កាលពីពេលថ្មីៗនេះ ក្រុម«ផ្ការីកគ្រប់រដូវ» បានវាយលុកចំណាប់អ្នកស្នេហាវិស័យកីឡា ក៏ដូចជាអ្នកស្នេហាវិស័យសិល្បៈ ខណៈដែលក្រុមកីឡាបាល់ទាត់មួយនេះបានទាញយកជើងខ្លាំងជាច្រើនរូបមកពីបណ្តាញក្រុមសិល្បករកំពូលៗនិងល្បីល្បាញ!

នៅក្នុងនោះផងដែរ រួមមានដូចជាកំលោះសង្ហាៗ តារាចម្រៀងលោកចេន លោកគូម៉ា លោកខេម លោកថុល សុភិទិ និងតារាសម្តែងល្បីៗលោកអ៊ុំសុវណ្ណគីរី លោកពៅពិសិដ្ឋ លោកហេងនរៈកក្កដា និងក៏មានប្រឡូកដោយកំពូលតារាកំប្លែងនាយពាក់មី និងនាយគ្រឿនជាដើមផងដែរ។

ម្យ៉ាងវិញទៀតត្រូវបានអោយដឹងទៀតថា ក្រុមបាល់ទាត់«ផ្ការីកគ្រប់រដូវ» នេះត្រូវបានបង្កើតឡើងក្នុងចេតនាមួយដើម្បីគៀងគងស្វែងរកប្រមូលជំនួយដល់កុមារនៅកម្ពុជាផងដែរ។ 

ខណៈដែលក្រុម«ផ្ការីកគ្រប់រដូវ»កំពុងក្លាយជា Hero និងជាប្រធានបទដ៏ក្តៅគគុកនាពេលបច្ចុប្បន្ននេះ យើងចៀសមិនបានពីការទទួលដឹងនូវវត្តមានរបស់ជម្រើសជើងខ្លាំងជាងគេបំផុតប្រចាំក្រុម ដែលលោកគឺជាតារាសម្តែងកំពុងពេញនិយមមានឈ្មោះថា ហេងនរៈកក្កដា និងជាកីឡាករខ្សែប្រយុទ្ធដ៏មុតមាំ ថ្វីបើលោកអាចលេងជាតួនាទីខ្សែការពារក៏បាន និងខ្សែបំរើក៏បាន។

លោកហេង នរៈកក្កដា ជាកីឡាករខ្សែប្រយុទ្ធក្រុមផ្ការីកគ្រប់រដូវពាក់លេខ៧ ៣ប្រកួតអាចរកបាន១១គ្រាប់ ជាអ្នកទាត់ចូលទីច្រើនជាងគេប្រចាំក្រុម។ គួរបញ្ជាក់ផងដែរថា ពីមុនមកលោកក៏ជាអតីតសមាជិកក្រុមបាល់ទាត់មហាហង្សដូចគ្នាដែលប្រមូលយកសុទ្ធសឹងតែជា Super Star នៅក្នុងជួរសិល្បៈល្បីៗ! ដែលមានដូចជាតារាសម្តែងលោកលឹមជាឡាយ លោកសេងនរៈមង្គល និងលោកភឹម តារាវិបុលជាដើម។ 

ចំណែកនៅក្នុងអាជីពការងារសិល្បៈវិញ លោកហេង នរៈកក្កដាធ្លាប់បានកាន់ការងារសម្តែងជាច្រើនក្នុងដៃដូចជាការថត MV ចម្រៀងផ្សេងៗ និងខ្សែភាពយន្តល្បីៗប្រចាំស្ថានីយ៍ទូរទស្សន៍ជាដើមដូចជារឿង«សង្គ្រាមបេះដូង»របស់ស្ថានីយទូរទស្សន៍ប៉ុស្តិ៍បាយ័ន។ ចុះតើទស្សនិកជនមានចំណាប់អារម្មណ៍យ៉ាងណាដែរចំពោះសមត្ថភាពពិសេសទាំងផ្នែកសិល្បៈ និងការប្រកួតកីឡារបស់លោក?