អ៊ីស្រាអែលបានប្រកាសពីការកេណ្ឌទាហានដ៏ធំបំផុតមិនធ្លាប់មានដោយមានទាហានបម្រុងជាង300,000នាក់ខណៈដែលកងកម្លាំងរបស់ខ្លួនបានព្យាយាមការពារការលុកលុយចូលបន្ថែមទៀត និងកំពុងរៀបចំការចូលឈ្លានពានវិញដ៏មានសក្តានុពលនៅក្នុងតំបន់ហ្គាហ្សាដែលមានប្រជាជនរស់នៅដ៏ច្រើន។
-
អ៊ីស្រាអែលកេណ្ឌទាហាន300 000នាក់ធ្វើសង្គ្រាមជាមួយក្រុមហាម៉ាស
យោងតាមសារព័ត៌មាន Bloomberg ចុះផ្សាយថ្ងៃទី១០ ខែតុលាបានអោយដឹងថា អ៊ីស្រាអែលបានប្រកាសពីការកេណ្ឌទាហានដ៏ធំបំផុតមិនធ្លាប់មាន ដោយមានទាហានបម្រុងជាង 300,000នាក់ខណៈដែលកងកម្លាំងរបស់ខ្លួនបានព្យាយាមការពារការលុកលុយចូលបន្ថែមទៀត និងកំពុងរៀបចំការចូលឈ្លានពានវិញដ៏មានសក្តានុពលនៅក្នុងតំបន់ហ្គាហ្សាដែលមានប្រជាជនរស់នៅដ៏ច្រើន។ អ៊ីស្រាអែល តាមសេចក្តីរាយការណ៍បានកាត់ផ្តាច់ការដឹកជញ្ជូនអាហារ ឬប្រេងឥន្ធនៈទៅកាន់តំបន់ហ្គាហ្សាស្ទ្រីបនោះហើយ។ អ្នកនាំពាក្យរបស់ក្រុមហាម៉ាស់បាននិយាយថា ក្រុមហាម៉ាស់នឹងសម្លាប់ចំណាប់ខ្មាំងម្នាក់រៀងរាល់មួយម៉ោងម្តងប្រសិនបើអ៊ីស្រាអែលបន្តវាយប្រហារផ្ទះជនស៊ីវិលនៅក្នុងតំបន់ហ្គាហ្សាដោយគ្មានការព្រមានថែមទៀត។
-
អាល្លឺម៉ង់ពិចារណាផ្អាកជំនួយដល់ប៉ាឡេស្ទីន
យោងតាមសារព័ត៌មាន Reuters ចុះផ្សាយថ្ងៃទី០៩ ខែតុលាបានអោយដឹងថា ប្រទេសអាល្លឺម៉ង់បានពិភាក្សាគ្នាកាលពីថ្ងៃអាទិត្យថាតើខ្លួនគួរតែបញ្ឈប់ការផ្តល់ជំនួយដល់ប៉ាឡេស្ទីនបន្ទាប់ពីការវាយប្រហារដ៏ធំបំផុតលើអ៊ីស្រាអែលក្នុងរយៈពេលប៉ុន្មានឆ្នាំមកនេះដោយក្រុមអ៊ីស្លាមនិយមប៉ាឡេស្ទីន Hamas រឺទេ ដោយរដ្ឋាភិបាលបាននិយាយថាខ្លួនកំពុងពិនិត្យមើលការចំណាយថវិកាសំរាប់ការអភិវឌ្ឍន៍នៅក្នុងតំបន់នេះ។
រដ្ឋមន្ត្រីក្រសួងអភិវឌ្ឍន៍ អ្នកស្រី Svenja Schulze នៃគណបក្សប្រជាធិបតេយ្យសង្គមនិយមកណ្តាលដែលកំពុងកាន់អំណាចបាននិយាយថា រដ្ឋាភិបាលតែងតែមានការប្រុងប្រយ័ត្នក្នុងការត្រួតពិនិត្យមើលថាថវិកាដែលត្រូវបានប្រើប្រាស់ទាំងនោះគឺប្រើសំរាប់តែក្នុងគោលបំណងត្រឹមត្រូវប្រកបដោយសន្តិវិធីប៉ុណ្ណោះ។
លោកស្រីបាននិយាយថា៖«ប៉ុន្តែការវាយប្រហារមកលើអ៊ីស្រាអែលទាំងនេះបានបង្ហាញថាពិតជាមានកំហុសនៅក្នុងសភាពផ្ទៃក្នុងរបស់ពួកគេ។ ហើយឥឡូវនេះអាល្លឺម៉ង់គឺចាំបាច់ត្រូវត្រួតពិនិត្យមើលឡើងវិញទាំងអស់ពាក់ព័ន្ធជាមួយនឹងការចូលរួមរបស់ពួកគេជាមួយនឹងដែនដីប៉ាឡេស្ទីន»។
-
រដ្ឋមន្ត្រីក្រសួងការពារជាតិប្រកាសឡោមព័ទ្ធទាំងស្រុងនៃតំបន់ហ្គាហ្សា
យោងតាមសារព័ត៌មាន Reuters ចុះផ្សាយថ្ងៃទី០៩ ខែតុលាបានអោយដឹងថា រដ្ឋមន្ត្រីការពារជាតិអ៊ីស្រាអែលលោក Yoav Gallant បាននិយាយថា លោកបញ្ជាឱ្យមានការ"ឡោមព័ទ្ធទាំងស្រុង" លើតំបន់ហ្គាហ្សាស្ទ្រីប ខណៈដែលអ៊ីស្រាអែលនៅតែបន្តប្រយុទ្ធជាមួយនឹងក្រុមភេរវករ ហាម៉ាស។
លោក Gallant បាននិយាយបន្ទាប់ពីការវាយតម្លៃមួយនៅឯទីបញ្ជាការ IDF Southern Command ក្នុងទីក្រុង Beersheba ថា“ខ្ញុំបានបញ្ជាឱ្យមានការឡោមព័ទ្ធទាំងស្រុងលើតំបន់ហ្គាហ្សាស្ទ្រីប។ វានឹងមិនមានអគ្គិសនី អាហារ រឺឥន្ធនៈអ្វីទាំងអស់ គ្រប់យ៉ាងគឺត្រូវបានបិទ។”
លោកបានបន្ថែមថា៖ “យើងកំពុងប្រយុទ្ធនឹងសត្វមនុស្ស ហើយយើងកំពុងតែសំរបទៅតាមនោះ។”
