តើទស្សនិកជនធ្លាប់ចាប់អារម្មណ៍ដែររឺទេ វិទ្យុដែលលោកអ្នកស្តាប់ពីក្មេងៗដំណើរការដោយរបៀបណា? វាប្រហែលជារឿងស្មុគស្មាញនឹងយល់ តែក៏មិនពិបាកយល់ខ្លាំងណាស់ដែរ ប្រសិនបើលោកអ្នកយល់ពីដំណើរការនេះបានច្បាស់។

ដំណាក់កាលដំបូងគឺចាប់ផ្តើមពីរលកសំលេងដែលបានបង្កើតឡើងតាមរយៈការចាក់បទចម្រៀង ការនិយាយនៅលើ Microphone ជាដើម បន្ទាប់មករលកសំលេងក៏ត្រូវបានបំលែងទៅជាចរន្តអេឡិចត្រូម៉ាញេទិច ដែលត្រូវបញ្ជូនបន្តក្នុងឧបករណ៍ Transmitter រួមបញ្ចូលជាចរន្ត Carrier Signal ដែលស្ថិតនៅក្នុងនោះបញ្ជូនទៅកាន់អង់តែន និងផ្សព្វផ្សាយបន្តទៅក្នុងធាតុអាកាសជាទំរង់រលកវិទ្យុ។ 

ជាធម្មតារលកវិទ្យុនោះស្ថិតក្នុងទំរង់ Pattern និងប្រេកង់ៗខុសគ្នា និងមានជាពីរប្រភេទ មួយ FM Signal ដែលអាចចាប់បាននៅក្នុងខ្សែបន្ទាត់ Horizon និងAM Signal ដែលអាចចាប់បាននៅខាងក្រៅខ្សែបន្ទាត់ Horizon ទៅទៀត។ បន្ទាប់មកទៀតឧបករណ៍ចាប់រលកធាតុអាកាសដូចជា វិទ្យុក៏អាចចាប់រលកវិទ្យុនោះតាមរយៈអង់តែនវិទ្យុ និងបំលែងរលកវិទ្យុដែលចាប់បានទៅជារលកសំលេងសំរាប់ស្តាប់វិញតាមរយៈ Speakerរបស់វិទ្យុ។ តើទស្សនិកជនយល់ឃើញយ៉ាងណាដែរចំពោះដំណើរការនេះ?