រាប់ចាប់តាំងពីលោក ថេណា លោក សេងមង្គល អ្នក នាងសួសវីសា និង លោកថមមី ដែលសុទ្ធសឹងធ្លាប់បង្ហាញខ្លួននៅក្នុងកម្មវិធីរបស់អ្នកនាងទ្រីដាណាជារឿយៗ តែទស្សនិកជនសុទ្ធតែមិនអាចទស្សន៍ទាយត្រូវបានទេថាតើសិល្បកររូបណាដែលនឹងក្លាយទៅជាទូតសុឆន្ទៈថ្មីរបស់ហាងពេជ្រដាណាទ្រី? កាលពីថ្ងៃទី៦ ខែកុម្ភៈកន្លងទៅនេះអ្នកនាងទ្រីដាណាបានសំរេចចិត្តបង្ហាញមុខមាត់ទូតសុឆន្ទៈថ្មីរបស់ខ្លួនហើយនៅក្នុងកម្មវិធីប្រកាសទូតសុឆន្ទៈដោយមានរៀបចំការប្រគំតន្រ្តី និងមានការចាប់រង្វាន់ TopFans ផងដែរដែលមានទឹកប្រាក់សរុបរហូតដល់ទៅ១ម៉ឺនដុល្លា។
ក្រោមការចួលរួមពីសិល្បករល្បីៗជាច្រើនរូបដូចជាអ្នកនាងពេជ្រសូលីកា លោកថុលសុភិទិ លោកថេណា លោកលឹមតិចម៉េង អ្នកនាងសុគន្ធនីសា និងអ្នកនាងសួសវិហ្សាជាដើមធ្វើអោយកម្មវិធីនោះកាន់តែមានភាពអ៊ឹកធឹកអធមជាពិសេសលោកថុលសុភិទិ និងអ្នកនាងពេជ្រសូលីកាក៏បានបកស្រាយបទចម្រៀងដ៏ល្បីរួមគ្នាមួយបទ«បង្ខំចិត្តបែក»ដែលជាបងរបស់អ្នកនាងពេជ្រសូលីកា និងលោកនីកូកាលពីជំនាន់មុនរំលឹកមកវិញយ៉ាងពិរោះសាជាថ្មី។
នៅក្នុងការប្រកាសទូតសុឆន្ទៈថ្មីវិញ គ្មាននរណាអាចនឹកស្មានដល់នោះទេ ព្រោះសិល្បករម្នាក់ៗសុទ្ធតែត្រូវលាក់ស្ងាត់បាត់ឈឹងដែលរួមមាន៤រូបអ្នកនាងឳកសុគន្ធកញ្ញា អ្នកនាងពេជ្រសោភា និងគូស្នេហ៍របស់នាងលោកឈឹមសក្កដា រួមទាំងតួសម្តែងប្រុសរបស់យើងលោកសេងមង្គលផងដែរ។ ដោយមានការលំអម៉ូតគ្រឿងអលង្ការលើខ្លួនរបស់ទូតសុឆន្ទៈរបស់យើងថែមទៀតផងនោះ ជាមួយនឹងគ្រឿងអលង្ការដ៏មានតម្លៃ កាន់តែនាំភាពលេចធ្លោ ទាន់សម័យ និងសក្តិសមសំរាប់កំពូលសិល្បកររបស់យើងដែលទាំងស្រស់សង្ហានិងស្រស់ស្អាតទាក់ទាញ។ ចុះចំណែកទស្សនិកជនវិញមានបានជា Top Fan របស់អ្នកនាងទ្រីដាណាដែររឺទេ?
