យោងតាម CNN ទារកមានអាយុ៦ខែទទួលបានសិទ្ធចាក់វ៉ាក់សាំងការពារជំងឺ កូវីដ ១៩បានហើយអង្គការ Food and Drug Administration កាលពីថ្ងៃព្រហស្បតិ៍បាន អនុញ្ញាតឲ្យប្រើប្រាស់វ៉ាក់សាំងជំងឺ Covid-19 ពី Moderna និង Pfizer/BioNTech សម្រាប់កុមារចាប់ពីអាយុ៦ខែដល់៥ឆ្នាំ។ មជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិកបាននិយាយកាលពីថ្ងៃសុក្រថា ខ្លួនបានពង្រីកការប្រើប្រាស់វ៉ាក់សាំងដល់ក្រុមកុមារអាយុទាំងនេះ។ លោកស្នងការនៃអង្គការ FDA លោកវេជ្ជបណ្ឌិត Robert Califf បាននិយាយនៅក្នុងសេចក្តីថ្លែងការណ៍ថា “ឥឡូវនេះកុមារកាន់តែច្រើនមានឱកាសដើម្បីធ្វើបច្ចុប្បន្នភាពការការពារប្រឆាំងនឹង ជំងឺរាតត្បាត COVID-19 ជាមួយនឹងវ៉ាក់សាំង COVID-19 ទ្វេរដង ហើយយើងលើកទឹកចិត្តឪពុកម្តាយ និងអ្នកថែទាំដែលមានសិទ្ធិពិចារណាធ្វើដូច្នេះ ជាពិសេសនៅពេលដែលយើងឈានចូលដល់ថ្ងៃវិស្សមកាល និងខែរដូវរងា។
គួរបញ្ជាក់ថា កុមារទាំងអស់មិនមានសិទ្ធទទួលបានការចាក់វ៉ាក់សាំងនេះទេ៖
-
កុមារអាយុពី ៦ ខែដល់ អាយុ ៥ ឆ្នាំដែលបានទទួលការចាក់វ៉ាក់សាំង Moderna ចំនួនពីរដូសដើម មានសិទ្ធិទទួលការចាក់វ៉ាក់សាំង Bivalent Moderna ពីរខែបន្ទាប់ពីការចាក់វ៉ាកសាំងស៊េរីបឋម។
-
កុមារដែលមានអាយុពី ៦ ខែដល់ អាយុ ៤ ឆ្នាំដែលមិនទាន់បានចាក់វ៉ាក់សាំង Pfizer ស៊េរីបឋមចំនួន ៣ ដង ឬបានទទួលការចាក់លើកទី ៣ នឹងទទួលបានការចាក់វ៉ាក់សាំង Pfizer ដែលបានធ្វើបច្ចុប្បន្នភាពជាដូសទីបីនៃស៊េរីបឋម។
-
កុមារដែលមានអាយុពី ៦ ខែ ដល់ អាយុ ៤ ឆ្នាំដែលបានចាក់ស៊េរីបឋមបីដូសនៃវ៉ាក់សាំង Pfizer ដើម មិនមានសិទ្ធិទទួលបានកម្រិតវ៉ាក់សាំងថ្មីនៅពេលនេះទេ។
ជាទូទៅ ការចាក់វ៉ាក់សាំង Covid-19 មានភាពយឺតយ៉ាវក្នុងចំនោមកុមារតូចៗ។ យោងតាមទិន្នន័យពីមជ្ឈមណ្ឌល CDC កុមារមានចំនួនតិចជាង ៥ % ដែលមានអាយុក្រោម ៥ ឆ្នាំដែលត្រូវបានចាក់វ៉ាក់សាំងពេញលេញប្រឆាំងនឹងមេរោគកូវីដ ដោយបានការចាក់វ៉ាក់សាំងជាស៊េរីបឋមរបស់ពួកគេរួចមកហើយ។
គួរបញ្ជាក់ថា ការអនុញ្ញាតពីអង្គការ FDA កើតឡើងនៅពេលដែលសហរដ្ឋអាមេរិកកំពុងជួបប្រទះនៃការកើនឡើងមេរោគផ្លូវដង្ហើម រួមទាំងជំងឺគ្រុនផ្តាសាយ និង RSV និងការកើនឡើងជំងឺកូវីដ និងការសម្រាកព្យាបាលនៅមន្ទីរពេទ្យ។ មជ្ឈមណ្ឌល CDC បាននិយាយនៅក្នុងសេចក្តីថ្លែងការណ៍ថា "វ៉ាក់សាំង COVID-19 មានសារៈសំខាន់ក្នុងការផ្តល់នូវការការពារជាបន្តបន្ទាប់ នៅពេលដែលភាពស៊ាំចុះខ្សោយ ហើយវីរុសនៅតែបន្តផ្លាស់ប្តូរ" ។ “ឪពុកម្តាយគួរតែនិយាយជាមួយអ្នកផ្តល់សេវាថែទាំសុខភាពរបស់កូនពួកគេ ដើម្បីធានាថាកូនរបស់ពួកគេមានភាពទាន់សម័យអំពីជំងឺ COVID-19 រួមទាំងវ៉ាក់សាំងផងដែរ។