ភ្នំពេញ៖ កីឡាការិនីគុនខ្មែរ ទូច ចាន់វត្តី បានយកឈ្នះលើកីឡាការិនីវៀតណាម Nguyen Thi Chieu និងដណ្ដើមបានមេដាយមាស លើវិញ្ញាសា គុនខ្មែរ នារី ទម្ងន់ ៥៤គីឡូក្រាម ដែលរៀបចំឡើង ក្នុងសាលដំរី នៃពហុកីឡដ្ឋានជាតិ មរតក តេជោ នារសៀលថ្ងៃទី១១ ខែឧសភា ឆ្នាំ២០២៣ នេះ។
នៅក្នុងជំនួបរវាងកីឡាការិនីគុនខ្មែរ ទូច ចាន់វត្តី ជាមួយកីឡាការិនីវៀតណាម Nguyen Thi Chieu បានធ្វើឡើងយ៉ាងស្វិតស្វាញ ដោយកីឡាការិនី លើវិញ្ញាសា គុនខ្មែរ នារី ទម្ងន់ ៥៤គីឡូក្រាម បានប្រឹងប្រែងអស់ពីសមត្ថភាពរាងៗខ្លួនដើម្បីដណ្ដើមមេដាយមាស នាព្រឹត្តិការណ៍ស៊ីហ្គេម ដែលកម្ពុជា ធ្វើជាម្ចាស់ផ្ទះ។
គួសបញ្ជាក់ដែរថា កីឡាការិនីគុនខ្មែរជម្រើសជាតិកម្ពុជា ទូច ចាន់វត្តី ត្រូវបានអ្នកគាំទ្រប្រដាល់គុនខ្មែរចាប់អារម្មណ៍ពីសម្រស់ដ៏ស្រស់ស្អាត ក៏ធ្លាប់ឈ្នះមេដាយមាសពីការប្រកួតជើងឯកគុនខ្មែរអាស៊ីអាគ្នេយ៍ ឆ្នាំ២០២២ នៅខេត្តព្រះសីហនុ ផងដែរ៕