កាលពីពេលថ្មីៗនេះ ក្រុមបាល់ទះជម្រើសជាតិកម្ពុជាបានសាងវីរៈកម្មមួយដ៏អស្ចារ្យនៅឯពហុកីឡាដ្ឋានជាតិមរតកតេជោ ដោយបានបំបែកប្រវត្តិសាស្រ្តនៅកម្ពុជាជាលើកដំបូងឈានចូលទៅដល់វគ្គប្រកួតផ្តាច់ព្រ័ត្រនៃកីឡាស៊ីហ្គេម។ យោងតាមសហព័ន្ធកីឡាករបាល់ទះកម្ពុជា គួរបញ្ជាក់ផងដែរថា ក្រុមបាល់ទះជម្រើសជាតិកម្ពុជាទាំង១៤រូប ត្រូវបានដឹកនាំដោយគ្រូបង្គោលជនជាតិចិនលោក Li Jun ចូលរួមប្រកួតព្រឹត្តិការណ៍កីឡាស៊ីហ្គេមលើកទី៣២នៅប្រទេសកម្ពុជាឆ្នាំ២០២៣នេះ។ នៅក្នុងនោះផងដែរ កីឡាករបាល់ទះជម្រើសជាតិដ៏ឆ្នើម និងស្រស់សង្ហារបស់យើងទាំងអស់រួមមាន៖
១៖ សួន ចាន់ណារ៉ូ ប្រធានក្រុម តួនាទីប៉ះសេ អាវលេខ១៧ មានកម្ពស់ ១,៩៣ ម៉ែត្រ
២៖ ផុល រតនៈ តួនាទីបាល់លឿនស្មាត់ជំនាញបាល់កណ្ដាល អាវលេខ១៦ រូបនេះមានកម្ពស់ ១,៨៨ ម៉ែត្រ
៣៖ គួន ម៉ុម តួនាទីស្មាត់ស្ដាំល្អផ្ដាច់ អាវលេខ១៥ មានកម្ពស់១,៩៦ ម៉ែត្រ
៤៖ ឌិន ស៊ីដែន អាវលេខ៨ កម្ពស់១.៩៧cm
៥៖ មួន និមល តួនាទីបាល់លឿន អាវលេខ១៩ មានកំពស់១៩៣សម
៦៖ ឈាង ភារដ្ឋ តួនាទី លីប្រូ អាវលេខ៥ មានកំពស់ ១៨៥សម
៧៖ វឿន វាសនា បច្ចុប្បន្នតួនាទីស្មាត់ស្ដាំ អាវលេខ៩ មានកម្ពស់ ១,៩៨ ម៉ែត្រ
៨៖ ពិន សារ៉ុន តួនាទីបីម៉ែត្រក្រោយស្មាត់ស្ដាំ អាវលេខ៧ មានកម្ពស់ ២,០១ ម៉ែត្រ
៩៖ ខឹម សុវណ្ណដារ៉ា តួនាទីលីប៊័ររ៉ូ របស់ជម្រើសជាតិ អាវលេខ១ រូបនេះកម្ពស់ ១,៨០ ម៉ែត្រ
១០៖ អាន សុខហេង តួនាទីបាល់លឿនស្មាត់ស្ដាំដែលត្រូវបានគេស្គាល់ថា មានមាឌធំដូច យក្ស អាវលេខ ២៤ រូបនេះកម្ពស់១,៩៨ ម៉ែត្រ
១១៖ សឿន ហេង តួនាទីស្មាត់ស្ដាំ ម្ចាស់អាវលេខ១០ រូបនេះកម្ពស់ ១,៨៣
១២៖ ផល ផានីត ជំនាញបាល់លឿនកណ្ដាល អាវលេខ ២១ មានកម្ពស់១,៩០ម៉ែត្រ
១៣៖ ប៊ន ណារិទ្ធ តួនាទប៉ះសេ អាវលេខ ៦
១៤៖ មឿន ម៉េងឡាយ អាវលេខ១២
គួររំលឹកផងដែរថាកម្ពុជាបានដណ្តើមបានមេដាយសំរឹទ្ធ១ពីព្រឹត្តិការណ៍ស៊ីហ្គេមលើកទី៣១ បន្ទាប់ពីយកឈ្នះថៃ តំណែងលេខ៣ ក្នុងលទ្ធផល៣-២។ លុះមកដល់ព្រឹត្តិការណ៍ស៊ីហ្គេមលើកទី៣២នេះ កម្ពុជាដណ្តើមបានមេដាយប្រាក់ដោយយកឈ្នះលើប្រទេសថៃដូចគ្នា ក្នុងលទ្ធផល ៣-២។
