ភ្នំពេញ៖ កីឡាករកម្ពុជា លើប្រភេទវិញ្ញាសាគុនខ្មែរចំនួន១៥នាក់ បានត្រៀមខ្លួនឡើងប្រគួតនៅវគ្គផ្តាច់ព្រ័ត្រដើម្បីដណ្ដើមមេដាយមាស នៅក្នុងព្រឹត្តិការណ៍កីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣។ ការប្រកួតជម្រុះនាពាក់កណ្តាលវគ្គផ្តាច់ព្រ័ត្រ កាលពីល្ងាចទី៩ ខែឧសភា ឆ្នាំ២០២៣ កីឡាករកម្ពុជា បានឈ្នះចំនួន ៤ប្រកួតបន្ថែមទៀត ជាហេតុធ្វើឱ្យចំនួនកីឡាករកម្ពុជា លើវិញ្ញាសាគុនខ្មែរ សរុប១៥នាក់ បានឡើងដល់វគ្គប្រកួតផ្តាច់ព្រ័ត្រ ដែលនឹងធ្វើឡើងនៅថ្ងៃទ១០ និងថ្ងៃទី១១ ខែឧសភានេះ។ បច្ចុប្បន្នកីឡាករកម្ពុជា លើវិញ្ញាសាប្រកួតគុនខ្មែរ បានទទួលមេដាយមាសចំនួន ២គ្រឿងរួចមកហើយ និងមានកីឡាករចំនួន ១៥នាក់ ត្រៀមប្រកួតយកមេដាយមាសនៅវគ្គផ្តាច់ព្រ័ត្រនេះ។ យោងតាមផេកផ្លូវការណ៍របស់សម្ដេចតេជោ ហ៊ុន សែន នាយករដ្ឋមន្រ្តីកម្ពុជា បានឱ្យដឹងថា គិតត្រឹមម៉ោង ១០.០០នាទីយប់ នាថ្ងៃទី០៩ ឧសភា ឆ្នាំ២០២៣នេះ កម្ពុជាទទួលបានមេដាយសរុប១១៧ ក្នុងនោះមានមេដាយមាស ចំនួន៣៩មេដាយ មេដាយប្រាក់ចំនួន ៣៦គ្រឿង និងមេដាយសំរិទ្ធចំនួន ៣៥គ្រឿង៕
