រថក្រោះរុស្ស៊ីបានចូលលុកលុយទីក្រុងតូចមួយរបស់អ៊ុយក្រែន ប៉ុន្តែត្រូវបានរងការបាញ់ប្រហារពីកាំភ្លើងធំអ៊ុយក្រែន។ រថក្រោះនាំមុខត្រូវបានបញ្ឈប់ដោយដ្រូន FPV។ រថក្រោះទីពីរត្រូវបានជាប់គាំងនៅក្នុងប្រឡាយ។ កាំភ្លើងធំនៅតែបន្តបាញ់ប្រហារ។ 5 នាទីក្រោយមក។ ដ្រូន FPV វាយប្រហាររថក្រោះដែលជាប់គាំងក្នុងប្រឡាយនោះ ហើយវាក៏បានឆាបឆេះឡើង។ មិនយូរប៉ុន្មានរថក្រោះដែលនៅសេសសល់ក៏ត្រូវបានបំផ្លាញ។ សូមមើលចុះ! រថក្រោះ នេះត្រូវបានបំផ្លាញដោយត្រឹមតែដ្រូន FPV តែមួយប៉ុណ្ណោះ។ លើកនេះរុស្ស៊ីសំណាងអាក្រក់មិនអាចចូលក្រុងបាន ប៉ុន្តែពួកគេបានចាប់ផ្តើមបិទក្រុងដោយប្រើរថក្រោះចាស់។ រថក្រោះនេះត្រូវបានបំផ្លាញដោយត្រឹមតែដ្រូនមួយប៉ុណ្ណោះ។ ហើយឥឡូវនេះមើលទៅ រថក្រោះរុស្ស៊ីនេះត្រូវបានវាយប្រហារ ហើយនាវិកក៏បានបោះបង់វាចោល។ មួយនាទីក្រោយមក រថក្រោះក៏ផ្ទុះឡើង! រថក្រោះរុស្ស៊ីភាគច្រើនមានគុណភាពទាបដែលគ្រាន់តែដ្រូនមួយគ្រឿងប៉ុណ្ណោះ ក៏អាចធ្វើអោយវាផ្ទុះដូចកាំជ្រួច។ នេះគឺជាឧទាហរណ៍មួយទៀត៖ នេះប្រហែលជាមុខជាការផ្ទុះរថក្រោះដ៏ខ្លាំងក្លាបំផុតនៅក្នុងប្រវត្តិសាស្ត្រទាំងមូលនៃសង្គ្រាម។
តោះមើលរឿងដែលគួរអោយហួសចិត្តនេះ។ រុស្សីបានប្រទះឃើញរថក្រោះ Abrams របស់អ៊ុយក្រែន ហើយបានវាយប្រហារយ៉ាងចំៗ ប៉ុន្តែបន្ទាប់ពីការវាយប្រហារ គឺឃើញមានតែផ្សែងតិចៗប៉ុណ្ណោះហុយចេញមក យើងមិនឃើញអ្វីផ្សេងទេ។ រថក្រោះ Abrams ប្រហែលជាទទួលបានការខូចខាតតិចតួចណាស់ ហើយអាចត្រូវបានស្ដារជុសជុលឡើងវិញ។ រុស្ស៊ីបានប្រើកាំភ្លើងធំដ៏មានឥទ្ធិពលបំផុតរបស់ពួកគេបាញ់ផ្លោងដែលមានឈ្មោះថា Krasnopol ។ គ្រាប់នេះត្រូវបានបាញ់ចេញពីអាវុធ Howitzer រយៈចម្ងាយឆ្ងាយ2S5 ។ វាជាកាំជ្រួចដែលដឹកនាំដោយខ្លួនឯងជាមួយនឹងក្បាលគ្រាប់បន្ទុក។ ប៉ុន្តែមើលចុះ! វាមិនអាចសូម្បីតែបំផ្លាញរថក្រោះ Abrams បាន។ រថក្រោះនេះពិតជាអាចជួសជុល និងបម្រើឡើងវិញនៅក្នុងកងទ័ពអ៊ុយក្រែន។ ក្រោយមករុស្សីក៏បានវាយប្រហាររថក្រោះដោយដ្រូន fpv ប៉ុន្តែម្តងទៀតវាមិនបានជោគជ័យនោះទេ។ ហើយឥឡូវនេះសម្រាប់ការប្រៀបធៀប សូមក្រឡេកមើលរថក្រោះរុស្ស៊ីថ្មី T-90 ។ អ៊ុយក្រែនបានប្រើដ្រូនតំលៃថោកដែលមានក្បាលគ្រាប់ធម្មតាៗប្រឆាំងនឹងវា ហើយដូចដែលអ្នកបានឃើញ រថក្រោះរុស្ស៊ីបានប្រែក្លាយទៅជាដែកអេតចាយក្នុងរយៈពេលតែប៉ុន្មានវិនាទីប៉ុណ្ណោះ។ រឿងនេះបង្ហាញយ៉ាងច្បាស់ពីគុណភាពរបស់រថក្រោះលោកខាងលិចបើធៀបនឹងរថក្រោះរុស្ស៊ី។ យ៉ាងណាមិញ ទោះបីជាមានការខាតបង់យ៉ាងច្រើនក៏ដោយ ក៏រុស្ស៊ីនៅតែបន្តបង្កើនកំណើនរថពាសដែករបស់ខ្លូនផងដែរ។
ខណៈអ៊ុយក្រែនគឺមិនអាចបំផ្លាញនូវរថពាសដែករុស្ស៊ីបានទាំងអស់នោះទេ។ ប៉ុន្តែអ៊ុយក្រែនបានបន្តវាយប្រហារដោយជោគជ័យលើគោលដៅយោធានៅទឹកដីរុស្ស៊ី។ ថ្មីៗនេះ ដ្រូនរបស់អ៊ុយក្រែនបានធ្វើដំណើរជាង1200គីឡូម៉ែត្រ និងវាយប្រហាររោងចក្រផលិតដ្រូនអ៊ីរ៉ង់Shahed។ នៅពេលដែលរុស្ស៊ីកំពុងដោះស្រាយជាមួយនឹងផលវិបាកនៃការបំផ្លិចបំផ្លាញនៅរោងចក្ររបស់ពួកគេ ពួកគេបានរកឃើញសំណល់នៃដ្រូនអ៊ុយក្រែន។ វាធំខ្លាំងណាស់ អ្នកខ្លះគិតថាវាជាយន្តហោះដែលមានទំហំពេញផង។ ក្រឡេកមើល ដ្រូនអ៊ុយក្រែននេះចុះ វាមានស្លាបដល់ទៅ៥ម៉ែត្រ និងក្បាលគ្រាប់ទម្ងន់ដល់ទៅ ៣០០ គីឡូក្រាម។ រុស្សីមិននឹកស្មានថាអ៊ុយក្រែននឹងធ្វើការវាយប្រហារដ៏សាហាវបែបនេះសោះ។ ដោយដ្រូនរុស្ស៊ី-អ៊ីរ៉ង់កំពុងបង្កការខូចខាតយ៉ាងធ្ងន់ធ្ងរដល់ទីក្រុងអ៊ុយក្រែន ដូច្នេះហើយទើបអ៊ុយក្រែនសំរេចវាយប្រហាររោងចក្ររុស្ស៊ីជាការឆ្លើយតប។ រដ្ឋាភិបាលអាមេរិកបានអំពាវនាវឲ្យអ៊ុយក្រែនបញ្ឈប់ការទម្លាក់គ្រាប់បែកលើទឹកដីរុស្ស៊ី ប៉ុន្តែអ៊ុយក្រែននៅតែបន្តវាយប្រហាររោងចក្រចម្រាញ់ប្រេងនិងសម្ភារៈយោធារុស្ស៊ី។ ប្រធានាធិបតីអ៊ុយក្រែនជឿជាក់ថាវិធីសាស្រ្តនេះគឺមានប្រសិទ្ធភាពជាងការដាក់ទណ្ឌកម្មលោកខាងលិច។ ដូច្នេះហើយអ៊ុយក្រែនកំពុងបង្កើនការវាយប្រហាររបស់ពួកគេលើហេដ្ឋារចនាសម្ព័ន្ធរុស្ស៊ី។
