ប៉ាគីស្ថានបានទទួលការដឹកជញ្ជូនឧស្ម័នរាវជាលើកដំបូងរបស់ខ្លួនពីប្រទេសរុស្ស៊ី នេះបើតាមស្ថានទូតរបស់ទីក្រុងមូស្គូនៅទីក្រុងអ៊ីស្លាម៉ាបាដបាននិយាយកាលពីថ្ងៃអង្គារដែលជាការកត់សម្គាល់អំពីការទិញថាមពលដ៏ធំជាលើកទីពីររបស់ទីក្រុងអ៊ីស្លាម៉ាបាដពីប្រទេសរុស្ស៊ី។
-
ហេតុអ្វីរុស្ស៊ីលក់ឧស្ម័ន LPG អោយប៉ាគីស្ថាន?
យោងតាមសារព័ត៌មាន Firstpost ចុះផ្សាយថ្ងៃទី២៧ ខែកញ្ញាបានអោយដឹងថា ប៉ាគីស្ថាន បានទទួលការដឹកជញ្ជូនឧស្ម័នរាវជាលើកដំបូងរបស់ខ្លួនពីប្រទេសរុស្ស៊ី នេះបើតាមស្ថានទូតរបស់ទីក្រុងមូស្គូនៅទីក្រុងអ៊ីស្លាម៉ាបាដបាននិយាយកាលពីថ្ងៃអង្គារដែលជាការកត់សម្គាល់អំពីការទិញថាមពលដ៏ធំជាលើកទីពីររបស់ទីក្រុងអ៊ីស្លាម៉ាបាដពីប្រទេសរុស្ស៊ី។
ការដឹកជញ្ជូនដែលស្ថានទូតបាននិយាយថាជាការដឹកជញ្ជូនក្រោមជំនួយផ្លូវច្រករបៀងសេដ្ឋកិច្ចអ៊ីរ៉ង់ កើតឡើងបន្ទាប់ពីប៉ាគីស្ថានបានទទួលការទិញប្រេងឆៅពីរុស្ស៊ីជាលើកដំបូងក្រោមកិច្ចព្រមព្រៀងដែលបានធ្វើឡើងរវាងប្រទេសទាំងពីរកាលពីដើមឆ្នាំនេះ។
ប្រទេសប៉ាគីស្ថានបាននិយាយថា ខ្លួនបានបង់ថ្លៃប្រេងឆៅរុស្ស៊ីជារូបិយប័ណ្ណចិន ប៉ុន្តែតម្លៃនៃកិច្ចព្រមព្រៀងនេះមិនត្រូវបានបង្ហាញឱ្យដឹងនោះទេ។
ខណៈដែលប៉ាគីស្ថានធ្លាប់តែប្រកាន់ជំហរអព្យាក្រឹត្យក្នុងសង្គ្រាមរុស្ស៊ីនិងអ៊ុយក្រែន ប៉ុន្តែកន្លងមកក៏ឃើញថាប៉ាគីស្ថានបានធ្លាប់បញ្ជូនអាវុធដើម្បីបំពាក់អោយអ៊ុយក្រែនផងដែរ ដើម្បីជាការដោះដូរនឹងជំនួយថវិកាសង្គ្រោះ IMF របស់សហរដ្ឋអាមេរិច។ ដូច្នេះជំហានថ្មីរបស់ប៉ាគីស្ថាននេះអាចចាត់ទុកជាល្បែង២ក្នុងពេលតែមួយ ខណៈដែលប៉ាគីស្ថានធ្វើរឿងនេះ គឺបានសេចក្តីថានាពេលនេះសម្ព័ន្ធមិត្តជិតស្និទ្ធរបស់ពួកគេលែងជាអាមេរិចទៀតហើយ ប៉ុន្តែគឺជារុស្ស៊ី និងចិនទៅវិញ ដែលគេអាចទិញប្រេងក្នុងតំលៃថោកពីរុស្ស៊ី និងទទួលបានជំនួយថវិកាពីចិនបានផងដែរ។
-
ការប៉ះទង្គិចរបស់ឥណ្ឌានិងកាណាដាគំរាមកំហែងពាណិជ្ជកម្ម
យោងតាមសារព័ត៌មាន Bloomberg ចុះផ្សាយថ្ងៃទី២៧ ខែកញ្ញាបានអោយដឹងថា ទំនាក់ទំនងកាណាដា-ឥណ្ឌាកាន់តែយ៉ាប់យ៉ឺនចាប់តាំងពីនាយករដ្ឋមន្ត្រីលោក Justin Trudeau បានចោទប្រកាន់ទីក្រុង New Delhi ពីបទរៀបចំការធ្វើឃាតមេដឹកនាំផ្តាច់ខ្លួនលោក Sikh នៅខេត្ត British Columbia។ ឥឡូវនេះការប្រឈមមុខគ្នាខាងផ្នែកការទូតបានគំរាមកំហែងដល់សេដ្ឋកិច្ចរបស់ពួកគេទាំងពីរហើយ។
កិច្ចព្រមព្រៀងពាណិជ្ជកម្មដំណាក់កាលដំបូងដែលបានស្នើឡើងគឺស្ថិតក្នុងស្ថានភាពគ្រោះថ្នាក់ ដែលអាចធ្វើឱ្យប៉ះពាល់ដល់កិច្ចខិតខំប្រឹងប្រែងរបស់ឥណ្ឌាក្នុងការទាក់ទាញប្រទេសលោកខាងលិច និងធ្វើជាជម្រើសខ្សែសង្វាក់ផ្គត់ផ្គង់សម្រាប់ប្រទេសចិន។ ចំណែកឯការចូលទៅកាន់ប្រើប្រាស់សារធាតុប៉ូតាសកាណាដារបស់ឥណ្ឌា ដែលជាសារធាតុចិញ្ចឹមសំខាន់សម្រាប់ដំណាំកសិផលនោះ ក៏អាចរងនូវផលប៉ះពាល់បានដែរ។
និស្សិតឥណ្ឌាអាចចាប់ផ្តើមចៀសវាងប្រទេសកាណាដាសម្រាប់ការសិក្សកំរិតខ្ពស់ បន្ទាប់ពីទីក្រុងញូវដែលីបានចេញសេចក្តីណែនាំស្តីពីសុវត្ថិភាពនៅក្នុងប្រទេសសម្រាប់ "សកម្មភាពប្រឆាំងនឹងឥណ្ឌា"។ នេះអាចប៉ះពាល់ដល់វិស័យដែលនាំមកនូវប្រាក់ចំណូលប្រហែល16.3 ពាន់លានដុល្លាជារៀងរាល់ឆ្នាំពីប្រទេសកាណាដា។
-
ការផ្ទុះឃ្លាំងស្តុកដ៏កក្រើកនៅអតីតរដ្ឋសូវៀត អ៊ូសបេគីស្ថាន
យោងតាមសារព័ត៌មាន CNN ចុះផ្សាយថ្ងៃទី២៨ ខែកញ្ញាបានអោយដឹងថា ការផ្ទុះដ៏ធំមួយបង្កើតបានជាភ្លើងឆាបឆេះដ៏សន្ធោសន្ធៅបានកើតឡើងនៅព្រឹកថ្ងៃព្រហស្បតិ៍នៅឯឃ្លាំងមួយក្នុងរដ្ឋធានី Tashkent ប្រទេសអ៊ូសបេគីស្ថាន។
ការផ្ទុះនេះបានកើតឡើងនៅឃ្លាំងមួយដែលនៅជិតអាកាសយានដ្ឋាន Tashkent។
មិនទាន់មានរបាយការណ៍ភ្លាមៗអំពីអ្នកស្លាប់និងរបួសនៅពេលនេះទេ។
ទីភ្នាក់ងារសារព័ត៌មានរដ្ឋរុស្ស៊ី Tass ដែលដកស្រង់ពីក្រសួងកិច្ចការផ្ទៃក្នុងនៃប្រទេស Uzbekistan បាននិយាយថាអគ្គីភ័យបានឆាបឆេះឃ្លាំងមួយនៅក្នុងចំណោមនោះនៅក្នុងសង្កាត់ Sergeli នៃទីក្រុង បន្ទាប់ពីទីបរិក្ខារនេះត្រូវបានវាយប្រហារដោយរន្ទះ។
ក្រសួងបាននិយាយថា ឃ្លាំងនេះជាកម្មសិទ្ធិរបស់ក្រុមហ៊ុន Inter Logistics LLC។
ជាមួយនឹងប្រជាជនជិត 3 លាននាក់ Tashkent គឺជាទីក្រុងធំបំផុតនៅអាស៊ីកណ្តាលដែលជាអតីតរដ្ឋសូវៀត។
