វិសាលភាពដ៏ធំធេងនៃផ្ទៃទឹកបានគ្របដណ្តប់លើភពផែនដីរបស់យើងរហូតដល់ទៅ ៧១% ដែលក្នុងមាន៩៧%ទៅហើយជាទឹករបស់មហាសមុទ្រ ខណៈដែលត្រឹមតែ៣%ប៉ុណ្ណោះជាទឹកសាបដែលអាចយកប្រើប្រាស់។ ថ្វីបើមហាសមុទ្រក៏អាចបានដើរតួយ៉ាងសំខាន់សំរាប់ធ្វើជាផ្លូវដឹកជញ្ជូនសំរាប់ពាណិជ្ជកម្ម និងអាចទ្រទ្រង់ភាវរស់ដែលរស់នៅក្នុងផ្ទៃទឹកនោះ។
នៅក្នុងមហាសមុទ្រទាំង៥របស់យើង គួរអោយចាប់អារម្មណ៍បានថាចំនុចលក្ខណៈពិសេសរបស់គេរួមមានដូចជា មហាសមុទ្រប៉ាស៊ីហ្វិច ដែលមានជម្រៅជ្រៅជាងគេបំផុត មហាសមុទ្រអាត្លង់ទិចគឺជាមហាសមុទ្រដែលប្រៃនិងស្ថិតនៅតាមបណ្តោយទ្វីបអាហ្រិ្វក មហាសមុទ្រឥណ្ឌាគឺជាមហាសមុទ្រដែលមានសីតុណ្ហភាពខ្ពស់ជាងគេបន្តិច ដែលពិបាកក្នុងការទ្រទ្រង់ជីវិតភាវរស់សត្វសមុទ្រ។ ចំណែកឯមហាសមុទ្រអាកទិចគឺជាមហាសមុទ្រដែលតូចជាងគេបំផុត ដែលមានទំហំប្រហែលនឹងប្រទេសរុស្ស៊ីតែប៉ុណ្ណោះ។ និងចុងក្រោយមហាសមុទ្រខាងត្បូងគឺជាមហាសមុទ្រដែលស្ថិតនៅជាប់នឹងទ្វីបអង់តាទិចតែម្តង និងពិបាកក្នុងការសិក្សាខ្លាំងជាងគេបំផុត។ ប្រសិនបើយើងសិក្សាបានកាន់តែលំអិត យើងនឹងដឹងថានៅក្នុងបណ្តាមហាសមុទ្រទាំង៥នេះ នៅមានទីកន្លែងជ្រៅបំផុតថែមទៀត ដែលហៅថាជា«អន្លង់មហាសមុទ្រ»។
នៅក្នុងនោះផងដែរ មហាសមុទ្រប៉ាស៊ីហ្វិច មានអន្លង់ជ្រៅមួយដែលហៅថា«Mariana Trench» ស្ថិតនៅជិតកោះ Mariana មានជម្រៅប្រមាណជា១១គីឡូម៉ែត្រឯណោះ កាន់តែពិសេសអន្លង់ Mariana Trench ក៏បានលាក់កំបាំងនូវទីតាំងចំណុចជ្រៅបំផុតរបស់ផែនដីផងដែរ ដែលហៅថា the Challenger Deep។ សម្រាប់មហាសមុទ្រអាត្លង់ទិចគឺមានអន្លង់ Puerto Rico ដែលស្ថិតនៅជិតកោះ Puerto Rico នេះតែម្តង មានជម្រៅ៨៤០០ម៉ែត្រ។
រីឯសម្រាប់មហាសមុទ្រឥណ្ឌាគឺមានអន្លង់ Java ស្ថិតនៅជិតកោះស៊ូម៉ាត្រា មានជម្រៅ ៧៤៥០ម៉ែត្រ និងមហាសមុទ្រអាកទិចគឺមានចំនុចជ្រៅបំផុតដែលហៅថា Molloy Hole មានជម្រៅ ៥៦០០ម៉ែត្រ ខណៈចុងក្រោយបំផុតមហាសមុទ្រខាងត្បូងរឺមហាសមុទ្រអង់តាទិកគឺមានអន្លង់ South-Sandwich ស្ថិតនៅជិតកោះ South-Sandwich មានជម្រៅ៧៤៣៤ម៉ែត្រ។ តើទស្សនិកជនយល់ឃើញយ៉ាងណាចំពោះការកកើតឡើងនៃអន្លង់ជ្រៅៗទាំងនេះ?
