ភ្នំពេញ ៖ រថយន្តចំនួនជាង១០គ្រឿង ត្រូវបានសមត្ថកិច្ចនគរបាលរាជធានីភ្នំពេញ ធ្វើការឃាត់ទុកដោយសារតែកែច្នៃបំពងសំឡេងខុសបច្ចេកទេស (ស៊ីមាំងប្រែន) និងបង្កសំឡេងរំខានដល់ប្រជាពលរដ្ឋ។ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បានឱ្យដឹងថា ប្រតិបត្តិការនេះ បានធ្វើឡើងនៅយប់ថ្ងៃទី១៦ ខែមីនា ឆ្នាំ២០២៣ ក្នុងភូមិសាស្ត្រខណ្ឌប្ញស្សីកែវ។ សមត្ថកិច្ចបានឱ្យដឹងបន្តថា ក្រុមរថយន្តកែច្នៃបំពងសំឡេងតែងបង្កការរំខានដល់ប្រជាពលរដ្ឋជារៀងរាល់យប់ក្នុងភូមិសាស្ត្ររាជធានីភ្នំពេញ ជាហេតុធ្វើឱ្យមានសេចក្ដីរាយការណ៍ និងការប្តឹងពីប្រជាពលរដ្ឋរហូតឈានដល់ការទប់ស្កាត់ និងឃាត់បានចំនួន១៦គ្រឿងតែម្ដង។

របាយការណ៍ពីសមត្ថកិច្ចបានឱ្យដឹងថា រថយន្តកែច្នៃបំពងសំឡេងទាំង១៦គ្រឿង ដែលសមត្ថកិច្ចឃាត់ទុក រួមមាន៖ ១- ម៉ាកHONDA FIT ពណ៌ក្រហម ផ្លាកលេខPP-5155,២- ម៉ាកBM ពណ៌ខៀវ ផ្លាកលេខភ្នំពេញ 2B-8703,៣- ម៉ាក SUBARU BRZ ពណ៌ខ្មៅ ផ្លាកលេខ កម្ពុជា KUN0707,៤- ម៉ាក BMW ពណ៌ ស គ្មានស្លាកលេខ,៥- ម៉ាកHONDA CIVIC ពណ៌ប្រផេះ ផ្លាកលេខភ្នំពេញ 2AD-3713,៦- ម៉ាកBMW ពណ៌លឿង ផ្លាកលេខ ភ្នំពេញ 2P-0737,៧- ម៉ាក BMW ពណ៌ខៀវ ផ្លាកលេខភ្នំពេញ 2P-7191,៨- ម៉ាក BMW ពណ៌ផ្កាឈូក ផ្លាកលេខ ភ្នំពេញ 2T-7188,៩- ម៉ាក ACURA ILX ពណ៌ស ផ្លាកលេខភ្នំពេញ 2AJ-0212,១០- ម៉ាក HONDA CIVIC ពណ៌ខ្មៅ ផ្លាកលេខភ្នំពេញ 2H-6660,១១- ម៉ាកHONDA FiT ចង្កូតស្តាំ ពណ៌ផ្ទៃមេឃ ផ្លាកលេខ កំពង់ស្ពឺ KPS1350,១២- ម៉ាកHONDA ពណ៌ប្រផេះ ផ្លាកលេខកណ្តាល 2B-5456,១៣- ម៉ាក ACURA INTECRA ពណ៌ខ្មៅ ផ្លាកលេខភ្នំពេញ 2V-3122,១៤- ម៉ាក FORD MUSTANG គ្មានស្លាកលេខ,១៥- ម៉ាក HONDA CIVIC ពណ៌ខ្មៅ ផ្លាកលេខភ្នំពេញ 2O-1031 និង១៦- ម៉ាកBMW ពណ៌ទឹកប្រាក់ ផ្លាកលេខភ្នំពេញ 2AF-2665។

បច្ចុប្បន្ន សមត្ថកិច្ចបាននាំយករថយន្តទាំងអស់ទៅធ្វើការត្រួតពិនិត្យលក្ខណ:បច្ចេកទេស ធ្វើការណែនាំអប់រំ ធ្វើកិច្ចសន្យា និងពិន័យតាមច្បាប់ ហើយតម្រូវឲ្យម្ចាស់រថយន្តយករបស់ដើម មកប្តូរនៅមុខសមត្ថកិច្ច ទើបប្រគល់រថយន្តឲ្យវិញ៕