរបទចម្រៀងភាគ២របស់លោកវិញ លោក 1NE កាន់តែ Rock and Hype ឡើងជាងមុនជាមួយក្រុម Squad របស់លោក។ 

យ៉ាងណាមិញផងដែរកាលពីដើមខែមីនានេះ លោក 1NE ក៏មានដំណឹងល្អមួយប្រកាសទៅកាន់ទស្សនិកជនឡើងថា នាពេលនេះលោកមានឆាណែលតេឡេក្រាម Public ផ្លូវការរបស់លោកហើយដែលបណ្តាអ្នកគាំទ្រទាំងអស់គ្នាអាចធ្វើការតាមដានព័ត៌មានរបស់លោកនៅទីនោះបាន។ ជាក់ស្តែងកាលពីថ្មីៗនេះផងដែរលោក1NEក៏បានចែករំលែកអោយដឹងទាក់ទងពីសកម្មភាពការងាររបស់លោកឡើងថាបន្តិចទៀតនេះលោកនឹងទៅសម្តែងការប្រគំតន្រ្តីបុណ្យភូមិមានជើងផងដែរនៅឯ Factory Phnom Penh នៅក្នុងថ្ងៃទី១ ខែមេសា សប្តាហ៍ទី១នៃកម្មវិធីនេះតែម្តង។ ចុះតើទស្សនិកជនយល់ឃើញយ៉ាងណាដែរ ចំពោះបទចម្រៀងទាំងពីរបទនេះរបស់លោក?