ដោយសារដ្រូនមានតួនាទីយ៉ាងសំខាន់នៅក្នុងជម្លោះសង្គ្រាមរវាងរុស្ស៊ី និងអ៊ុយក្រែន ប្រទេសទាំងពីរបានកំពុងអភិវឌ្ឍយ៉ាងសកម្ម និងដាក់ពង្រាយម៉ូដែលកម្រិតខ្ពស់ដើម្បីនាំមុខនូវបច្ចេកវិទ្យា។ រុស្ស៊ីបានបង្ហាញពីការសម្របខ្លួនផ្តោតទៅលើការបង្កើនការផលិត និងការរចនាម៉ូតដ៏ទំនើបដូចជាម៉ូឌែល Geran-2។ រឿងរ៉ាវនៃសង្គ្រាមដ្រូនបានធ្វើអោយផ្លាស់ប្តូរយ៉ាងមិននឹកស្មានដល់ពីគោលដៅនៃការឃ្លាំមើលរហូតទៅដល់សង្គ្រាមចិត្តសាស្ត្រទៅវិញ។ ពេលខ្លះទាហានអ៊ុយក្រែន ត្រូវបានគេរាយការណ៍ថា មិនអាចបែងចែករវាងមួយណាជាដ្រូនមិត្ត ឬដ្រូនសត្រូវផងដែរ ហើយពួកវានឹងត្រូវបាញ់ទម្លាក់ភ្លាមៗ ប្រសិនបើទាហានអ៊ុយក្រែនចាត់ទុកថាជាការគំរាមកំហែង។ លោក Samuel bendett មកពីមជ្ឈមណ្ឌលសិក្សាយុទ្ធសាស្ត្រ និងអន្តរជាតិ បានកត់សម្គាល់ពាក់ព័ន្ធនឹងការការពារពីដ្រូនទាំងនេះ។
ការការពារទាំងនេះ ដំបូងឡើយគឺចាប់ផ្តើមចេញពី រថយន្តដឹកទ័ពថ្មើរជើងដែលពួកគេត្រូវការសម្របខ្លួនពីការគំរាមកំហែងនៃដ្រូន fpv ។ នៅខណៈមានការកើនឡើងនៃដ្រូន វីដេអូមួយដែលបានលេចឡើងកាលពីថ្ងៃទី 10 ខែធ្នូ ឆ្នាំ 2023 បានបង្ហាញពីការអភិវឌ្ឍន៍គួរឱ្យកត់សម្គាល់មួយនៅក្នុងបន្ទាយរុស្ស៊ីដំបូង។ ខ្សែវីដេអូបង្ហាញពីការឆ្លើយតបជាយុទ្ធសាស្ត្រពីកងកម្លាំងរុស្ស៊ី។ ពួកគេកំពុងសម្របខ្លួនទៅនឹងការគំរាមកំហែងដោយដ្រូន fpv ជាមួយនឹងការពង្រឹងលេណដ្ឋានរបស់ពួកគេ។
ជាមួយនឹងអេក្រង់ប្រឆាំងដ្រូនដែលប្រើប្រាស់បន្ទះស្រូបពន្លឺព្រះអាទិត្យ វាដើរតួជារបាំងការពារដែលអាចបិទលេណដ្ឋានបានពីខាងលើ និងចំហៀង។ លោក Mark Cancian ទីប្រឹក្សាជាន់ខ្ពស់នៅមជ្ឈមណ្ឌលសម្រាប់ការសិក្សាយុទ្ធសាស្ត្រ និងអន្តរជាតិបានគូសបញ្ជាក់ពីសារៈសំខាន់នៃអេក្រង់ការពារទាំងនេះ។ ថ្វីបើរបាំងនេះពិតជាមិនអាចជំនួសរបាំងការពារពិតៗសម្រាប់ប្រឆាំងទៅនឹងការវាយប្រហារដោយផ្ទាល់ ប៉ុន្តែពួកគេបានណែនាំពីផលវិបាកយ៉ាងសំខាន់ដែលជាយុទ្ធសាស្ត្រសម្រាប់ប្រតិបត្តិករបញ្ជាដ្រូន ដោយអេក្រង់ការពារនេះអាចបម្រើជារបាំងរារាំង និងបន្ថែមភាពស្មុគស្មាញដល់ការកំណត់គោលដៅជាក់លាក់ និងរារាំងកិច្ចប្រឹងប្រែងឈ្លបយកការណ៍។
អេក្រង់នេះដើរតួជារបាំងរារាំងដោយបិទបាំងភាពមើលឃើញ ដែលធ្វើឱ្យពិបាកដល់ដ្រូន kamikaze ក្នុងការកំណត់អត្តសញ្ញាណ និងវាយប្រហារកងទ័ពរុស្ស៊ីប្រកបដោយប្រសិទ្ធភាព។ ក្នុងពេលដំណាលគ្នានេះ ដ្រូនឈ្លបយកការណ៍កំពុងប្រឈមនឹងឧបសគ្គក្នុងការកំណត់ទីតាំងរុស្ស៊ីបានដោយត្រឹមត្រូវ ដោយសារតែផលវិបាកដែលផ្តល់ឡើងដោយអេក្រង់ការពារ។ ទោះបីជាយ៉ាងនេះក៏ដោយ ថ្វីបើរុស្ស៊ីបានដាក់ពង្រាយនូវលេណដ្ឋានអេឡិចត្រូនិចបែបនេះ ប៉ុន្តែប្រសិទ្ធភាពនៃគ្រាប់កាំភ្លើងធំនៅតែអាចមានឥទ្ធិពលលើអេក្រង់ប្រឆាំងដ្រូន ដូច្នេះវាបានធ្វើអោយលេចឡើងនូវគំនិតថាដ្រូន fpv ពិតជាអាចជំនួសកាំភ្លើងធំបានទាំងស្រុង។ ដោយការពង្រឹងលេណដ្ឋានរបស់រុស្ស៊ី កំពុងតែទាមទារអោយអ៊ុយក្រែនត្រូវបង្កើនសមត្ថភាពដ្រូនរបស់ខ្លួនអោយខ្លាំងក្លាជាងនេះ ជាពិសេសដ្រូនដែលមានសមត្ថភាពដឹក និងទម្លាក់គ្រាប់កាំភ្លើងធំ។ នេះអាចគូសបញ្ជាក់បានថានឹងមានការបន្តប្រសិទ្ធភាព និងសមត្ថភាពនៃដ្រូន fpv នៅលើសមរភូមិប្រឆាំងនឹងគោលដៅផ្សេងៗបានទៀត។
