1. ហេតុ​អ្វី​បាន​ជា​ប្រធាន​ចារកម្ម​វ័យ៣៧ឆ្នាំ​របស់​អ៊ុយក្រែន​ជា​គោលដៅ​សំខាន់​សម្រាប់​ពូទីន?

យោងតាមសារព័ត៌មាន​​​ The Telegraph ចុះផ្សាយថ្ងៃទី១៧ ខែមិថុនាបានអោយដឹងថា ជម្លោះបច្ចុប្បន្នបានផ្លាស់ប្តូរឧត្តមសេនីយលោក Kyrylo Budanov ពីប្រតិបត្តិករដែលគួរអោយគោរពក្នុងស្រុកទៅជាគោលដៅអាទិភាពខ្ពស់បំផុតរបស់ទីក្រុងម៉ូស្គូ។ អង្គុយ​ក្នុង​ការិយាល័យ​ងងឹតប្រធាន​ចារកម្ម​​របស់​អ៊ុយក្រែន​សម្លឹង​កញ្ចក់​កាមេរ៉ា​ដោយ​មិន​បញ្ចេញ​សំឡេង។ វីដេអូដែលមានរយៈពេល30វិនាទីដែលបានចេញផ្សាយមុនពេលចាប់ផ្តើមប្រតិបត្តិការវាយបករបស់អ៊ុយក្រែនត្រូវបានមានចំណងជើងថា"គំរោងការណ៍ស្រលាញ់ភាពស្ងៀមស្ងាត់" ។ វាជាលើកចុងក្រោយដែលពិភពលោកបានឃើញឧត្តមសេនីយ៍ឯកលោក Kyrylo Budanov មុនពេលដែលរុស្ស៊ីបានអះអាងថាលោកបានទទួលរងរបួសយ៉ាងធ្ងន់ធ្ងរនៅក្នុងការវាយប្រហារដោយមីស៊ីលទៅលើទីស្នាក់ការកណ្តាលនៃនាយកចារកម្មយោធារបស់លោកក្នុងទីក្រុង Kyiv។ ស្ថានភាពបច្ចុប្បន្នរបស់លោកមិនត្រូវបានគេដឹងនោះទេ៖ ប៉ុន្តែជំនួយការរបស់លោកបានប្រាប់The Telegraph ថាលោកនៅមានជីវិតនិងមានសុខភាពល្អទេ ប៉ុន្តែមិនមានរូបភាពណាមួយត្រូវបានបញ្ចេញដើម្បីបញ្ជាក់នោះទេ។ លោក Budanovយោងទៅតាម Telegraph ត្រូវបានចាត់ទុកថាជាបុគ្គលម្នាក់ក្នុងចំណោមឥស្សរជនអ៊ុយក្រែនដែលកំពុងតាមស្វែងរកខ្លួនខ្លាំងជាងគេបំផុតដោយរុស្ស៊ីដោយសារតែផែនការរបស់លោកនៃការធ្វើការវាយប្រហារនៅខាងក្នុងប្រទេសរុស្ស៊ី។ ដោយ​មិន​បង្ហាញ​ព័ត៌មាន​លម្អិត​ច្បាស់​លាស់ លោក​បាន​បញ្ជាក់​ថា ភ្នាក់ងារ​របស់​លោក​បាន​ធ្វើ​ឃាត​អ្នក​ឃោសនា​របស់​វិមាន​ក្រឹមឡាំង។ ឯកសារមន្ទីរបញ្ចកោណដែលបានបែកធ្លាយនៅលើវេទិកាផ្ញើសារDiscord បានសន្មតថាផែនការសម្រាប់"ការវាយប្រហារទ្រង់ទ្រាយធំ" នៅក្នុងប្រទេសរុស្ស៊ីក្នុងឱកាសខួបមួយឆ្នាំនៃការឈ្លានពានរបស់ទីក្រុងម៉ូស្គូក៏សំដៅទៅលើរូបលោកដូចគ្នា។ ហើយ​បន្ទាប់​មកលោកក៏​មាន​ទំនាក់​ទំនង​ទៅ​នឹង​កងពលតូច​ប្រឆាំង​វិមាន​ក្រឹមឡាំង​របស់រុស្ស៊ី ដែល​បាន​បើក​ការ​វាយឆ្មក់​ឆ្លង​ព្រំដែន​យ៉ាង​ក្លាហាន​ចូល​ក្នុង​តំបន់ Belgorod របស់​រុស្ស៊ីផងដែរ។

2. ទាហានអ៊ុយក្រែន 750 នាក់ត្រូវបានសម្លាប់ក្នុងរយៈពេល 24 ម៉ោង

យោងតាមសារព័ត៌មាន Breaking Latest News ចុះផ្សាយថ្ងៃទី១៨​​​ ខែមិថុនាបានអោយដឹងថា ក្រសួងការពារជាតិរុស្ស៊ីបានបញ្ជាក់ពីការលុបបំបាត់ទាហានអ៊ុយក្រែនប្រហែល 750 នាក់ក្នុងអំឡុងពេលថ្ងៃកន្លងមកដោយបន្ថែមថាចំនួននៃការខាតបង់របស់អ៊ុយក្រែនរួមមានអ្នកស្លាប់ចំនួន 380 នាក់និងរថក្រោះដែលត្រូវបានបំផ្លាញចំនួន 35 នៅលើតំបន់ Zaporizhia និងភាគខាងត្បូង Donetsk ។ នៅក្នុងរបាយការណ៍ប្រចាំថ្ងៃរបស់ខ្លួន ក្រសួងការពារជាតិរុស្ស៊ីបាននិយាយថា ក្នុងរយៈពេល24ម៉ោងកន្លងមកនេះកងកម្លាំងអ៊ុយក្រែនបានបន្តការប៉ុនប៉ងវាយប្រហារក្នុងទិសដៅនៃទីក្រុង Zaporizhia តំបន់ភាគខាងត្បូង Donetsk និងតំបន់ Donetsk ។ ហើយបានបញ្ជាក់ថារាល់ការប៉ុនប៉ងរបស់ "សត្រូវ" ក្នុងការវាយប្រហារលើតំបន់Zaporizhia ដែលបានរកឃើញថាជាការប្រយុទ្ធដ៏សាហាវបំផុតត្រូវបានបរាជ័យ ខណៈពេលដែលកងកម្លាំងរុស្ស៊ីអាចរុញច្រានការវាយប្រហាររបស់អ៊ុយក្រែនបានចំនួន 4 នៅក្នុងតំបន់ Vrimevsky នៅលើតំបន់ Donetsk ភាគខាងត្បូង។ការខាតបង់សរុបរបស់កងកម្លាំងអ៊ុយក្រែននៅលើតំបន់ទាំងពីរនេះក៏បានកើនឡើងចំនួនអ្នកស្លាប់មាន 380 នាក់ រថក្រោះ 35 គ្រឿង និងយានប្រយុទ្ធថ្មើរជើងចំនួន 33 គ្រឿង ក្នុងនោះរួមមាន Bradley ពីរគ្រឿង និងឧបករណ៍យោធាផ្សេងទៀត។

3. ពូទីនមិនលើកលែងថា Zaluzhny អាចនឹងនៅក្រៅអ៊ុយក្រែន

យោងតាមសារព័ត៌មាន Tass ចុះផ្សាយថ្ងៃទី១៨​​​ ខែមិថុនាបានអោយដឹងថា ប្រធានាធិបតីរុស្ស៊ី លោក វ្ល៉ាឌីមៀ ពូទីន មិនច្រានចោលថា អគ្គមេបញ្ជាការកងទ័ពអ៊ុយក្រែន លោក Valery Zaluzhny អាចនឹងនៅបរទេសនោះទេ ដោយលោកពូទីនបាននិយាយក្នុងអំឡុងពេលសន្ទនាជាមួយអ្នកកាសែតរុស្ស៊ីដែលក្តោបឡើងអំពីបញ្ហាប្រតិបត្តិការយោធាពិសេសនៅអ៊ុយក្រែន។ លោកប្រធានាធិបតីបាននិយាយនៅក្នុងការឆ្លើយតបទៅនឹងសំណួរអំពីកន្លែងលាក់ខ្លួនរបស់លោក Zaluzhny ថា "ខ្ញុំដឹង។ ខ្ញុំគិតថាខ្ញុំដឹង" ។ លោកពូទីនបាននិយាយថា "ខ្ញុំគិតថាលោកកំពុងនៅបរទេស។ ប៉ុន្តែខ្ញុំអាចស្មានខុសក៏ថាបាន។" ប្រព័ន្ធផ្សព្វផ្សាយជាដំបូងបានរាយការណ៍ពីរបួសធ្ងន់ធ្ងររបស់លោក Zaluzhny នៅក្នុងខែឧសភានេះ។ ក្រសួងការពារជាតិអ៊ុយក្រែនបានបដិសេធព័ត៌មាននេះ ប៉ុន្តែលោក Zaluzhny មិនត្រូវបានគេប្រទះឃើញជាសាធារណៈអស់រយៈពេលជាយូរមកហើយ ហើយមិនបានចូលរួមកិច្ចប្រជុំគណៈកម្មាធិការអង្គការណាតូក្នុងកម្រិតប្រធានបុគ្គលិកទៀត។ នាយកសេវាស៊ើបការណ៍បរទេសរុស្ស៊ីលោក Sergey Naryshkin បានប្រាប់អ្នកសារព័ត៌មានមុននេះថា រុស្ស៊ីកំពុងទទួលបានព័ត៌មានថ្មីៗអំពីស្ថានភាពរបស់លោក Zaluzhny ប៉ុន្តែនឹងមិនបង្ហាញព័ត៌មានលម្អិតណាមួយឡើយ។ មុននេះអនុរដ្ឋមន្ត្រីការពារជាតិអ៊ុយក្រែនអ្នកស្រី Anna Malyar បានបដិសេធការប៉ាន់ស្មានឡើងថាលោក Zaluzhny បានកំពុងរងរបួស។