នាពេលខាងមុខនេះយើងនឹងជៀសមិនរួចពីធ្វើសាក្សីនៃសង្គ្រាមជាមួយអ៊ីរ៉ង់ហើយនៅក្នុងវីដេអូនេះនឹងប្រាប់អ្នកពីមូលហេតុអ្វីបានជាសង្រ្គាមនេះគឺចៀសមិនរួច និងការពិតអ្វីខ្លះដែលអាចចង្អុលបង្ហាញបាន។ មានសម្ព័ន្ធភាពនៃប្រជាជាតិដែលអាចប្រឆាំងនឹងអ៊ីរ៉ង់បានដូចជាទួរគី អ៊ីស្រាអែល អារ៉ាប៊ីសាអូឌីត សហរដ្ឋអាមេរិក និងសូម្បីតែអ៊ុយក្រែន។កាលពីឆ្នាំមុនរបបអ៊ីរ៉ង់បានក្លាយទៅជាចលករធ្វើអោយមនុស្សជាច្រើនចុះចូល និងជាការគំរាមកំហែងដល់សហគមន៍ពិភពលោកទាំងមូល។ ជាការពិតណាស់អ៊ីរ៉ង់បានគំរាមកំហែងដល់ប្រទេសនានានៅមជ្ឈិមបូព៌ា និងជាពិសេសអ៊ីស្រាអែលខ្លាំងជាងគេបំផុត។ ប៉ុន្តែឥឡូវនេះដ្រូនរបស់អ៊ីរ៉ង់អាចធ្វើអោយអ៊ុយក្រែនមានគ្រោះថ្នាក់ជារៀងរាល់ថ្ងៃ និងបានបំផ្លាញហេដ្ឋារចនាសម្ព័ន្ធថាមពល និងក្នុងពេលមិនយូរមិនឆាប់អ៊ីរ៉ង់នឹងអាចធ្វើឱ្យមានវិបត្តិថាមពលដ៏ធំបំផុតនៅក្នុងប្រវត្តិសាស្រ្តពិភពលោក។ ឥឡូវនេះនឹងប្រាប់អ្នកអំពីផែនការគ្រោះថ្នាក់របស់របបអ៊ីរ៉ង់ទាំងអស់។ អ៊ីរ៉ង់គ្មានសម្ព័ន្ធមិត្តអ្វីទាំងអស់ គេជាប្រទេសឯកោដូចជាប្រទេសកូរ៉េខាងជើងដែរ ប៉ុន្តែកាលពីពេលថ្មីៗនេះផងដែរពួកគេបានចាប់ផ្តើមសហការយ៉ាងជិតស្និទ្ធជាមួយរុស្ស៊ី។
របបដែលកាន់កាប់ដោយមេដឹកនាំអ៊ីរ៉ង់សង្ឃឹមថានឹងអាចទទួលបានជំនួយបច្ចេកវិទ្យានុយក្លេអ៊ែរពីរុស្ស៊ីដើម្បីពង្រឹងអំណាចរបស់ខ្លួន។ មេដឹកនាំកំពូលរបស់អ៊ីរ៉ង់លោក Khamenei ជឿជាក់ថាប្រសិនបើលោកមានគ្រាប់បែកនុយក្លេអ៊ែរនោះលោកនិងរបបរបស់លោកនឹងអាចគ្រប់គ្រងដឹកនាំបានជារៀងរហូត និងអាចបង្គាប់បញ្ជាមនុស្សគ្រប់គ្នានៅជុំវិញពួកលោកបាន។ នៅក្នុងប៉ុន្មានខែថ្មីៗនេះអ៊ីរ៉ង់ត្រូវបានរង្គោះរង្គើដោយមហាបាតុកម្មដែលមានប្រជាជនអ៊ីរ៉ង់រាប់ម៉ឺននាក់តវ៉ាប្រឆាំងនឹងភាពរឹងមាំនៃរបបផ្តាច់ការប៉ុន្តែពួកគេមិនបានស្តាប់តាមប្រជាជនរបស់ពួកគេទេ និងថ្មីៗមកនេះរបបអ៊ីរ៉ង់បានចេញសាលក្រមសំរេចអោយប្រហារជីវិតប្រជាជនអ្នកទោសបាតុកម្មទាំង១៤០០០នាក់នៅក្នុងពន្ធនាគារដើម្បីរក្សាអំណាចរបស់ពួកគេ។ របបនេះបានឈានទៅដល់ភាពឃោរឃៅបំផុតដើម្បីបំភិតបំភ័យប្រជាជនរបស់ខ្លួន។ លោក Khamenei ក៏ចង់ផ្លាស់ប្តូរចំណាប់អារម្មណ៍របស់ប្រជាពលរដ្ឋរបស់ខ្លួនឆ្ពោះទៅកាន់គោលនយោបាយបរទេស ហើយដើម្បីធ្វើរឿងនេះបានពួកគេមានឆន្ទៈក្នុងការទៅធ្វើសង្គ្រាមជាមួយនឹងពិភពលោកជុំវិញពួកគេ។ ប៉ុន្តែលើសពីនេះទៀតនោះ ពួកគេក៏ចង់សាងសង់អាវុធនុយក្លេអ៊ែររបស់ពួកគេក្នុងថេរវេលាដ៏ឆាប់រហ័ស។ ប្រព័ន្ធផ្សព្វផ្សាយលោកខាងលិចដែលមានសិទ្ធិអំណាចមួយបានអះអាងដូច្នេះថារុស្ស៊ីអាចនឹងផ្ទេរបច្ចេកវិទ្យានុយក្លេអ៊ែរទៅកាន់ប្រទេសអ៊ីរ៉ង់យ៉ាងឆាប់រហ័សតាមដែលអាចធ្វើបាន។ ចំណែកឯសហរដ្ឋអាមេរិក ទួរគី និងអ៊ីស្រាអែលមិនអាចអនុញ្ញាតឱ្យរឿងនេះកើតឡើងបានទេ។
នោះហើយជាមូលហេតុដែលជារឿងចាំបាច់ក្នុងការរៀបផែនការឡើងការពារទុកជាមុន។ របបដែលមានភាពហិង្សាយង់ឃ្នង់ប្រដាប់ដោយអាវុធនុយក្លេអ៊ែរនឹងក្លាយជាការគំរាមកំហែងមួយដល់តំបន់មជ្ឈិមបូព៌ា និងអឺរ៉ុបខាងកើតទាំងមូល និងអាចជះមហន្តរាយដោយប្រយោលលើពិភពលោកទៀតផង។ អ៊ីរ៉ង់អាចបង្កគ្រោះថ្នាក់ដោយសារហេតុផលបីយ៉ាង ទីមួយ៖ របបអ៊ីរ៉ង់ពិតជាមានគំរោងផែនការព្រៃផ្សៃទុកមែនដែលពួកគេចង់បំផ្លាញអ៊ីស្រាអែល ហើយនេះគឺជាគោលលទ្ធិយោធាផ្លូវការរបស់ពួកគេដែលពួកគេចង់យកឈ្នះហើយដណ្តើមកាន់កាប់អ៊ីរ៉ាក់ដោយសារតែអ្នកកាន់សាសនាអ៊ីស្លាម Shiiteរ ស់នៅទីនោះហើយពួកគេចង់គ្រប់គ្រងប្រទេសស៊ីរី និងលីបង់។ ពួកគេចង់បំផ្លាញអំណាចអារ៉ាប៊ីសាអូឌីត និងប្រទេសអ្នកមាននៃឈូងសមុទ្រពែក្សក៏ដូចជាយេម៉ែន និងអូម៉ង់។ ជនជាតិអ៊ីរ៉ង់ក៏មានផែនការសម្រាប់អាហ្វហ្គានីស្ថាន តួកមេនីស្ថាន និងទួរគី។ ជាទូទៅស្ទើរតែគ្រប់ប្រទេសទាំងអស់នៅជុំវិញអ៊ីរ៉ង់សុទ្ធតែអាចរងទុក្ខដោយសារគោលនយោបាយខ្លាំងក្លាទាំងនេះ។ ទីពីរ៖ អ៊ីរ៉ង់មានសមត្ថភាពរួចមកហើយក្នុងការបង្កធ្វើអោយមានការខូចខាតយ៉ាងធំធេងដល់សត្រូវរបស់ពួកគេ។ សង្គ្រាមនៅអ៊ុយក្រែនបានបង្ហាញពីប្រសិទ្ធភាពនៃការប្រើប្រាស់ដ្រូន Kamikaze របស់អ៊ីរ៉ង់។ ត្រឹមតែដ្រូនមានតំលៃថោករាប់រយគ្រឿងដូចជា Shaheed 136ប៉ុណ្ណោះអាច បង្កភាពខូចខាតបាន50 ភាគរយដល់ហេដ្ឋារចនាសម្ព័ន្ធថាមពលរបស់អ៊ុយក្រែន ប៉ុន្តែអ៊ីរ៉ង់ក៏មានដ្រូនផ្សេងទៀតដែរដូចជា Arash II ថ្មីដែលអាចផ្តល់ថាមពលបានប្រាំដងនៃថាមពលរបស់ Shaheed និងមានសមត្ថភាពផ្ទុកបាន 250 គីឡូក្រាមនៃ TNT។ ដ្រូនប្រភេទនេះតែមួយអាចបំផ្លាញទាំងស្រុងនូវអគារប្រាំជាន់។
តាមទ្រឹស្តីអ៊ីរ៉ង់អាចប្រើដ្រូនដើម្បីធ្វើសង្គ្រាមបានដោយជោគជ័យប្រឆាំងនឹងប្រទេសជិតខាងបានឧទាហរណ៍ដោយប្រើប្រាស់ដ្រូន Shaheed 136 ពី300 ទៅ500គ្រឿង ដែលអាចបំផ្លាញទាំងស្រុងនូវឧស្សាហកម្មប្រេងទាំងមូលនៃប្រទេសអារ៉ាប៊ីសាអូឌីត គុយវ៉ែត កាតា និងអេមីរ៉ាតអារ៉ាប់។ នេះនឹងធ្វើឱ្យមានការកើនឡើងមិនគួរឱ្យជឿនៃតម្លៃប្រេងឥន្ធនៈនៅជុំវិញពិភពលោកដែលនាំឱ្យមានអតិផរណាកាន់តែច្រើន និងការបិទទ្វារនៃអាជីវកម្មរាប់ពាន់នៅជុំវិញពិភពលោក។ ពិភពលោកនឹងធ្លាក់ចូលទៅក្នុងវិបត្តិនៃសមាមាត្រមិនគួរឱ្យជឿ ប្រហែលជាដោយសារតែវិបត្តិនេះប្រទេសលោកខាងលិចនឹងត្រូវបង្ខំម្តងទៀតទិញប្រេងពីរុស្ស៊ី ដូច្នេះហើយដូចជាការឧបត្ថម្ភទៅកាន់កងទ័ពភេរវជនមួយផ្សេងទៀតអ៊ីចឹងចំណែកអ៊ីរ៉ង់វិញអាចប្រើយុទ្ធសាស្ត្រដូចគ្នាប្រឆាំងអ៊ីស្រាអែល។ សង្រ្គាម Drone នឹងសាងការឈឺចាប់សម្រាប់អ៊ីស្រាអែលព្រោះពួកគេមានទឹកដីតូចណាស់ និងផលិតកម្មទាំងអស់មានការប្រមូលផ្តុំយ៉ាងខ្លាំងរួមគ្នា។ ដ្រូនពី 100 ទៅ 300 អាចបំផ្លាញអ៊ីស្រាអែល និងអ៊ីរ៉ង់ក៏មិនចាំបាច់ប្រើកងទ័ពនោះទេ ដូចនេះហើយប្រព័ន្ធការពារមីស៊ីលលោកខាងលិចដែលទំនើប អាចធ្វើការបាញ់ទម្លាក់បានតែ 70 ភាគរយនៃដ្រូនរបស់អ៊ីរ៉ង់តែប៉ុណ្ណោះ។
ជាការពិតទៅគឺថាជនជាតិអ៊ីរ៉ង់បានបើកដំណើរការពួកវាអស់រាប់សិបរួចទៅហើយប៉ុន្តែដោយសារដ្រូននេះធ្វើពីឈើទើបធ្វើអោយពួកគេពិបាកមើលឃើញវានៅលើរ៉ាដា។ តាមទ្រឹស្តីអ៊ីរ៉ង់អាចផលិត និងបាញ់បង្ហោះបានដ្រូនរាប់ពាន់គ្រឿងដោយសារតែផលិតកម្មរបស់ពួកវាមានតំលៃថោកណាស់។ ឧទាហរណ៍ Shahid Drone មានតម្លៃត្រឹមតែពីរម៉ឺនដុល្លាប៉ុណ្ណោះ។ តាមពិតជនជាតិអ៊ីរ៉ង់បានបង្កើតថ្មីនៃប្រភេទសំភារៈសង្គ្រាមភេរវករពីចម្ងាយ។ គំនិតនោះគឺការប្រើប្រាស់្រដ្រូនថោកដើម្បីបំផ្លាញហេដ្ឋារចនាសម្ព័ន្ធថាមពល និងឧស្សាហកម្ម។ យុទ្ធសាស្ត្រមួយនេះត្រូវបានសាកល្បងនៅអ៊ុយក្រែននិងបានបង្ហាញអោយឃើញប្រសិទ្ធភាព។ ឥឡូវនេះអ៊ុយក្រែនស្ថិតនៅលើចំនុចមួយនៃភាពគ្រោះមហន្តរាយថាមពលដោយសារតែដ្រូនរបស់អ៊ីរ៉ង់។ ទីបី៖ នៅពេលដែលអ៊ីរ៉ង់ទទួលបានគ្រាប់បែកនុយក្លេអ៊ែរតាមរយៈរុស្ស៊ី រឺមិនមែនដោយសាររុស្ស៊ី វានឹងក្លាយជាការគំរាមកំហែងដ៏ខ្លាំងក្លាស្ទើរតែមិនអាចគ្រប់គ្រងបាន។ របបអ៊ីរ៉ង់ជឿជាក់ថានៅពេលដែលពួកគេមានគ្រាប់បែកនុយក្លេអ៊ែរក្នុងដៃហើយនឹងគ្មាននរណាហ៊ានវាយប្រហារពួកគេឡើយ។ អ៊ីរ៉ង់មានកាំជ្រួចដែលអាចបាញ់បានគ្រាប់នុយក្លេអ៊ែរទៅចម្ងាយរហូតដល់700គីឡូម៉ែត្រ តាមទ្រឹស្តីអ៊ីរ៉ង់អាចទម្លាក់គ្រាប់បែកលើអ៊ីស្រាអែលបានដោយអាវុធនុយក្លេអ៊ែរពីស៊ីរីឬអ៊ីរ៉ាក់នៅពេលដែលរបបអ៊ីរ៉ង់កំពុងជូបប្រទះសង្គ្រាមអាវុធនុយក្លេអ៊ែរ។ ការប្រឆាំងនឹងអ៊ីរ៉ង់កាន់តែពិបាក នៅពេលដែលមានកូរ៉េខាងជើងមួយទៀតចូលរួមគឺខ្លាំងជាងនិងគ្រោះថ្នាក់ជាង។ ប្រាកដថានេះនឹងត្រូវបានយល់យ៉ាងច្បាស់នៅក្នុងអ៊ីស្រាអែល នៅសហរដ្ឋអាមេរិក និងក្នុងអង្គការណាតូ។
ដូច្នេះសង្គ្រាមប្រឆាំងនឹងអ៊ីរ៉ង់នឹងអាចការពារបានមិនអោយលេចរូបរាងអាវុធនុយក្លេអ៊ែរនៅទីនេះ។ ប្រាកដថាសង្គ្រាមប្រឆាំងនឹងអ៊ីរ៉ង់នឹងចាប់ផ្តើមភ្លាមៗនៅពេលដែលអង្គភាពសម្ងាត់អាមេរិក និងអ៊ីស្រាអែលមានភ័ស្តុតាង និងពត៌មានគ្រប់គ្រាន់ដែលថាអ៊ីរ៉ង់ជិតបង្កើតគ្រាប់បែកនុយក្លេអ៊ែរ។ សង្គ្រាមសម្មតិកម្មប្រឆាំងនឹងអ៊ីរ៉ង់នឹងពាក់ព័ន្ធចូលរួមដោយសហរដ្ឋអាមេរិក អ៊ីស្រាអែល និងទួរគី។ ហើយក៏មានការសង្ស័យទៀតថាទួរគីអាចនាំមុខក្នុងសង្គ្រាមនេះ។ ការពិតទៅគឺថាទួរគីកំពុងប្រយុទ្ធដើម្បីទទួលបានភាពដឹកនាំនៅក្នុងពិភពឥស្លាម ហើយប្រសិនបើពួកគេអាចកម្ចាត់របបអ៊ីរ៉ង់ ពួកគេនឹងបង្កើតកេរ្តិ៍ឈ្មោះល្អជាអ្នកសង្គ្រោះនៃពិភពមូស្លីម។ ម្យ៉ាងវិញទៀតទួរគីមានកងទ័ពដីធំ និងមានព្រំប្រទល់ជាប់អ៊ីរ៉ង់ ដូចនេះកងទ័ពទួរគីអាចចូលអ៊ីរ៉ង់បានដោយមានការគាំទ្រពីសហរដ្ឋអាមេរិក និងយន្តហោះអ៊ីស្រាអែល។ មានការប្រឆាំងនឹងប្រទេសសម្ព័ន្ធមិត្តបែបនេះក៏ពិតមែន តែអ៊ីរ៉ង់មិនមានឳកាសទទួលបានជំនួយពីរុស្ស៊ីទេព្រោះរុស្សីមានបញ្ហាធំៗលើរណសិរ្សអ៊ុយក្រែន ដូច្នេះអ៊ីរ៉ង់នឹងច្បាស់ណាស់ចាញ់ក្នុងសង្រ្គាមនេះ។
