តើឆ្នាំនេះបទចម្រៀងចូលឆ្នាំពិរោះៗមានអ្វីខ្លះ? តោះ! មកស្វែងរកមើលទាំងអស់គ្នា។ គួរកត់សម្គាល់បានថាកាលពីសប្តាហ៍មុននេះ ឃើញមានសិល្បកររបស់យើងជាច្រើនបាននាំគ្នាបញ្ចេញបទចម្រៀងចូលឆ្នាំរបស់ពួកគេ ដោយមានដូចជាលោកជីដេវីត លោកវណ្ណដា លោកនរិទ្ធ លោកGmengz លោកYCN Rakhie និងលោកមុតភារិនជាដើម។
ខណៈលោកជីដេវីតបានទើបតែបញ្ចេញបទចម្រៀងចូលឆ្នាំរបស់លោកមួយបទទៀតតាមពីក្រោយបទ«អាម៉ាកកុំអន់ចិត្ត» ដែលមានចំណងជើងថា«អប្សរ» រឺហៅថា«Angel»។ ចំណែកឯលោកវណ្ណដាវិញក៏ទើបតែបានបញ្ចេញបទចូលឆ្នាំ High Quality មួយបទផងដែរកាលពីថ្ងៃសុក្រមុននេះ ដែលមានចំណងជើងថា«សង្ក្រាន្តស្គាល់ស្នេហ»។
ខណៈលោកនរិទ្ធវិញក៏ទើបតែបានបញ្ចេញបទចម្រៀងចូលឆ្នាំមួយបទរួមគ្នាជាមួយលោកវណ្ណដាថ្មីៗនេះដែលមានចំណងជើងថា«ក្រមុំស្រុកណា»។ រីឯលោក Gmengz សមាជិកប្រកួត The Rapper រដូវកាលទី១ក៏បានធ្វើអោយផ្ទុះបទសម្រាប់រដូវកាលចូលឆ្នាំមួយបទ ដែលមានចំណងជើងថា«កុំច្រឡំបងទើបតែពេញកំលោះ» បានចេញផ្សាយកាលពីថ្ងៃព្រហស្បតិ៍សប្តាហ៍មុននេះ។
ខណៈលោកវណ្ណថានទើបតែបានបញ្ចេញបទចម្រៀងចូលឆ្នាំក្តៅៗហុយៗកាលពីយប់មិញនេះ រួមគ្នាជាមួយនឹងលោក Yuuhai ដែលមានចំណងជើងថា«ស្នេហ៍ផ្គរលាន់» រឺហៅថា «Thunder Lover»។ ចំណែកឯលោកមុតភារិន និងលោក YCN Rakhie ក៏ទើបតែបានទម្លាក់បទថ្មីកាលពីថ្ងៃពុធសប្តាហ៍មុន មានចំណងជើងថា«អួយនាង» រឺហៅថា«My Angry Bird»។ តើទស្សនិកជនមានចំណាប់អារម្មណ៍យ៉ាងណាដែរសម្រាប់បទចម្រៀងចូូលឆ្នាំទាំងនេះ?
