កាលពីថ្ងៃអាទិត្យ ទី២៥ ខែកុម្ភៈ ម្សិលមិញ ព្រះរាជាណាចក្រកម្ពុជា បានដំណើរការរៀបចំការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ដោយមានគណបក្សចំនួន៤ ចូលរួមប្រកួតប្រជែង គឺគណបក្សប្រជាជនកម្ពុជា, គណបក្សហ្វ៊ុនស៊ិនប៉ិច, គណបក្សកម្លាំងជាតិ និងគណបក្សឆន្ទៈខ្មែរ។
គណៈកម្មាធិការជាតិរៀបចំការបោះឆ្នោត បានឲ្យដឹងថា ការិយាល័យបោះឆ្នោតទាំង៣៣ ការិយាល័យ នៅតាមរាជធានី ខេត្តចំណុះឱ្យភូមិភាគទាំង៨ បានបើកដំណើរការព្រមៗគ្នានៅវេលាម៉ោង៧ព្រឹក ក្នុងបរិយាកាស មានសន្តិសុខ សុវត្ថិភាព និងសណ្តាប់ធ្នាប់ល្អ។ ហើយអ្នកបោះឆ្នោត ដែលជាតំណាងរាស្ត្រក្នុងតំណែង និងសមាជិកក្រុមប្រឹក្សាឃុំ សង្កាត់ក្នុងតំណែង ក៏បានចូលទៅកាន់មណ្ឌល បោះឆ្នោតរៀងៗផងដែរ។
ផ្អែកតាមបញ្ជីបោះឆ្នោតផ្លូវការ សម្រាប់បម្រើឱ្យការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៥ អ្នកបោះឆ្នោត មានចំនួនសរុប ១១.៧៤៧ នាក់ ក្នុងនោះតំណាងរាស្ត្រក្នុង តំណែង មានចំនួន១២៥ នាក់ និងសមាជិកក្រុមប្រឹក្សាឃុំ សង្កាត់ទាំងអស់ក្នុងកណែង ប្រមានចំនួន១១.៦២២ នាក់។
មណ្ឌលបោះឆ្នោតព្រឹទ្ធសភា ត្រូវរៀបចំនិងបែងចែកជា ៨ភូមិភាគ ហើយអាសនៈត្រូវបែងចែកតាមភូមិភាគ ដូចខាងក្រោម៖ -ភូមិភាគទី១ រាជធានីភ្នំពេញ មាន៦ អាសនៈ, -ភូមិភាគទី២ ខេត្តកំពង់ចាម និងខេត្តត្បូងឃ្មុំ មាន៨ អាសនៈ, -ភូមិភាគទី៣ ខេត្តកណ្ដាល មាន៥ អាសនៈ, -ភូមិភាគទី៤ ខេត្តបាត់ដំបង ខេត្តបន្ទាយមានជ័យ ខេត្តសៀមរាប ខេត្តឧត្តរមានជ័យ និងខេត្តប៉ៃលិន មាន១០ អាសនៈ, -ភូមិភាគទី៥ ខេត្តតាកែវ ខេត្តកំពត និងខេត្តកែប មាន៧ អាសនៈ, -ភូមិភាគទី៦ ខេត្តព្រៃវែង និងខេត្តស្វាយរៀង មាន៧ អាសនៈ, -ភូមិភាគទី៧ ខេត្តកំពង់ស្ពឺ ខេត្តកំពង់ឆ្នាំង ខេត្តពោធិ៍សាត់ ខេត្តកោះកុង និងខេត្តព្រះសីហនុ មាន៩ អាសនៈ, -ភូមិភាគទី៨ ខេត្តកំពង់ធំ ខេត្តព្រះវិហារ ខេត្តក្រចេះ ខេត្តស្ទឹងត្រែង ខេត្តរតនគិរី និងខេត្តមណ្ឌលគិរី មាន៦ អាសនៈ។
ជាទូទៅ បរិយាកាស នៃការបោះឆ្នោតនេះ ត្រូវបាន គ.ជ.ប អះអាងថា បានប្រព្រឹត្តិទៅដោយរលូន សេរី យុត្តិធម៌ គ្មានបញ្ហាអ្វីមួយកើតឡើងនាំឲ្យរាំងស្ទះដល់ដំណើការនេះទេ។ មានអ្នកបោះឆ្នោតរហូត៩៩.៨៦ភាគរយ បានទៅបោះឆ្នោត និងមានអ្នកសង្កេតការណ៍ អ្នកសាព័ត៌មានជាតិ អន្តរជាតិ ព្រមទាំងភ្នាក់ងារគណបក្សនយោបាយ រាប់រយនាក់បានចូលរួមតាម និងឃ្លាំមើលផងដែរ។
លោក ប្រាជ្ញ ចន្ទ ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) បានអះអាងនៅក្នុងកិច្ចប្រជុំវាយតម្លៃ កាលពីល្ងាចម្សិលមិញថា បរិយាកាសទូទៅជុំវិញការបោះឆ្នោតនេះ មានសភាពល្អប្រសើរ ដែលបង្កលក្ខណៈដល់ការបោះឆ្នោតប្រព្រឹត្តទៅដោយរលូន គ្មានអំពើហិង្សា គ្មានការគំរាមកំហែង និងពុំមានសកម្មភាពធ្វើឱ្យរាំងស្ទះដល់ដំណើរការបោះឆ្នោតឡើយ។ ជារួមការបោះឆ្នោតនេះ អាចចាត់ទុកការបោះឆ្នោតនេះ ជាការប្រព្រឹត្តទៅដោយសេរី ត្រឹមត្រូវ យុត្តិធម៌ និងទទួលបាន។
បើតាមលទ្ធផលបឋមបង្ហាញថា គណបក្សប្រជាជនកម្ពុជា ដែលកំពុងដឹកនាំប្រទេស ទទួលបានសំឡេងគាំទ្រយ៉ាងច្រើនលើសលប់ រហូត៥៥អាសនៈ ហើយគណបក្សឆន្ទៈខ្មែរ ទទួលបានចំនួន៣អាសនៈ។ ចំណែកគណបក្សហ៊្វុនស៊ិនប៉ិច និងគណបក្សកម្លាំងជាតិ មិនទទួលបានអាសនៈនោះទេ។
សូមបញ្ជាក់ថា សមាជិកព្រឹទ្ធសភា សម្រាប់នីតិកាលទី៥នេះ មានចំនួន៦២ រូប។ ក្នុងនោះសមាជិក២រូប ត្រូវបានចាត់តាំងដោយព្រះមហាក្សត្រ និងសមាជិក២រូបទៀត ត្រូវបានជ្រើសតាំងដោយរដ្ឋសភា តាមមតិភាគច្រើន ហើយ៥៨រូប ជ្រើសរើសតាមការបោះឆ្នោត៕
លទ្ធផលបឋម នៃការបោះឆ្នោតព្រឹទ្ធសភាបង្ហាញថា មានតែគណបក្សប្រជាជនកម្ពុជា និងគណបក្សឆន្ទៈខ្មែរប៉ុណ្ណោះ ដែលទទួលបានអាសនៈ
កាលពីថ្ងៃអាទិត្យ ទី២៥ ខែកុម្ភៈ ម្សិលមិញ ព្រះរាជាណាចក្រកម្ពុជា បានដំណើរការរៀបចំការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ដោយមានគណបក្សចំនួន៤ ចូលរួមប្រកួតប្រជែង គឺគណបក្សប្រជាជនកម្ពុជា, គណបក្សហ្វ៊ុនស៊ិនប៉ិច, គណបក្សកម្លាំងជាតិ និងគណបក្សឆន្ទៈខ្មែរ។
គណៈកម្មាធិការជាតិរៀបចំការបោះឆ្នោត បានឲ្យដឹងថា ការិយាល័យបោះឆ្នោតទាំង៣៣ ការិយាល័យ នៅតាមរាជធានី ខេត្តចំណុះឱ្យភូមិភាគទាំង៨ បានបើកដំណើរការព្រមៗគ្នានៅវេលាម៉ោង៧ព្រឹក ក្នុងបរិយាកាស មានសន្តិសុខ សុវត្ថិភាព និងសណ្តាប់ធ្នាប់ល្អ។ ហើយអ្នកបោះឆ្នោត ដែលជាតំណាងរាស្ត្រក្នុងតំណែង និងសមាជិកក្រុមប្រឹក្សាឃុំ សង្កាត់ក្នុងតំណែង ក៏បានចូលទៅកាន់មណ្ឌល បោះឆ្នោតរៀងៗផងដែរ។
ផ្អែកតាមបញ្ជីបោះឆ្នោតផ្លូវការ សម្រាប់បម្រើឱ្យការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៥ អ្នកបោះឆ្នោត មានចំនួនសរុប ១១.៧៤៧ នាក់ ក្នុងនោះតំណាងរាស្ត្រក្នុង តំណែង មានចំនួន១២៥ នាក់ និងសមាជិកក្រុមប្រឹក្សាឃុំ សង្កាត់ទាំងអស់ក្នុងកណែង ប្រមានចំនួន១១.៦២២ នាក់។
មណ្ឌលបោះឆ្នោតព្រឹទ្ធសភា ត្រូវរៀបចំនិងបែងចែកជា ៨ភូមិភាគ ហើយអាសនៈត្រូវបែងចែកតាមភូមិភាគ ដូចខាងក្រោម៖ -ភូមិភាគទី១ រាជធានីភ្នំពេញ មាន៦ អាសនៈ, -ភូមិភាគទី២ ខេត្តកំពង់ចាម និងខេត្តត្បូងឃ្មុំ មាន៨ អាសនៈ, -ភូមិភាគទី៣ ខេត្តកណ្ដាល មាន៥ អាសនៈ, -ភូមិភាគទី៤ ខេត្តបាត់ដំបង ខេត្តបន្ទាយមានជ័យ ខេត្តសៀមរាប ខេត្តឧត្តរមានជ័យ និងខេត្តប៉ៃលិន មាន១០ អាសនៈ, -ភូមិភាគទី៥ ខេត្តតាកែវ ខេត្តកំពត និងខេត្តកែប មាន៧ អាសនៈ, -ភូមិភាគទី៦ ខេត្តព្រៃវែង និងខេត្តស្វាយរៀង មាន៧ អាសនៈ, -ភូមិភាគទី៧ ខេត្តកំពង់ស្ពឺ ខេត្តកំពង់ឆ្នាំង ខេត្តពោធិ៍សាត់ ខេត្តកោះកុង និងខេត្តព្រះសីហនុ មាន៩ អាសនៈ, -ភូមិភាគទី៨ ខេត្តកំពង់ធំ ខេត្តព្រះវិហារ ខេត្តក្រចេះ ខេត្តស្ទឹងត្រែង ខេត្តរតនគិរី និងខេត្តមណ្ឌលគិរី មាន៦ អាសនៈ។
ជាទូទៅ បរិយាកាស នៃការបោះឆ្នោតនេះ ត្រូវបាន គ.ជ.ប អះអាងថា បានប្រព្រឹត្តិទៅដោយរលូន សេរី យុត្តិធម៌ គ្មានបញ្ហាអ្វីមួយកើតឡើងនាំឲ្យរាំងស្ទះដល់ដំណើការនេះទេ។ មានអ្នកបោះឆ្នោតរហូត៩៩.៨៦ភាគរយ បានទៅបោះឆ្នោត និងមានអ្នកសង្កេតការណ៍ អ្នកសាព័ត៌មានជាតិ អន្តរជាតិ ព្រមទាំងភ្នាក់ងារគណបក្សនយោបាយ រាប់រយនាក់បានចូលរួមតាម និងឃ្លាំមើលផងដែរ។
លោក ប្រាជ្ញ ចន្ទ ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) បានអះអាងនៅក្នុងកិច្ចប្រជុំវាយតម្លៃ កាលពីល្ងាចម្សិលមិញថា បរិយាកាសទូទៅជុំវិញការបោះឆ្នោតនេះ មានសភាពល្អប្រសើរ ដែលបង្កលក្ខណៈដល់ការបោះឆ្នោតប្រព្រឹត្តទៅដោយរលូន គ្មានអំពើហិង្សា គ្មានការគំរាមកំហែង និងពុំមានសកម្មភាពធ្វើឱ្យរាំងស្ទះដល់ដំណើរការបោះឆ្នោតឡើយ។ ជារួមការបោះឆ្នោតនេះ អាចចាត់ទុកការបោះឆ្នោតនេះ ជាការប្រព្រឹត្តទៅដោយសេរី ត្រឹមត្រូវ យុត្តិធម៌ និងទទួលបាន។
បើតាមលទ្ធផលបឋមបង្ហាញថា គណបក្សប្រជាជនកម្ពុជា ដែលកំពុងដឹកនាំប្រទេស ទទួលបានសំឡេងគាំទ្រយ៉ាងច្រើនលើសលប់ រហូត៥៥អាសនៈ ហើយគណបក្សឆន្ទៈខ្មែរ ទទួលបានចំនួន៣អាសនៈ។ ចំណែកគណបក្សហ៊្វុនស៊ិនប៉ិច និងគណបក្សកម្លាំងជាតិ មិនទទួលបានអាសនៈនោះទេ។
សូមបញ្ជាក់ថា សមាជិកព្រឹទ្ធសភា សម្រាប់នីតិកាលទី៥នេះ មានចំនួន៦២ រូប។ ក្នុងនោះសមាជិក២រូប ត្រូវបានចាត់តាំងដោយព្រះមហាក្សត្រ និងសមាជិក២រូបទៀត ត្រូវបានជ្រើសតាំងដោយរដ្ឋសភា តាមមតិភាគច្រើន ហើយ៥៨រូប ជ្រើសរើសតាមការបោះឆ្នោត៕