កាលពីថ្ងៃទី២១ ខែវិច្ឆិកាកន្លងទៅនេះ មានសិល្បករជាច្រើនបានចូលរួមសម្តែងនៅក្នុងកម្មវិធីបើកកីឡាជាតិលើកទី៣ដែលបានរៀបចំធ្វើឡើងនៅពហុកីឡាដ្ឋានជាតិមរតកតេជោដែលមានការផ្សាយបន្តផ្ទាល់ពីទំព័រហ្វេសប៊ុក Smart Axiata។ គួររំលឹកផងដែរកាលពីមុនថ្ងៃចាប់ផ្តើមពិធីនេះ សិល្បករល្បីៗនៃប្រទេសកម្ពុជាយើងជាច្រើនបានចូលរួមច្រៀង និងហាត់សមសម្តែងដោយក្នុងនោះមានដូចជាសិល្បករទាំង៦រូបដែលជាម្ចាស់បទថ្មីច្រៀងក្នុងការអបអរសាទរពិធីកីឡាជាតិនេះមានចំណងថា "វីរភាពកីឡា" រួមមានអ្នកនាង មាស សុខសោភា​​​ លោក ម៉ម ពេជ្ររិទ្ធ លោក ដួង វីរៈសិទ្ធ កញ្ញាតី លោក រៀម សុខភិរម្យ និងពូឃ្លាំងផងដែរ។ 

ចំណែកបទកិត្តិយសមួយបទទៀតសំរាប់អបអរដល់កម្មវិធីគឺមានចំណងជើងថា "អច្ឆរិយកីឡា" បកស្រាយឡើងដោយលោក ម៉ម ពេជ្រវិទ្ធ និងលោក ដួង វីរៈសិទ្ធផងដែរ។ យ៉ាងណាមិញផងដែរកម្មវិធីទាំងមូលគឺប្រព្រឹត្តទៅយ៉ាងរលូន និងគួរជាមោទនភាពបំផុតដោយមានការបើ់កឡើងនៃកម្មវិធីប្រាប់ត្រួសៗអំពីឧត្តមភាពរបស់ប្រទេសកម្ពុជាដែលនឹងឈានទៅក្លាយជាម្ចាស់ផ្ទះនៃកីឡា SEA GAMES លើកទី៣២ និង Asean Para Games លើកទី១២នៅក្នុងឆ្នាំ២០២៣ខាងមុខនេះ។ 

ដោយការប្រកួតត្រូវបែងចែកចេញជា២ប្រភេទទី១កីឡា SEA GAMES នឹងធ្វើឡើងនៅខែឧសភា ២០២៣ មាន៣៨ប្រភេទកីឡា ទាំងអស់៦០៨វិញ្ញាសារ និងទី២ Asean Para Games នឹងធ្វើឡើងនៅខែមិថុនា ២០២៣ មាន១៣ប្រភេទកីឡា និងត្រូវប្រព្រឹត្តឡើងនៅខេត្តចំនួន៥រួមមានភ្នំពេញ សៀមរាប ក្រុងព្រះសីហនុ កែប និងកំពត។ បន្តបន្ទាប់មកក៏មានការសម្តែងបើកកម្មវិធីពីសំណាក់សិល្បកររបស់យើងរៀបរាប់ខាងលើ និងមានការសម្តែងសិល្បៈបុរាណខ្មែរ និងក្បាច់គុណល្បុក្កតោពីក្រុមសម្តែងនៃកម្មវិធីផងដែរ។ នៅចុងបញ្ចប់នៃកម្មវិធីមានការប្រគំតន្រ្តីពីសិល្បករកិត្តិយសពេញនិយមមួយចំនួនធ្វើអោយបង្កើនភាពសប្បាយរីករាយ និងកម្មវិធីកាន់តែឳឡាឬកឡើងដោយមានការចូលរួមសម្តែងពីលោក ជី ដេវីត លោក វុទ្ធា និងក្រុមក្មេងខ្មែរផងដែរ។