ភ្នំពេញ៖ ក្រុមកីឡាបាល់ទះបុរសជម្រើសជាតិឥណ្ឌូនេស៊ី បានយកឈ្នះក្រុមកីឡាបាល់ទះបុរសជម្រើសជាតិកម្ពុជា ក្នុងលទ្ធផល៣សិត ទល់០ កាលពីរាត្រីថ្ងៃទី៨ ខែឧសភា ឆ្នាំ២០២៣ និងទទួលបានមេដាយមាស នៅក្នុងព្រឹត្តិការណ៍កីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣។ក្នុងជំនួបយ៉ាងស្វិតស្វាញនាវគ្គផ្ដាច់ព្រ័ត្រនេះ នៅសិតទី១ ក្រុមកីឡាបាល់ទះបុរសជម្រើសជាតិឥណ្ឌូនេស៊ី ទទួលបានពិន្ទុ២៥-២១,សិតទី២ ទទួលបានពិន្ទុ២៥-១០ និងសិតទី៣ ទទួលបានពិន្ទុ២៥-១៥។ លទ្ធផលរបស់ក្រុមកីឡាបាល់ទះបុរសជម្រើសជាតិឥណ្ឌូនេស៊ី បានក្លាយជាប្រវត្តិសាស្រ្តថ្មីរបស់ខ្លួនផ្ទួនៗ ខណៈពួកគេធ្លាប់យកឈ្នះម្ចាស់ផ្ទះហ្វីលីពីន និងវៀតណាម និងចុងក្រោយ គឺកម្ពុជា នាព្រឹត្តិការណ៍កីឡាស៊ីហ្គេម។ គួរកត់សម្គាល់ដែរថា មុនឈានដល់វគ្គផ្តាច់ព្រ័ត្រជាប្រវត្តិសាស្ដ្រនេះ គឺក្រុមបាល់ទះបុរសជម្រើសជាតិកម្ពុជា បានយកឈ្នះក្រុមបាល់ទះបុរសជម្រើសជាតិថៃ ៕