កាលពីយប់ថ្ងៃទី១ ក្នុងដើមខែឧសភាកន្លងទៅនេះ ផលិតកម្មបារមីបានធ្វើការទំលាក់បទចម្រៀងរួមគ្នាថ្មីមួយមានចំណងជើងថា«ចងចាំសាវតារ» រឺហៅម្យ៉ាងទៀតថា«Legacy» សំរាប់ការបើកនៃព្រឹត្តិការណ៍កីឡាស៊ីហ្គេម និងសំដៅជូនជាពិសេសទៅកាន់អត្តពលិកនៃកីឡាស៊ីហ្គេមឆ្នាំនេះ ដែលនឹងត្រូវធ្វើឡើងនៅថ្ងៃទី៥ ខែឧសភាខាងមុខនេះ។ សង្កេតឃើញថានៅក្នុងបទចម្រៀង«ចងចាំសាវតារ» នេះផងដែរ ត្រូវបានចូលរួមច្រៀងដោយសិល្បករបារមី6រូបដូចជាលោកវណ្ណដា កញ្ញា Sophia Kao លោក Norith លោក JuvieLin លោកវណ្ណថាន និងកញ្ញាស៊ូស៊ីរីកាផងដែរ។ មិនតែប៉ុណ្ណោះសង្កេតឃើញថាមិនថាឡើយជាឈ្មោះនៃចំណងជើងនៃបទចម្រៀងក្តី រឺមួយមកដល់ត្រង់ចំណុច Verse កណ្តាលនៃបទចម្រៀងក្តីគឺហាក់បាន Inspireពីទំរង់បទចំរៀងជាតិដ៏ខ្ពង់ខ្ពស់របស់យើងនិពន្ធឡើងដោយសម្តេចជួនណាតមានចំណងជើងថា«ពង្សាវតារខ្មែរ»។ ជាក់ស្តែងនៅត្រង់ការក្លាយទំនុកច្រៀង និងទំនុកភ្លេងនៅត្រង់ប៉ារូលចំរៀងថា«ខ្មែរអើយ ចូរចាំជាក់ថា ពួកយើងខ្លាំងអស្ចារ្យតាំងពីសម័យមហានគរ»។ ទាក់ទងទៅលើបទចម្រៀង«ចងចាំសាវតារ» នេះផងដែរ ក៏កាន់តែគួរអោយចម្លែកចិត្តថែមទៀតស្របពេលដែលបទចម្រៀងថ្មីរបស់លោកជីដេវីតដែលត្រូវបានចេញផ្សាយសំរាប់ជាតិមានចំណងជើងថា«មហានគរ»ដែលស្រដៀងគ្នាទៅនឹងបទចម្រៀងជាតិមួយទៀតរបស់សម្តេចជួនណាតមានចំណងជើងថា«នគររាជ»។ ប៉ុន្តែយើងនៅមិនអាចប៉ាន់ស្មានដឹងនោះទេថានៅពីក្រោយនោះសិល្បកររបស់យើងមានទំនាក់ទំនងនឹងគ្នារឺអត់ ហើយថាតើបទចម្រៀង«ចងចាំសាវតា» និងបទ«មហានគរ» ពិតជាបាន Inspireចេញពីបទចម្រៀងជាតិរបស់សម្តេចជួនណាតរឺអត់។ ចុះទស្សនិកជនយល់ឃើញយ៉ាងណាដែរ?