តើអ្វីទៅជាជំងឺថប់អារម្មណ៍?

ពួកយើងតែងតែមានអារម្មណ៍ថប់អារម្មណ៍និងភ័យមុនពេលណាត់ជួប ប្រឡង ការប្រកួតប្រជែង និង ការធ្វើបទបង្ហាញ ប៉ុន្តែតើវាជាអ្វីឲ្យប្រាកដ? ជំងឺថប់អារម្មណ៍គឺជាការមានអារម្មណ៍​មិន​ស្រួលក្នុងខ្លួន ​ដូច​ជា​ព្រួយ​បារម្ភ ឬ​ភ័យ​ខ្លាចខ្លាំងឬខ្សោយ។

រោគសញ្ញានៃជំងឺថប់អារម្មណ៍ 

មនុស្សគ្រប់រូបតែងតែជួបរោគសញ្ញាទាំងនេះនៅពេលដែលពួកគេជួបនឹងភាពតានតឹង។ ទាំងនេះគឺជារោគសញ្ញានៃជំងឺថប់អារម្មណ៍៖

• អសមត្ថភាពក្នុងការសម្រាក

• ព្រួយបារម្ភច្រើនហួសហេតុ

• ពិបាកក្នុងការគេង

• ចង្វាក់បេះដូងលោតញាប់

• មាត់ស្ងួត

• ដក់ដង្ហើមមិនទៀងទាត់

• មានអារម្មណ៍ភ័យខ្លាចឬបាត់បង់កាគ្រប់គ្រង

• វិលមុខ ឬដួលសន្លប់

ប្រភេទនៃជំងឺថប់អារម្មណ៍

ប្រភេទនៃជំងឺថប់អារម្មណ៍ចែកចេញជា ៦ ប្រភេទដូចជា៖

• ជំងឺថប់អារម្មណ៍ទូទៅ៖ ត្រូវបានកំណត់លក្ខណៈដោយការថប់បារម្ភ និងភាពតានតឹងរ៉ាំរ៉ៃ ។

• ជំងឺភ័យស្លន់ស្លោ៖ អ្នកដែលមានជំងឺភ័យស្លន់ស្លោ មានការវាយប្រហារភ័យស្លន់ស្លោ ជាមួយនឹងអារម្មណ៍ភ័យខ្លាច ដែលវាយប្រហារភ្លាមៗ និងម្តងហើយម្តងទៀត ដោយមិនមានការព្រមាន។

• Phobias គឺជាការភ័យខ្លាចដែលមិនសមហេតុផល។ បុគ្គលដែលមាន phobias ដឹងថាការភ័យខ្លាចរបស់ពួកគេគឺមិនសមហេតុផល ប៉ុន្តែការគិតអំពី ឬប្រឈមមុខនឹងវត្ថុ ឬស្ថានភាពដែលភ័យខ្លាចអាចនាំមកនូវការវាយប្រហារភ័យស្លន់ស្លោ ឬការថប់បារម្ភធ្ងន់ធ្ងរ។ 

• ជំងឺថប់អារម្មណ៍នឹងសង្គម៖ មនុស្សដែលមានការភ័យខ្លាចក្នុងសង្គម មានការភ័យខ្លាចថានឹងត្រូវគេវិនិច្ឆ័យដោយអ្នកដ៏ទៃ ខ្មាសអៀន ឬត្រូវអាម៉ាស់។ ការភ័យខ្លាចនេះអាចរំខានដល់ការងារ ឬសាលារៀន និងសកម្មភាពធម្មតាផ្សេងទៀត។

• ជំងឺស្ត្រេសក្រោយការប៉ះទង្គិចផ្លូវចិត្តគឺជាជំងឺប៉ះពាល់ដល់មនុស្សបន្ទាប់ពីព្រឹត្តិការណ៍ដ៏គួរឱ្យភ័យខ្លាចដូចជាការរំលោភបំពានលើរាងកាយ ឬផ្លូវភេទ គ្រោះថ្នាក់រថយន្ត សង្គ្រាម ឬគ្រោះមហន្តរាយធម្មជាតិ។

• Obsessive-Compulsive Disorder (OCD) គឺជាជំងឺត្រូវបានកំណត់លក្ខណៈដោយការថប់បារម្ភ ឬអាកប្បកិរិយាដែលមិនអាចគ្រប់គ្រងបាន។