ចិន​ប្រកាស​បិទ​ផ្លូវ​នាវាចរណ៍​លើ​អ៊ីស្រាអែល និង​រារាំង​ក្រុមហ៊ុន​ដឹកជញ្ជូន​ពីការទំនាក់ទំនងជាមួយ​កំពង់ផែ​អ៊ីស្រាអែល! រឿងនេះ​កើតឡើងបន្ទាប់ពី​ការ​ដក​ខ្លួនរបស់ក្រុមហ៊ុន​ដឹក​ជញ្ជូន​អឺរ៉ុប​ចេញ​ពី​ព្រែកជីក​ស៊ុយអេ និង​​សមុទ្រ​ក្រហម! ចិនធ្វើឡើងនេះដោយបំពេញបំណងតាមការទាមទាររបស់យេម៉ែនក្នុងការបិទដែនសមុទ្រ Bab al-Mandab ដើម្បីវាយប្រហារដល់អ៊ីស្រាអែល។ អេហ្ស៊ីបបានប្រកាសថាការវាយប្រហាររបស់ក្រុម Houthi នៅច្រកសមុទ្រ Bab al-Mandab មិនបានធ្វើអោយប៉ះពាល់ដល់ព្រែកជីកស៊ុយអេនោះទេ ហើយកងទ័ពអេហ្ស៊ីបបានចាប់ផ្តើមសាងសង់ជញ្ជាំងបំបែកថ្មីរវាងឧបទ្វីបស៊ីណៃ និងតំបន់ហ្គាហ្សាដើម្បីការពារពីការផ្លាស់ទីលំនៅ។​ សម្ពាធអេហ្ស៊ីបបានដាក់គឺបានទទួលជោគជ័យក្នុងការបើកច្រកឆ្លងកាត់ Karam Abu Salem ដើម្បីនាំយកជំនួយចូលទៅក្នុងហ្គាហ្សា​ ខណៈពេលដែលក្រុមហាម៉ាសនៅតែបន្តវាយប្រហារលើកងទ័ពអ៊ីស្រាអែល។​ ជាមួយនឹងអង់គ្លេស​ និងអាល្លឺម៉ង់បានប្រកាសពីការដកខ្លួនចេញពីការគាំទ្រសង្រ្គាមអ៊ីស្រាអែលនៅលើតំបន់ហ្គាហ្សា​ និងអំពាវនាវឱ្យមានបទ​ឈប់​បាញ់​អចិន្ត្រៃយ៍ តើ​អ៊ីស្រាអែល​កំពុងឈានដល់ចំនុចបញ្ចប់មែនទេ?

1. ចិនវាយប្រហារក្រុមហ៊ុនដឹកជញ្ជូនអឺរ៉ុបដើម្បីផលប្រយោជន៍ពីព្រែកជីកស៊ុយអេ

យោងតាមសារព័ត៌មាន The Maritime Executive ចុះផ្សាយថ្ងៃទី១៧ ខែធ្នូបានអោយដឹងថា កាលពីថ្ងៃសៅរ៍ ក្រុមហ៊ុនដឹកជញ្ជូនកុងតឺន័រចិន OOCL បានប្រកាសឡើងថាបានសម្រេចចិត្តផ្អាកការដឹកជញ្ជូនទាំងអស់ទៅកាន់ និងចេញពីកំពង់ផែសមុទ្ររបស់អ៊ីស្រាអែល។

ក្រុមហ៊ុននេះបាននិយាយឡើងនៅក្នុងសេចក្តីប្រកាសមួយឃ្លានៅលើគេហទំព័ររបស់ខ្លួនថា "ដោយសារតែបញ្ហាប្រតិបត្តិការ ក្រុមហ៊ុន OOCL នឹងបញ្ឈប់ការទទួលយកទំនិញទៅកាន់ និងចេញពីប្រទេសអ៊ីស្រាអែលជាមួយនឹងការអនុវត្តន៍ភ្លាមៗរហូតដល់មានការជូនដំណឹងបន្ថែម" ។

យ៉ាងហោចណាស់មានខ្សែក្រុមហ៊ុនដឹកជញ្ជូនកុងតឺន័រចំនួន ៤ បានបោះបង់ចោលការដឹកជញ្ជូនឆ្លងកាត់សមុទ្រក្រហម និងព្រែកជីកស៊ុយអេ ដោយសារតែការគំរាមកំហែងពីការវាយប្រហាររបស់កងកម្លាំង Houthi និងបានធ្វើការផ្លាស់ប្តូរទិសដៅធ្វើដំណើរ។ ​​​ប៉ុន្តែក្រុមហ៊ុន OOCL មិនបានរកដំណោះស្រាយបែបនេះទេ។

2. ជំនួយត្រូវបានដឹកតាមច្រក Kerem Shalom របស់អ៊ីស្រាអែលជាលើកដំបូង

យោងតាមសារព័ត៌មាន Reuters ចុះផ្សាយថ្ងៃទី១៨ ខែធ្នូបានអោយដឹងថា ក្រុមមន្ត្រីបាននិយាយថា ច្រកព្រំដែន Kerem Shalom រវាងអ៊ីស្រាអែល និងតំបន់ហ្គាហ្សាបានបើកឡើងវិញកាលពីថ្ងៃអាទិត្យសម្រាប់អោយរថយន្តដឹកជំនួយចេញចូលជាលើកដំបូងចាប់តាំងពីការផ្ទុះឡើងនៃសង្រ្គាម ដែលជាវិធានការមួយក្នុងគោលបំណងដើម្បីបង្កើនចំនួនស្បៀងអាហារ និងថ្នាំពេទ្យទ្វេដងដល់តំបន់នោះ។

ច្រកឆ្លងកាត់នេះត្រូវបានបិទឡើងបន្ទាប់ពីការវាយប្រហារកាលពីថ្ងៃទី7 ខែតុលាដោយក្រុមហាម៉ាស់ ហើយជំនួយត្រូវបានបញ្ជូនតាមរយៈច្រកព្រំដែន Rafah របស់ហ្គាហ្សា និងអេហ្ស៊ីបតែមួយគត់ប៉ុណ្ណោះ ដែលអ៊ីស្រាអែលបាននិយាយថាអាចអនុញ្ញាតិអោយរថយន្តដឹកជំនួយបានត្រឹមតែ 100 គ្រឿងប៉ុណ្ណោះចូលក្នុងមួយថ្ងៃ។

3. អង់គ្លេស និងអាល្លឺម៉ង់អំពាវនាវឱ្យមានបទឈប់បាញ់អចិន្រ្តៃយ៍

យោងតាមសារព័ត៌មាន The New York Times ចុះផ្សាយថ្ងៃទី១៧ ខែធ្នូបានអោយដឹងថា រដ្ឋមន្ត្រីការបរទេសអង់គ្លេសលោក David Cameron និងសមភាគីអាល្លឺម៉ង់អ្នកស្រី Annalena Baerbock បានសង្កត់ធ្ងន់ថា "តម្រូវការគឺបន្ទាន់" សម្រាប់ "បទឈប់បាញ់អចិន្រ្តៃយ៍" នៅក្នុងតំបន់ Gaza នៅក្នុងអត្ថបទរួមមួយសម្រាប់កាសែត Sunday Times របស់ចក្រភពអង់គ្លេស។

រដ្ឋមន្ត្រីទាំងពីរបានសរសេរនៅក្នុងអត្ថបទ Sunday Times រួមគ្នាថា "ជនស៊ីវិលច្រើនពេកហើយត្រូវបានសម្លាប់"នៅក្នុងជម្លោះនេះ ហើយបានបង្កើនសម្ពាធដល់អ៊ីស្រាអែលក្នុងការនាំយកប្រតិបត្តិការរបស់ខ្លួនប្រឆាំងនឹងក្រុមហាម៉ាស។

ពួកគេបានសរសេរថា"យើងត្រូវតែប្រឹងប្រែងអោយអស់ពីសមត្ថភាពដើម្បីត្រួសត្រាយផ្លូវដើម្បីឆ្ពោះទៅរកបទឈប់បាញ់អចិន្រ្តៃយ៍ ដែលនាំទៅរកសន្តិភាពប្រកបដោយនិរន្តរភាព។ កាន់តែឆាប់ កាន់តែល្អ តម្រូវការនេះគឺបន្ទាន់"។