ប្រសិនបើអ៊ុយក្រែនបានទទួលការអនុញ្ញាតអោយវាយប្រហារគោលដៅរបស់រុស្ស៊ីនៅក្នុងទឹកដីប្រទេសរុស្ស៊ីបាន នោះមានន័យថាពិភពលោកអាចនឹងកាន់តែខិតជិតទៅរកសង្គ្រាមលោកលើកទី3។ យ៉ាងហោចណាស់ នោះគឺជាចំណាប់អារម្មណ៍ពីលោក David Cameron ដែលជារដ្ឋមន្ត្រីការបរទេសរបស់ចក្រភពអង់គ្លេស ដោយលោកបានធ្វើអត្ថាធិប្បាយថ្មីៗនេះផ្តល់សញ្ញាភ្លើងបៃតងដល់ប្រទេសអ៊ុយក្រែនរួចហើយ។ ប៉ុន្តែខណៈនោះផងដែរដែរ វិមានក្រឹមឡាំងហាក់ដូចជាមិនមានប្រតិកម្មល្អនោះទេ។ ដោយគេជឿថាការប្រើអាវុធរបស់លោកខាងលិចដើម្បីវាយប្រហារគោលដៅនៅក្នុងប្រទេសរុស្ស៊ីគឺជាការនាំឆ្ពោះទៅរក "ការកើនឡើងនៃភាពតានតឹង" នៃសង្រ្គាមដែលបានចាប់ផ្តើម។ ហើយជាមួយនឹងសក្តានុពលនៃការកើនឡើងនេះ ក៏សង្កេតឃើញថានឹងអាចអោយចក្រភពអង់គ្លេសរួមទាំងប្រទេសនៅក្នុងសម្ព័ន្ធណាតូផ្សេងទៀតអាចត្រូវបានអូសទាញចូលទៅក្នុងជម្លោះនេះដោយផ្ទាល់ផងដែរ។
សំណួរអាចនឹងត្រូវសួរឡើងថា៖ តើនឹងមានអ្វីកើតឡើងបន្ទាប់? ហើយតើអ៊ុយក្រែនពិតជាត្រូវចាប់ផ្តើមវាយប្រហារលើគោលដៅរុស្ស៊ីក្នុងប្រទេសរុស្ស៊ីពិតដែររឺទេ? នៅថ្ងៃទី3ខែឧសភា ឆ្នាំ2024 លោក David Cameron បានសន្យាថានឹងផ្តល់អោយអ៊ុយក្រែនជាមួយនឹងជំនួយយោធាចំនួន3ពាន់លានផោន-ដែលស្មើនឹងប្រហែល3,84ពាន់លានដុល្លារក្នុងមួយឆ្នាំដើម្បីជួយអ៊ុយក្រែនយកឈ្នះសង្រ្គាមប្រឆាំងនឹងរុស្ស៊ី។ ជាទូទៅចក្រភពអង់គ្លេសបានប្រកាសច្បាស់ណាស់ថា សព្វាវុធណាមួយដែលខ្លួនផ្តល់ឲ្យអ៊ុយក្រែនគួរតែបានប្រើតែនៅលើទឹកដីអធិបតេយ្យភាពរបស់អ៊ុយក្រែនប៉ុណ្ណោះ។ ប៉ុន្តែឥឡូវនេះ ពួកគេហាក់ដូចជាផ្តល់ភ្លើងបៃតងដល់អ៊ុយក្រែនហើយដើម្បីប្រើប្រាស់អាវុធទាំងនោះនៅក្នុងប្រទេសរុស្ស៊ីបានដោយខ្លួនឯង។ សូមពិនិត្យអោយជាក់លាក់ទៅលើចំនែកនៃសេចក្តីថ្លែងការមួយរបស់លោក Cameron ចុះ ដោយលោកលើកឡើងថា "ដូចដែលរុស្ស៊ីកំពុងធ្វើធ្វើការវាយប្រហារនៅក្នុងប្រទេសអ៊ុយក្រែនដូច្នោះអ៊ីចឹង"។
ពួកគេបានស្នើថា អង់គ្លេសនឹងមិនអីនោះទេដែលថាអ៊ុយក្រែនប្រើវិធី"ភ្នែកទល់ភ្នែក" ជាមួយនឹងរុស្ស៊ីនោះ។ ដូចដែលរុស្ស៊ីវាយប្រហារនៅក្នុងអ៊ុយក្រែន ដូច្នេះអ៊ុយក្រែនក៏អាចការវាយប្រហារនៅក្នុងរុស្ស៊ីបានដែរ។ លោក Cameron ថែមទាំងបានបញ្ជាក់ច្បាស់ឡើងថា អ៊ុយក្រែនយ៉ាងដាច់ខាតគឺ«មានសិទ្ធិវាយប្រហារលើរុស្ស៊ីវិញ»។ ចក្រភពអង់គ្លេសមិនមែនជាប្រទេសតែមួយគត់ដែលបានអនុញ្ញាតឱ្យអ៊ុយក្រែនប្រើប្រាស់សព្វាវុធផ្គត់ផ្គង់របស់ខ្លួនលើទឹកដីរុស្ស៊ីប៉ុណ្ណោះទេ កាសែត Politico បានរាយការណ៍ថាប្រទេសភាគច្រើនទៀតដែលបានផ្តល់ជំនួយដល់អ៊ុយក្រែនតាំងពីសង្គ្រាមចាប់ផ្តើម ក៏បានចាប់ផ្តើមអនុវត្តន៍ផងដែរ។ ទាំងប្រទេសឡាតវី និងហ្វាំងឡង់ -ដែលជាប្រទេសទំនងជាមើលឃើញខ្លួនឯងថាអាចជាគោលដៅបន្ទាប់សម្រាប់រុស្ស៊ី ប្រសិនបើរុស្ស៊ីជោគជ័យក្នុងការដណ្តើមយកអ៊ុយក្រែន-ក៏បានលើកឡើងស្រដៀងនឹងលោក Cameron ដែរថា៖អ៊ុយក្រែនមានសិទ្ធិប្រើអាវុធដែលពួកគេផ្គត់ផ្គង់ដើម្បីការពារខ្លួន មិនថាឡើយជាការវាយប្រហារដោយផ្ទាល់នៅក្នុងប្រទេសរុស្ស៊ី។