យោងទៅតាមទ្រឹស្តី Special theory of relativity  របស់លោក Einstein បានអោយដឹងថា នៅពេលដែលវត្ថុមួយធ្វើដំណើរកាន់តែលឿន នោះពួកគេនឹងទទួលដឹងពេលវេលារបស់ពួកគេកាន់តែយឺត។ នោះបានសេចក្តីថា ពេលវេលារបស់អ្នកអាចនឹងលឿនជាង រឺយឺតជាងមនុស្សម្នាក់ទៀត ដែលបង្ហាញឡើងថាជា Time Dilation តែមិនមែនជា Time Travel នោះទេ។

ដូច្នេះហើយ GPS ត្រូវបានបង្កើតឡើងមកដើម្បីស្វែងរក ភាពល្អៀងនៃ Time dilation នេះហើយដើម្បីទទួលបានព័ត៌មានជាក់លាក់។ ដើម្បីកាន់តែច្បាស់ជាងនេះ សូមអ្នកសាកល្បងគិតអំពីកូនភ្លោះពីរនាក់ ម្នាក់នៅលើផែនដី ម្នាក់ទៀតជិះយាន្តអវកាសធ្វើដំណើរដោយល្បឿន 0.99C។

ត្រលប់មកវិញក្នុងរយៈពេល7ឆ្នាំ អ្នកនៅលើផែនដីកើនអាយុ7ឆ្នាំទៀត ចំណែកអ្នកមកពីអវកាសទើបតែបានឆ្លងកាត់រយៈពេល1ឆ្នាំប៉ុណ្ណោះ។ ប៉ុន្តែអ្វីៗនឹងមានកំរិត ព្រោះតាមច្បាប់ មិនមានវត្ថុដែលមានម៉ាសណាអាចធ្វើដំណើរស្មើនឹងល្បឿនពន្លឺទេមានតែវត្ថុដែលគ្មានម៉ាសដូចជា Photon ប៉ុណ្ណោះ។

ឧទាហរណ៍ប្រសិនបើ Photon នោះអាចទទួលដឹងលឺបានហើយធ្វើដំណើរក្នុងល្បឿនស្មើពន្លឺ នោះពួកគេច្បាស់ជាទទួលអារម្មណ៍ថាទៅដល់គោលដៅ និងមិនមានពេលវេលាអ្វីទាំងអស់ ចំណែកអ្នកសង្កេតការណ៍ខាងក្រៅនឹងឃើញវាធ្វើដំណើរក្នុងល្បឿនពន្លឺ។ ដូច្នេះក៏បានសេចក្តីថាល្បឿនគឺវាអាស្រ័យនឹងអ្នកសង្កេតការណ៍។