បទ "One Night" របស់លោក ថុល សុភិទិ ជាបទបែបស្វីតនោះៗទេតែមិននឹកស្មានថាមានឈុតឆាកថើបយ៉ាងរ៉ូមែនទិចបែបនេះសោះ។ ជាក់ស្តែងនៅក្នុង M/Vផ្ទាល់របស់បទចម្រៀងមួយនេះបានបង្ហាញឈុតឆាកថើបយ៉ាងរ៉ូមែនទិចមួយរវាងលោកថុលសុភិទិ និងអ្នកនាង ពេជ្រ សូលីកា នៅខាងក្នុងអាងទឹកក្រោមបរិយាកាសស្នេហាយ៉ាងអណ្តែតអណ្តូងមែនទែន។ នៅលើបទចម្រៀងមួយនេះគឺលោកថុលសុភិទិបានធ្លាក់ក្នុងអន្លង់ស្នេហ៍តែម្ខាងនៅក្នុងត្រឹមមួយរាត្រីដែលបានជួបនារីម្នាក់ ដោយនាងបានចោលអន្ទាក់មន្តស្នេហ៍ឡោមចិត្តលោករួចក៏បំភ្លេចលោកចោលទាំងមិនអាឡោះអាល័យ និងបានត្រលប់មកវិញជាមួយប្រុសដទៃទៀតធ្វើអោយលោកថុលសុភិទិអត់មិនបាននឹងឈឺក្រហាយពេញទ្រូង។
គួរបញ្ជាក់ផងដែរនេះគឺជា M/V ដំបូងហើយដែលលោកថុលសុភិទិបានសម្តែងសំរាប់បទផ្ទាល់ខ្លួន ម្យ៉ាងទៀតកាន់តែបានផ្តល់ Fan Service ពេញទំហឹងដល់ហ្វេនតែម្តង ដោយពួកគេទាំងពីរបានចែករំលែកស្នាម Kiss ជាមួយគ្នានៅក្នុង M/V ដំបូងនោះថែមទៀត។ មកទល់ពេលនេះរំពឹងថាមានអ្នកគាំទ្រ Ship ដៃគូចម្រៀងមួយគូកាន់តែច្រើនឡើងៗ ទាំងហ្វេនរបស់អ្នកនាងពេជ្រសូលីកា និងហ្វេនរបស់លោកសុភិទិសុទ្ធតែពេញចិត្តនូវការចាប់ដៃគូសហការមួយនេះឡើង។ ឥលូវនេះអ្នកទាំងពីរមិនត្រឹមតែក្លាយជាដៃគូចម្រៀងដ៏សក្តិសមនោះទេ តែក៏បានឈានមកក្លាយជាដៃគូសម្តែងដ៏សក្តិសមមួយកំរិតទៀត។ តើទស្សនិកជនទាំងអស់គ្នាពេញចិត្តដៃគូចម្រៀងនេះកម្រិតណា កុំភ្លេចធ្វើការខមមែននៅខាងក្រោមនេះផងណា!
