ចាប់ផ្តើមជាមួយកាសែតអង់គ្លេស Financial Times ដែលបាននិយាយនៅក្នុងរបាយការណ៍ថាកំហុសបច្ចេកទេសដោយបុគ្គលិកក្រសួងការពារជាតិអាមេរិកបាននាំឱ្យអ៊ីមែលរាប់លានត្រូវបានផ្ញើទៅក្រសួងការពារជាតិនៅប្រទេសម៉ាលីជំនួសឱ្យក្រសួងការពារជាតិអង់គ្លេសដែលមានន័យថាព័ត៌មានអាថ៌កំបាំងទាំងនោះត្រូវបានឈានដល់ប្រទេសរុស្ស៊ីដែលគាំទ្ររដ្ឋាភិបាលធ្វើរដ្ឋប្រហារ ដែលបានដឹកនាំប្រទេសម៉ាលីតាំងពីឆ្នាំមុន។ ម៉្យាងវិញទៀតកងទ័ពអ៊ុយក្រែនបានប្រកាសថាខ្លួនបានដណ្តើមបានមកវិញនូវភូមិStaromaiorskeនៅភាគអាគ្នេយ៍នៃប្រទេសពីការក្តោបក្តាប់របស់កងកម្លាំងរុស្ស៊ី។ ភូមិនេះបន្ថែមពីលើភូមិOrekhiv ដែលនៅជិតនោះគឺជាចន្លោះឆ្លងកាត់ដែលកងទ័ពអ៊ុយក្រែនកំពុងព្យាយាមទៅដល់សមុទ្រ Azov និងគំរាមកំហែងកំពង់ផែរុស្ស៊ី។
-
បែកធ្លាយអ៊ីមែលយោធាអាមេរិករាប់លានទៅកាន់គេហទំព័រប្រតិបត្តិករម៉ាលី
យោងតាមសារព័ត៌មាន Financial Times ចុះផ្សាយថ្ងៃទី១៧ ខែកក្កដាបានអោយដឹងថា អ៊ីមែលយោធាអាមេរិករាប់លានត្រូវបានបង្វែរទៅប្រទេសម៉ាលីតាមរយៈ"កំហុសបច្ចេកទេសនៃការសរសេរ" ដែលបានលាតត្រដាងព័ត៌មានសំងាត់ រួមទាំងឯកសារការទូត ការបង់ពន្ធ ពាក្យសម្ងាត់ និងព័ត៌មានលម្អិតអំពីការធ្វើដំណើររបស់មន្ត្រីកំពូលៗ។
ទោះបីជាមានការព្រមានម្តងហើយម្តងទៀតក្នុងរយៈពេលមួយទស្សវត្សរ៍ក៏ដោយ លំហូរឥតឈប់ឈរនៃចរាចរអ៊ីមែលនៅតែបន្តទៅកាន់ domain .ML ដែលកំណត់អត្តសញ្ញាណសម្រាប់ប្រទេសម៉ាលី ដែលជាលទ្ធផលនៃការវាយខុស .MIL ដែលជា Suffix នៃអាសយដ្ឋានអ៊ីមែលយោធាអាមេរិកទាំងអស់។
បញ្ហានេះត្រូវបានរកឃើញដំបូងកាលពីជិតមួយទសវត្សរ៍មុនដោយលោក Johannes Zuurbier ដែលជាសហគ្រិនអ៊ីនធឺណិតហូឡង់ដែលមានកិច្ចសន្យាគ្រប់គ្រងដែនប្រទេសរបស់ប្រទេសម៉ាលី។
ការគ្រប់គ្រង Domain .ML នឹងត្រលប់មកវិញនៅថ្ងៃច័ន្ទពីលោក Zuurbier ទៅអោយរដ្ឋាភិបាលរបស់ម៉ាលី ដែលជាសម្ព័ន្ធមិត្តជិតស្និទ្ធជាមួយរុស្ស៊ី។ នៅពេលដែលកិច្ចសន្យាគ្រប់គ្រងរយៈពេល 10 ឆ្នាំរបស់លោក Zuurbier បានផុតកំណត់ រដ្ឋអំណាចម៉ាលីនឹងអាចប្រមូលអ៊ីមែលដែលបានបញ្ជូនមកខុសទាំងនោះ។ យ៉ាងណាមិញ រដ្ឋាភិបាលម៉ាលីមិនបានឆ្លើយតបនឹងសំណើសុំការអត្ថាធិប្បាយទេ។
-
កងទ័ពអ៊ុយក្រែនស្រាប់តែឈានទៅមុខនិងគំរាមកំពង់ផែរុស្ស៊ី
យោងតាមសារព័ត៌មាន The New York Times ចុះផ្សាយថ្ងៃទី២៧ ខែកក្កដាបានអោយដឹងថា ទាហានអ៊ុយក្រែនបានដណ្តើមយកភាគអាគ្នេយ៍នៃភូមិ Staromaiorske ពីកងកម្លាំងរុស្ស៊ីវិញ តាមវីដេអូដែលបានចេញផ្សាយកាលពីថ្ងៃព្រហស្បតិ៍ដោយប្រធានាធិបតីអ៊ុយក្រែនលោក Volodymyr Zelenskyy បានបង្ហាញឡើង ខណៈដែលអ៊ុយក្រែនបន្តការវាយលុករបស់ខ្លួនឆ្លងកាត់តំបន់ភាគអាគ្នេយ៍ដែលកាន់កាប់ដោយរុស្ស៊ី។
"កងពលតូចទី35និងអង្គភាពការពារទឹកដី"Ariy" បានបំពេញភារកិច្ចរបស់ពួកគេហើយបានរំដោះភូមិ Staromaiorske ។
ភូមិ Staromaiorske មានទីតាំងនៅក្នុងតំបន់ Donetsk ភាគខាងត្បូងនៃក្រុមតាំងទីលំនៅតូចៗដែលអ៊ុយក្រែនដណ្តើមបានមកវិញក្នុងអំឡុងពេលនៃការវាយលុកដែលបានចាប់ផ្តើមនៅក្នុងខែមិថុនា។
កងកម្លាំងរុស្ស៊ីបានបង្កើតបណ្តាញធំទូលាយនៃវាលមីន និងលេណដ្ឋាននៅភាគខាងត្បូង ដើម្បីទប់ស្កាត់ការវាយលុករបស់អ៊ុយក្រែន។ ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយកាលពីថ្ងៃព្រហស្បតិ៍ថាការវាយប្រហាររបស់អ៊ុយក្រែននៅភាគខាងត្បូងជាយុទ្ធសាស្ត្រសំខាន់មានការកើនឡើង ប៉ុន្តែលោកបានប្រាប់ទូរទស្សន៍រុស្ស៊ីថា អ៊ុយក្រែនមិនមានការរីកចម្រើនអ្វីឡើយ។
-
រុស្ស៊ីព្យាយាមកំទេចមូលដ្ឋានទ័ពអាកាសអ៊ុយក្រែន
យោងតាមសារព័ត៌មាន Business Insider ចុះផ្សាយថ្ងៃទី០៧ ខែកក្កដាបានអោយដឹងថា ប្រទេសរុស្ស៊ីបានកំណត់គោលដៅវាយប្រហារដោយកាំជ្រួចមីស៊ីល និងដ្រូនបំផ្ទុះនៅឯមូលដ្ឋានទ័ពអាកាសដ៏សំខាន់មួយរបស់អ៊ុយក្រែនកាលពីយប់ថ្ងៃពុធ នៅក្នុងការប៉ុនប៉ងជាក់ស្តែងធ្វើអោយយន្តហោះផ្ទុកមីស៊ីល Storm Shadow របស់អ៊ុយក្រែនមិនអាចហោះហើរបាន។
លោក Yuriy Inhat អ្នកនាំពាក្យរបស់បញ្ជាការកងទ័ពអាកាសអ៊ុយក្រែន បាននិយាយនៅលើTelegram ថារុស្ស៊ីបានបញ្ចេញការវាយប្រហារដ៏ធំមួយឆ្ពោះទៅកាន់មូលដ្ឋានទ័ពអាកាស Starokostiantyniv នៅទីក្រុង Khmelnytskyi ភាគខាងលិចអ៊ុយក្រែន។
លោក Inhat បាននិយាយនៅក្នុងការបង្ហោះរបស់លោកថាជាសរុបមក ការការពារដែនអាកាសរបស់អ៊ុយក្រែនបានបាញ់ទម្លាក់កាំជ្រួច Cruise ចំនួន ៣៦ គ្រាប់។ ក្រោយមកនៅលើកញ្ចក់ទូរទស្សន៍ លោកបានបន្ថែមថា ដ្រូនអត្តឃាត Shahed-136 ជាច្រើនគ្រឿងដែលសំដៅទៅកាន់មូលដ្ឋានក៏ត្រូវបានបំផ្លាញផងដែរ នេះបើយោងតាមសារព័ត៌មានរដ្ឋអ៊ុយក្រែន Suspilne ។
លោក Inhat បាននិយាយថា ទោះបីជាយ៉ាងណាក៏ដោយ ការខូចខាតមួយចំនួនត្រូវបានវាយប្រហារនៅមូលដ្ឋានដោយមីស៊ីល Kinzhal ចំនួនបួនគ្រាប់ ដែលបាញ់ចេញពីយន្តហោះ MiG-31K។
Starokostiantyniv គឺជាមូលដ្ឋានសម្រាប់កងវរសេនាធំតែមួយគត់ដែលហោះហើរយន្តហោះ Su-24 ដែលផ្ទុកកាំជ្រួច Storm Shadow ផ្គត់ផ្គង់ដោយចក្រភពអង់គ្លេស។
