កីឡាគុណខ្មែរគឺជាកីឡាមួយប្រភេទដែលកម្ពុជាអាចរកបានមេដាយមាសច្រើនជាងគេបង្អស់នៅក្នុងការប្រកួតកីឡាស៊ីហ្គេមឆ្នាំ២០២៣ ដោយគិតមកទល់ពេលនេះយោងទៅតាមកំណត់ត្រា កីឡាករគុនខ្មែរចំនួន១៤រូបអាចដណ្តើមបានមេដាយមាសចំនួន១៤គ្រឿងហើយជូនកម្ពុជា។
ក្នុងនោះផងដែរ កីឡាករគុនខ្មែរដ៏ល្បីល្បាញមួយរូបមានឈ្មោះថាទូច រ៉ាឆាន់ ហៅបឺត សង្ឃឹម ក៏ទើបតែដណ្តើមបានមេដាយមាសជាលើកទី២ជូនកម្ពុជាផងដែរនៅក្នុងវិញ្ញាសាឃីក បុកស៊ីងកាលពីថ្ងៃទី១៥ ខែឧសភា ឆ្នាំ២០២៣ ដោយបានយកឈ្នះលើកីឡាករវៀតណាមដោយពិន្ទុនៅឯសាលដំរី ពហុកីឡាកីឡាដ្ឋានជាតិមរតកតេជោ។
គួររំលឹកផងដែរថា កីឡាករទូចរ៉ាឆាន់ធ្លាប់បានសាងមុខមាត់ដណ្តើមឈ្នះមេដាយមាសជូនកម្ពុជាជាលើកដំបូងនៅក្នុងការប្រកួតកីឡាស៊ីហ្គេមលើកទី៣១ ឆ្នាំ២០២១ ដែលធ្វើឡើងនៅប្រទេសវៀតណាម និងបានឈ្នះកីឡាករថៃដោយពិន្ទុះដាច់ ៣-០។ គួរបញ្ជាក់ផងដែរថា កីឡាករទូច រ៉ាឆាន់គឺជាក្មួយប្រុសរបស់លោកបឺត ខាំ និងជាសិស្សគុនមកពីក្លឹបរ៉ាហាប់ស្វាយប៉ាក។ លោកគឺជាកីឡាករមួយរូបដែលមានស្នៀតរហ័ស និងឈ្លាសវៃខ្លាំងណាស់ ហើយធ្លាប់បានផ្តួលគូប្រជែងក្នុងប្រទេសអោយសន្លប់ជាច្រើននាក់រួចមកហើយ។
គួររំលឹកផងដែរថា កីឡាករទូច រ៉ាឆាន់ ហៅបឺត សង្ឃឹម ក៏ធ្លាប់បានដណ្តើមឈ្នះខ្សែក្រវ៉ាត់អន្ដរជាតិ IPCC Kun Khmer នៃព្រឹត្តិការណ៍ WURKZ នារដូវកាលទី២ផងដែរ ដែលមានអ្នកទស្សនាអនឡាញជាង៣សែននាក់ និងបានឈ្នះលើគូប្រកួតដ៏ខ្លាំងក្លាគឺកីឡាករវ៉ាន់ វឿន។