យោធាអ៊ីស្រាអែលកាលពីថ្ងៃសៅរ៍បាននិយាយថា មានចំណាប់ខ្មាំងអ៊ីស្រាអែលបីនាក់ត្រូវបានសំលាប់ដោយចៃដន្យដោយទាហានអ៊ីស្រាអែល ដោយនៅក្នុងនោះពួកគេកំពុងតែមិនបានពាក់អាវ រឺប្រដាប់អាវុធអ្វីទាំងអស់ និងកំពុងតែថែមទាំងកាន់ទង់ជាតិសបង្ហាញពីការចុះចាញ់ទៀតផងនៅមុនការស្លាប់របស់ពួកគេ។
-
ចំណាប់ខ្មាំងអ៊ីស្រាអែលទាំង៣កាន់ទង់ជាតិសនៅមុនពេលស្លាប់
យោងតាមសារព័ត៌មាន Time Of India ចុះផ្សាយថ្ងៃទី១៧ ខែធ្នូបានអោយដឹងថា យោធាអ៊ីស្រាអែលកាលពីថ្ងៃសៅរ៍បាននិយាយថា មានចំណាប់ខ្មាំងអ៊ីស្រាអែលបីនាក់ត្រូវបានសំលាប់ដោយចៃដន្យដោយទាហានអ៊ីស្រាអែល ដោយនៅក្នុងនោះពួកគេកំពុងតែមិនបានពាក់អាវ រឺប្រដាប់អាវុធអ្វីទាំងអស់ និងកំពុងតែថែមទាំងកាន់ទង់ជាតិសបង្ហាញពីការចុះចាញ់ទៀតផងនៅមុនការស្លាប់របស់ពួកគេ។
ព័ត៌មានពីរូបភាពនៅក្នុងការស្លាប់របស់ពួកគេ បានធ្វើអោយមានការចែករំលែកយ៉ាងទូលំទូលាយបង្ហាញពីការអាណិតអាសូរ និងបានជំរុញឱ្យមានការអំពាវនាវជាថ្មីឱ្យផ្អាកការប្រយុទ្ធគ្នា ដើម្បីអនុញ្ញាតឱ្យមានការដោះលែងចំណាប់ខ្មាំងបន្ថែមទៀត។
ឧត្តមសេនីយលោក Herzi Halevy អគ្គសេនាធិការយោធាអ៊ីស្រាអែល បាននិយាយកាលពីថ្ងៃសៅរ៍ថា ចំណាប់ខ្មាំងទាំងបីបានធ្វើ "អ្វីគ្រប់យ៉ាងដើម្បីឱ្យពួកយើងយល់" ថាពួកគេមិនបង្កគ្រោះថ្នាក់ទេ រួមទាំងការដោះអាវរបស់ពួកគេ ដើម្បីបង្ហាញថាពួកគេមិនមានអាវុធផ្ទុះ។
-
បារាំងថាបុគ្គលិកត្រូវបានសម្លាប់ដោយការវាយប្រហារនៅភាគខាងត្បូងហ្គាហ្សា
យោងតាមសារព័ត៌មាន Reuters ចុះផ្សាយថ្ងៃទី១៨ ខែធ្នូបានអោយដឹងថា ប្រទេសបារាំងបាននិយាយកាលពីថ្ងៃអាទិត្យថា បុគ្គលិករបស់ខ្លួនម្នាក់បានស្លាប់ដោយការរងរបួសក្នុងការវាយប្រហាររបស់អ៊ីស្រាអែលនៅទីក្រុង Rafah ភាគខាងត្បូងនៃតំបន់ Gaza Strip ។
បុរសដែលរងរបួសកាលពីថ្ងៃពុធគឺជាជនជាតិប៉ាឡេស្ទីនដែលបានធ្វើការនៅវិទ្យាស្ថានបារាំងអស់ជាច្រើនទសវត្សរ៍មកហើយ នេះបើតាមរដ្ឋមន្ត្រីការបរទេសបារាំងលោកស្រី Catherine Colonna បានប្រាប់អ្នកសារព័ត៌មាននៅក្នុងដំណើរបេសកកម្មទៅកាន់ប្រទេសអ៊ីស្រាអែល និងតំបន់ West Bank ។
ក្រសួងការបរទេសបាននិយាយថា លោកបានកំពុងស្វែងរកទីកន្លែងជ្រកកោននៅខាងក្នុងផ្ទះមិត្តរួមការងាររបស់លោក រួមជាមួយមិត្តរួមការងារពីរនាក់ផ្សេងទៀត និងសមាជិកគ្រួសាររបស់ពួកគេមួយចំនួន ប៉ុន្តែផ្ទះនោះក៏ត្រូវបានរងការវាយប្រហាររបស់អ៊ីស្រាអែល។
-
អ៊ីរ៉ង់ប្រឆាំងនឹងការបង្កើតសម្ព័ន្ធកងទ័ពជើងទឹកចម្រុះរបស់អាមេរិក
យោងតាមសារព័ត៌មាន The Jerusalem Post ចុះផ្សាយថ្ងៃទី១៧ ខែធ្នូបានអោយដឹងថា អ៊ីរ៉ង់ព្រមានថា ការជាប់ពាក់ព័ន្ធរបស់អាមេរិកបន្ថែមទៀតនៅក្នុងតំបន់នឹងមិនត្រូវបានអត់ឱនអោយនោះឡើយ។
ក្រុមឧទ្ទាម Houthi មិនទាន់បានបញ្ជាក់ ឬបដិសេធរបាយការណ៍នេះទេ ប៉ុន្តែធ្លាប់បានអះអាងថា ពួកគេនឹងបន្តវាយប្រហារកប៉ាល់ដែលមានទំនាក់ទំនងនឹងអ៊ីស្រាអែល ប្រសិនបើសង្គ្រាមនៅហ្គាហ្សាមិនត្រូវបានបញ្ចប់។ អ៊ីរ៉ង់ ដែលជាអ្នកគាំទ្រចម្បងរបស់ក្រុម Houthi បានលើកឡើងកាលពីថ្ងៃព្រហស្បតិ៍ថា រាល់ការប៉ុនប៉ងរបស់សហរដ្ឋអាមេរិកលក្នុងការបង្កើនការចូលរួមនៅក្នុងតំបន់នេះ នឹងមិនត្រូវបានអត់ឱនអោយនោះទេ។
រដ្ឋមន្ត្រីការពារជាតិអ៊ីរ៉ង់ លោក Mohammad Reza Ashtiani បានប្រាប់ទីភ្នាក់ងារព័ត៌មាននិស្សិតអ៊ីរ៉ង់ ដែលជាប្រព័ន្ធផ្សព្វផ្សាយរបស់រដ្ឋថា ការប៉ុនប៉ងណាមួយដោយសហរដ្ឋអាមេរិកក្នុងការបង្កើតសម្ព័ន្ធកងទ័ពជើងទឹកអន្តរជាតិ "នឹងត្រូវប្រឈមមុខនឹងបញ្ហាធំជាមិនខាន" ។
