រុស្ស៊ីកំពុងសាងកំហុសដដែលទៀតហើយ៖ពួកគេបានវាយលុកដោយរថពាសដែកជាជួរតែម្តង។ លើកនេះពួកគេមានបំណងដណ្តើមយកភូមិតូចមួយដែលមានឈ្មោះថា Berdychi នៅឯភាគខាងកើតអ៊ុយក្រែន។ សង្កេតឃើញថាមានរថក្រោះជាច្រើនជួរបានធ្វើដំណើរសំដៅទៅកាន់ភូមិពីទិសដៅផ្សេងៗគ្នា។ ខណៈដែលអ៊ុយក្រែនបានជោគជ័យក្នុងការប្រើកាំភ្លើងធំរបស់ពួកគេ ដោយមិនអនុញ្ញាតឱ្យរុស្ស៊ីបន្តដំណើរទៅមុខបាន។ ប៉ុន្តែដោយសារកង្វះគ្រាប់កាំភ្លើងធំ អ៊ុយក្រែនបានងាកទៅប្រើប្រាស់ដ្រូន FPV និងមីស៊ីលប្រឆាំងរថក្រោះវិញ។ លទ្ធផលនៃការរួមបញ្ចូលទាំងអស់នេះ ធ្វើអោយអ៊ុយក្រែនទទួលបានផ្លែផ្កាគួរជាទីគាប់ចិត្ត។ ជួរនៃរថពាសរបស់រុស្ស៊ីទាំងអស់ត្រូវបានបំផ្លាញ ហើយក្រុមនាវិកបានរត់គេចខ្លួនពីសមរភូមិដោយភាពភ័យខ្លាច។
ប៉ុន្តែក្រលេកមកមើលទីនេះវិញ រថក្រោះមួយគ្រឿងប៉ុណ្ណោះនៅតែអាចបន្តដំណើរទៅមុខបាន ចាកចោលរថក្រោះជាច្រើនដែលត្រូវបានបំផ្លាញ។ រថក្រោះមួយនេះបានបុកទៅជាមួយនឹងរថក្រោះ APC មួយគ្រឿងដែលខូចពីមុន បន្ទាប់មកវាក៏ឈប់។ ក្រោយមករថក្រោះនេះក៏ត្រូវបានរងការវាយប្រហារដោយដ្រូនអ៊ុយក្រែនដែលជំរុញឱ្យក្រុមនាវិកបោះបង់វាចោលយ៉ាងឆាប់រហ័ស។ នៅពេលដែលរុស្ស៊ីរត់គេចខ្លួនបាត់ ចារកម្មស៊ើបការណ៍សំងាត់របស់អ៊ុយក្រែនបានងាកមកចាប់អារម្មណ៍លើរថក្រោះមួយនេះ។ មូលហេតុគឺដោយសារតែរថក្រោះនេះត្រូវបានបំពាក់ដោយប្រព័ន្ធប្រឆាំងដ្រូនចុងក្រោយបង្អស់របស់រុស្ស៊ី។ នៅក្នុងពេលយប់ ទាហានអ៊ុយក្រែនក្លាហានពីររូបបានជ្រៀតចូលមកក្នុងតំបន់ប្រផេះនេះ ដើម្បីព្យាយាមធ្វើការជម្លៀសរថក្រោះមួយនេះដើម្បីធ្វើការវិភាគព័ត៌មានលម្អិតរបស់វា។
ពួកគេបានចាប់ផ្តើមដំណើរការម៉ាស៊ីនរថក្រោះ និងបើកវាយ៉ាងងាយស្រួលមកក្រោយខ្សែបន្ទាត់ការពាររបស់ពួកគេ។ នេះគឺជាពួកគេ! ទាហានរថក្រោះអ៊ុយក្រែនដ៏ក្លាហានទាំងពីររូប! សូមអរគុណទៅដល់ពួកគេ ទើបវិស្វករអ៊ុយក្រែនឥឡូវនេះអាចយល់ពីរបៀបដែលប្រព័ន្ធប្រឆាំងដ្រូនរបស់រុស្ស៊ីដំណើរការបាន ដែលអាចអោយពួកគេរៀនពីរបៀបទម្លាយប្រព័ន្ធការពាររបស់វា។ ជាធម្មតារុស្ស៊ីបានដំឡើងប្រព័ន្ធប្រឆាំងដ្រូននៅលើរថក្រោះនាំមុខនៅក្នុងជួររបស់ពួកគេ ហើយវាពិតជាបានជួយការពាររថក្រោះទាំងជួរពីដ្រូនរបស់អ៊ុយក្រែន។ ប៉ុន្តែទាហានអ៊ុយក្រែនតែងតែនៅតែអាចស្វែងរកមធ្យោបាយដើម្បីយកឈ្នះលើភាពស្មុគស្មាញរបស់ប្រព័ន្ធប្រឆាំងដ្រូនរបស់រុស្ស៊ី។ ដូច្នេះរាល់ការវាយប្រហាររបស់រុស្ស៊ីត្រូវតែចាញ់នៅទីបំផុត។
សូមក្រលេកមើលកន្លែងដែលដ្រូនអ៊ុយក្រែននេះសំដៅរក។ ការវាយប្រហារនេះត្រូវបានធ្វើឡើងនៅក្នុងចន្លោះរវាងប៉មនិងតួរថក្រោះ។ វិធីនេះគឺគ្រប់គ្រាន់ហើយដើម្បីឱ្យរថក្រោះរុស្ស៊ីឆាបឆេះផ្ទុះបាន។ នៅពេលដែលអ៊ុយក្រែនអាចគ្រប់គ្រងបិទប្រព័ន្ធប្រឆាំងដ្រូនរបស់រុស្ស៊ីបាន ពួកគេពិតជាអាចបំផ្លាញរថក្រោះរុស្ស៊ី រឺរថក្រោះ APCs មួយណាក៏បាន! ជាធម្មតា អ៊ុយក្រែនបាញ់បង្ហោះដ្រូន FPV ជាច្រើន និងបំផ្លាញគ្រឿងសឹកសត្រូវយ៉ាងឆាប់រហ័ស ពីមួយគ្រឿងទៅមួយគ្រឿងទៀត។ អ្នកនឹងមិនជឿទេ ប៉ុន្តែពេលខ្លះប្រតិបត្តិករដ្រូនអ៊ុយក្រែនពិតជាប្រកួតប្រជែងគ្នាថាតើនរណាអាចបំផ្លាញរថក្រោះបានច្រើនជាង។ សូមក្រឡេកមើល ខណៈពេលដែលដ្រូនមួយព្យាយាមទម្លុះទ្វាររថក្រោះ ដ្រូនអ៊ុយក្រែនមួយទៀតបានព្យាយាមវាយប្រហាររថក្រោះ! ដ្រូន FPV របស់អ៊ុយក្រែនគឺប្រៀបបានទៅនឹងត្រីឆ្លាមមួយក្រុម ដែលចាំតែហែកហួរចំនីរបស់ពួកគេយ៉ាងដូច្នោះឯង។
