1. សមរភូមិរថក្រោះអត្តឃាតរុស្ស៊ី
យោងតាមសារព័ត៌មាន Forbes ចុះផ្សាយថ្ងៃទី១៨ ខែមិថុនាបានអោយដឹងថា នៅមុនថ្ងៃអាទិត្យមួយ កងកម្លាំងរុស្ស៊ីនៅជិតទីក្រុង Marinka ក្នុងតំបន់ Donetsk ភាគអាគ្នេយ៍នៃប្រទេសអ៊ុយក្រែន បានបញ្ជូននូវអ្វីដែលមើលទៅហាក់ដូចជារថក្រោះ T-54ឬT-55 ដែលមានអាយុកាលប្រមាណជា70 ឆ្នាំរួមជាមួយនឹងគ្រឿងផ្ទុះ ដែលអាចបញ្ឆេះបានត្រឹមជាមួយនឹងឧបករណ៍បញ្ជាវិទ្យុពីចម្ងាយយ៉ាងសាមញ្ញ និងបានបញ្ជូនវាឆ្ពោះទៅកាន់សមរភូមិជួរមុខអ៊ុយក្រែន។ យានយន្ដដែលភ្ជាប់ជាមួយនឹងឧបករណ៍បំផ្ទុះនោះត្រូវបានហៅថា VBIED ហើយខណៈនោះពួកវាមិនបានធ្វើដំណើរចេញទៅឆ្ងាយប៉ុន្មាននោះទេ ក៏ត្រូវបានវាយប្រហារទៅលើរ៉ែមីនមួយកន្លែង បន្ទាប់មកក៏បានស៊ីជាមួយនឹងមីស៊ីលប្រឆាំងរថក្រោះរបស់អ៊ុយក្រែន រួចមកក៏បានបាត់ខ្លួនក្នុងពពកផ្សែង និងកម្ទេចកម្ទី។ ទាហានល្អបំផុតរបស់រុស្ស៊ីជាច្រើនម៉ឺននាក់ត្រូវរបួសឬស្លាប់។ កងកម្លាំងរុស្ស៊ីបានបញ្ចេញរថពាសដែកល្អបំផុតមិនតិចជាង១០.០០០គ្រឿងទេ។ការវាយលុករដូវរងារបស់វិមានក្រឹមឡាំងគឺជាការបរាជ័យ។ដោយការខាតបង់ជីវិតរាប់ពាន់នាក់ ទីបំផុតកងវរសេនាធំរុស្ស៊ី និងសម្ព័ន្ធមិត្តបានដណ្តើមយកទីក្រុង Bakhmutនៅតំបន់Donbas ភាគខាងកើតអ៊ុយក្រែន ប៉ុន្តែការទទួលជ័យជម្នះបែបនោះបានលេបត្របាក់ជីវិតប្រជាជន និងសម្ភារៈបរិក្ខារជាច្រើនដែលទីក្រុងម៉ូស្គូបានលះបង់។
2. កងទ័ពចិនមកដល់គុយបា
យោងតាមសារព័ត៌មាន The Wall Street Journal ចុះផ្សាយថ្ងៃទី២០ ខែមិថុនាបានអោយដឹងថា ប្រទេសចិននិងគុយបាកំពុងចរចាដើម្បីបង្កើតកន្លែងហ្វឹកហ្វឺនយោធារួមគ្នាថ្មីមួយនៅលើកោះនេះ ដោយបានបង្កឱ្យមានការភ្ញាក់ផ្អើលនៅសហរដ្ឋអាមេរិកថា វាអាចនឹងនាំទៅដល់ការឈរជើងរបស់កងទ័ពចិននិងប្រតិបត្តិការសន្តិសុខផ្សេងទៀតដែលមានរយៈចម្ងាយត្រឹមតែ100 ម៉ាយពីឆ្នេរសមុទ្រ Florida ប៉ុណ្ណោះ នេះបើតាមការលើកឡើងដោយមន្រ្តីអាមេរិច។ ដំណឹងនេះបានលេចចេញឡើងនៅរយៈពេលតែប៉ុន្មានថ្ងៃបន្ទាប់ពីរដ្ឋមន្ត្រីការបរទេសអាមេរិកលោក Antony Blinken បានជួបជាមួយប្រធានាធិបតីចិនលោក Xi Jinping នៅក្នុងទីក្រុងប៉េកាំង។ កាលពីថ្ងៃអង្គារ លោក Blinken បានប្រាប់អ្នកយកព័ត៌មានថា លោក "បានបញ្ជាក់យ៉ាងច្បាស់" ថា សហរដ្ឋអាមេរិក "នឹងមានការព្រួយបារម្ភយ៉ាងខ្លាំង" អំពីសកម្មភាពយោធារបស់ចិន ឬសកម្មភាពឃ្លាំមើលរបស់ចិននៅក្នុងប្រទេសគុយបា។ គួរបញ្ជាក់ផងដែរថា កាសែត The Wall Street Journal ក៏ធ្លាប់បានទម្លាយរឿងនេះកាលពីដើមខែមិថុនាផងដែរអំពីផែនការសម្ងាត់របស់ចិនក្នុងការបង្កើតទីតាំងឃ្លាំមើលអេឡិចត្រូនិចនៅក្នុងប្រទេសគុយបា។ ដំបូងឡើយ សេតវិមានបានច្រានចោលរបាយការណ៍នេះថា "មិនត្រឹមត្រូវ"ទេ ប៉ុន្តែក្រោយមកបានលាតត្រដាងថា វាមិនត្រឹមត្រូវព្រោះដោយសារតែប្រទេសចិនបានដំណើរការមូលដ្ឋានចារកម្មនៅក្នុងប្រទេសគុយបារួចមកហើយចាប់តាំងពីយ៉ាងហោចណាស់ក៏ឆ្នាំ 2019 ដែរ។
3. អាល្លឺម៉ង់ប្រកាសអស់គ្រាប់រំសេវ
យោងតាមសារព័ត៌មាន Reuters ចុះផ្សាយថ្ងៃទី១៩ ខែមិថុនាបានអោយដឹងថា កងកម្លាំងប្រដាប់អាវុធរបស់អាល្លឺម៉ង់នៅសល់តែគ្រាប់កាំភ្លើងធំប្រមាណ២០.០០០គ្រាប់ប៉ុណ្ណោះនេះបើតាមទស្សនាវដ្ដី Der Spiegel បានសរសេរកាលពីថ្ងៃចន្ទ ដោយដកស្រង់ឯកសាររបស់ក្រសួងការពារជាតិដែលរៀបចំឡើងដើម្បីបញ្ចុះបញ្ចូលគណៈកម្មាធិការថវិកាអំពីតម្រូវការសម្រាប់ការទិញជាបន្ទាន់។ ប្រទេសដូចជាប្រទេសអាល្លឺម៉ង់បានប្រញាប់ប្រញាល់បញ្ជូនការផ្គត់ផ្គង់គ្រាប់កាំភ្លើងធំ 155m ដែលប្រើដោយអាវុធ howitzers ទៅកាន់អ៊ុយក្រែនបន្ទាប់ពីការលុកលុយដោយរុស្ស៊ីក្នុងខែកុម្ភៈ ឆ្នាំ 2022 ដោយអស់ស្តុកទុកសម្រាប់ការពារខ្លួនបន្តិចម្តងៗ។ Der Spiegel បានសរសេរថា យោធារបស់អាល្លឺម៉ង់ត្រូវបង្កើតឃ្លាំងស្តុកគ្រាប់ចំនួន 230,000 គ្រាប់នៅឆ្នាំ 2031 ដើម្បីអនុវត្តតាមគោលដៅរបស់អង្គការណាតូ ដើម្បីមានកាំភ្លើងធំគ្រប់គ្រាន់ដើម្បីទប់ទល់នឹងការប្រយុទ្ធដ៏ខ្លាំងក្លារយៈពេល 30 ថ្ងៃ។ Der Spiegel បានសរសេរថាក្រសួងមានគោលបំណងបង្ហាញគណៈកម្មាធិការថវិកាជាមួយនឹងកិច្ចសន្យាចំនួនប្រាំបួនសម្រាប់ការពន្លឿនការទិញគ្រាប់កាំភ្លើងធំ និងគ្រាប់រំសេវរថក្រោះនៅក្នុងប៉ុន្មានខែខាងមុខនេះ។
