អ្នកវិទ្យាសាស្ត្រអាមេរិកបានរកឃើញថា ជាតិស្ករមិនមានគ្រោះថ្នាក់ដល់សុខភាពដូចដែលយើងគិតនោះទេ។ លើស​ពី​នេះ​ទៅ​ទៀតស្ករ​មួយ​ចំនួន​តូច​ក៏​ចាំបាច់​សម្រាប់​រាង​កាយ​របស់​យើង​ក្នុង​បំពេញ​មុខងារឲ្យ​បាន​ត្រឹម​ត្រូវផងដែរ។ ប៉ុន្តែជារឿយៗយើងទាំងអស់គ្នាតែងតែ បរិភោគការ៉េម សូកូឡា នំខេក និងអាហារដែលមានរស់ជាតិឆ្ងាញ់ផ្សេងទៀត។ ជាលទ្ធផល យើងឡើងទម្ងន់ ឆាប់ជ្រួញ កើតមុន និងមានបញ្ហាសុខភាពកាន់តែធ្ងន់ធ្ងរ។

ស្ករ​បង្ក​ឱ្យ​កើត​ជំងឺ​ទឹកនោមផ្អែម​

តាមពិតទៅ ការបរិភោគជាតិស្ករមិននាំឲ្យមានជំងឺទឹកនោមផ្អែមនោះទេ។ ជំងឺទឹកនោមផ្អែមត្រូវបានទទួលតាមហ្សែន ឬបណ្តាលមកពីបញ្ហាលំពែង។ ការ​អះអាង​ថា​ស្ករ​​មាន​គ្រោះថ្នាក់​ដល់​សុខភាព​មិន​ពិត​ទេ។ ជាការពិតមនុស្សម្នាក់អាចបរិភោគស្ករចំនួន១២ស្លាបព្រាក្នុងមួយថ្ងៃដោយគ្មានផលប៉ះពាល់នោះទេ។

ស្ករជាសារធាតុញៀន

អ្នកវិទ្យាសាស្ត្របានរកឃើញថា ប្រសិនបើមនុស្សម្នាក់ឈប់ទទួលទានជាតិផ្អែមពួកគេនឹងមិនមានរោគសញ្ញាដូចអ្នកញៀនថ្នាំនោះទេហើយមនុស្សមិនអាចរស់នៅទាំងស្រុងដោយគ្មានជាតិស្ករបានទេពីព្រោះសារធាតុកាបូអ៊ីដ្រាតនេះចាំបាច់សម្រាប់ទ្រទ្រង់ជីវិត។

តើនៅពេលណាដែលអ្នកត្រូវការកាត់បន្ថយជាតិស្ករ?

អ្នកគួរតែកាត់បន្ថយការទទួលទានជាតិស្ករនៅពេលដែលអ្នកជួបស្ថានភាពដូចខាងក្រោម៖

• បញ្ហាជាមួយនឹងការមានគភ៌៖ អ្នកវិទ្យាសាស្ត្រមកពីសាកលវិទ្យាល័យ Harvard បានរកឃើញថាអាហារផ្អែមកាត់បន្ថយគុណភាពនៃស៊ុត និងឱកាសនៃការមានគភ៌។

• មានផ្ទៃពោះ៖ ការសិក្សាថ្មីៗបានបង្ហាញថា ម្តាយដែលទទួលទានជាតិស្ករច្រើនអំឡុងពេលមានផ្ទៃពោះ មានហានិភ័យខ្ពស់ក្នុងការវិវត្តទៅជាជំងឺហឺតអាលែហ្សី។

• មានអារម្មណ៍ស្រេកទឹកជាញឹកញាប់៖ ការបរិភោគទឹកជាញឹកញាប់គឺជាសញ្ញាមួយនៃការប្រើប្រាស់ជាតិស្ករខ្ពស់។

• ស្បែកស្ងួត និងរមាស់៖ ជាតិស្ករខ្ពស់ក្នុងឈាមអាចធ្វើឱ្យស្បែកស្ងួត និងរមាស់។