​​​ម្ចាស់បទ«Noob»​​​លោក 1NE ដែលមានឈ្មោះពិតថាSouk Sovannpanhavorn បន្ទាប់ពីទទួលបានសញ្ញាប័ត្រថ្នាក់បរិញ្ញាបត្ររបស់លោកថ្មីៗនេះរួច​​​ ក៏បញ្ចេញបទចម្រៀងថ្មីៗរបស់លោកជាបន្តបន្ទាប់យ៉ាងឆាប់រហ័សគួរអោយកត់សម្គាល់។ គួរអោយសង្កេតបានថាលោក 1NE គឺជាសិល្បកររបស់ក្រុម CG Movement មួយរូបដែលមានទេពកោសល្យ និងចំណង់ចំណូលចិត្តនឹងការងារសិល្បៈខ្លាំងមែនទែន ដោយសង្កេតឃើញថា តាមរយៈបទចម្រៀងនីមួយៗដែលលោកបានចេញផ្សាយកន្លងមក គឺសុទ្ធតែមានភាពលេចធ្លោ និងទាក់ទាញទាំងអស់។ 

យ៉ាងណាមិញ នៅក្នុងបទចម្រៀងថ្មីដែលទើបនឹងចេញផ្សាយរយៈពេល២ថ្ងៃកន្លងមកនេះ ក៏មិនធម្ម​​​តានោះដែរ! ដោយស្ងាត់ៗ លោក1NEក៏ទំលាក់បទដែលមាន Vibe ស្រដៀងនឹងបទ«Noob»សាជាថ្មី ! ខណៈពេលដែលជិតឈានចូលរដូវកាលបុណ្យចូលឆ្នាំនេះ! បទនេះមានចំណងជើងយ៉ាងទាក់ទាញថា«2k24»។ គួរអោយចាប់អារម្មណ៍ថាក៏នៅមានភាពទាក់ទាញជាច្រើនចំនុចទៀត ដូចជាប្លង់ឈុតឆាករថយន្ត Off-Road បើកយ៉ាងស្ទាវឡូយតែម្តង និងក្រុម Gang របស់លោក 1NE ដែលមើលទៅយ៉ាង Lit។ គួររំលឹកមួយទៀតផងដែរថា ក្រៅពីបទចម្រៀងនេះ លោក 1NE ក៏ទើបតែបានចេញផ្សាយបទចម្រៀងថ្មីមួយទៀតសម្រាប់រដូវកាលចូលឆ្នាំកាលពីសប្តាហ៍មុននោះទេ ដែលជាការបកស្រាយរួមគ្នានឹងលោក kingChi មានចំណងជើងថា «Madison មន្តស្នេហ៍»។