កីឡាវាយសីគឺជាកីឡាដែលមានកម្លាំងខ្លាំង ប៉ុន្តែបុគ្គលម្នាក់ៗអាចលេងកីឡាវាយសីជាផ្នែកមួយនៃការហាត់ប្រាណរបស់ពួកគេបាន។ នៅពេលដែលបុគ្គលម្នាក់លេងកីឡាវាយសីនេះការហាត់ប្រាណចំពោះសាច់ដុំរាងកាយទាំងមូលករបស់ពួកគេក៏កើតឡើងផងដែរ ហើយសាច់ដំុទាំងនេះមិនត្រូវបានកំណត់ក្នុងក្រុមប្រភេទណាមួយឡើយ។
តើការលេងកីឡាវាយសីអាចមានលទ្ធផលអ្វីខ្លះដល់សុខភាពនិងរាងកាយរបស់អ្នក?
-
បង្កើនភាពបត់បែន៖ នៅពេលអ្នកកំពុងលេងកីឡាវាយសីរាងកាយទាំងមូលរបស់អ្នកលាតសន្ធឹង ហើយវាជួយបង្កើនភាពបត់បែននៃរាងកាយរបស់អ្នក។ នៅពេលដែលរាងកាយរបស់អ្នកអាចបត់បែនបានវាធ្វើឱ្យចលនាមានភាពងាយស្រួល និងមានឱកាសរងរបួសតិចជាងមុន។
-
ជួយបង្កើនការរំលាយអាហារ៖ នៅពេលដែលអ្នកលេងកីឡាវាយសី អ្នកអាចនឹងបែកញើស និងដុតកាឡូរីជាច្រើនដែលនាំឲ្យអ្នកតម្រូវការអុកស៊ីសែននៅក្នុងខ្លួន។ តម្រូវការអុកស៊ីហ្សែននាំឲ្យចរាចរឈាមកាន់តែខ្ពស់ និងបង្កើនការបំប្លែងសារជាតិរំលាយអាហារក្នុងខ្លួនកាន់តែល្អប្រសើរ។
-
ជួយសម្រកទម្ងន់៖ ការលេងកីឡាវាយសីជួយសម្រកទម្ងន់បានដោយសារតែអ្នកបែកញើសខ្លាំងហើយជាមួយនឹងការដុតកាឡូរីផងដែរ។ កីឡាវាយសីជាកីឡាដែលប្រើកម្លាំងខ្លាំង ហើយអាចជួយអ្នកសម្រកទម្ងន់បានលឿនដែរ។
-
ជួយរក្សាបេះដូងឲ្យមានសុខភាពល្អ៖ ការលេងកីឡាវាយសីជួយបង្កើនចរាចរឈាមរបស់អ្នកនិងធ្វើឲ្យបេះដូងបូមឈាមបានច្រើនដែលបន្ទាប់មកជួយសម្អាតសរសៃឈាម និងរក្សាបេះដូងឲ្យមានសុខភាពល្អ។
-
ជួយឲ្យអ្នកសម្រាកគេងបានល្អ៖ នៅពេលដែលអ្នកលេងកីឡាវាយសី អ្នកតែងតែហត់ដោយសារចេញកម្លាំងដែលជាហេតុនាំឲ្យអ្នកគេងលក់ស្រួល។
បញ្ជាក់៖ ការណែនាំដែលបានលើកឡើងនៅក្នុងអត្ថបទគឺសម្រាប់គោលបំណងចែករំលែកព័ត៌មានទូទៅតែប៉ុណ្ណោះ។ អ្នកគួរតែពិគ្រោះជាមួយវេជ្ជបណ្ឌិត ឬអ្នកជំនាញខាងចំណីអាហាររបស់អ្នកមុនពេលចាប់ផ្តើមលេងកីឡាណាមួយ ឬធ្វើការផ្លាស់ប្តូរណាមួយចំពោះរបបអាហារ។