ផ្កាខាត់ណាខៀវមានតាំងពីសម័យរ៉ូម៉ាំងបុរាណ។ ជនជាតិក្រិច និងរ៉ូម៉ាំងបានបរិភោគផ្កាខាត់ណាខៀវតាំងពី ២ ០០០ ឆ្នាំមុន ក៏ប៉ុន្តែវាទើបតែមានប្រជាប្រិយភាពនៅអឺរ៉ុបក្នុងសតវត្សទី១៦ទេ។ ឥឡូវនេះ ដោយសារការសិក្សាតាមបែបវិទ្យាសាស្ត្រយើងមានហេតុផលជាច្រើនដើម្បីបញ្ចូលផ្កាខាត់ណាខៀវទៅក្នុងរបបអាហាររបស់យើង។ ជាឧទាហរណ៍ ពេលទទួលទានផ្កាខាត់ណាខៀវ យើងថែរក្សាសុខភាពល្អដោយផ្តល់អត្ថប្រយោជន៏រួមមានBroccoliជួយលើកកម្ពស់សុខភាពភ្នែក គាំទ្រភាពស៊ាំ និងថែមទាំងអាចបង្កើនសមត្ថភាពផ្លូវចិត្តរបស់យើងទៀតផង។
១ Broccoli ជួយរក្សាសរីរាង្គបន្តពូជឱ្យមានសុខភាពល្អ
ជាទូទៅអ្នកដែលបរិភោគបន្លែនិងផ្លែឈើច្រើនទំនងជាមិនសូវមានហានិភ័យក្នុងការកើតជំងឺមហារីកទេ។ ការសិក្សាផ្សេងៗបានរកឃើញ ការបន្ថែម Broccoli ចូលក្នុងរបបអាហារ អាចរួមចំណែកក្នុងការកាត់បន្ថយហានិភ័យនៃការកើតជំងឺមហារីកជាពិសេសសរីរាង្គបន្តពូជ។
២ Broccoli ជួយពង្រឹងសុខភាពភ្នែក
Broccoli ផ្ទុកសារធាតុសំខាន់ជាច្រើនសម្រាប់សុខភាពភ្នែក ហើយសមាសធាតុទាំងនេះអាចជួយឲ្យភ្នែកឲ្យល្អប្រសើរហើយវាក៏រួមចំណែកក្នុងការកាត់បន្ថយហានិភ័យនៃជំងឺភ្នែកដែលទាក់ទងនឹងអាយុ ដូចជាជំងឺភ្នែកឡើងបាយផងដែរ។ អ្នកវិទ្យាសាស្ត្របានណែនាំថា មនុស្សចាស់គួរតែបរិភោគផ្កាខាត់ណាខៀវច្រើន ពីព្រោះវាអាចជួយឱ្យពួកគាត់ជៀសផុតពីបញ្ហាភ្នែកមួយចំនួន។
៣ Broccoli ធ្វើអោយប្រសើរឡើងនូវជាតិស្ករក្នុងឈាម
មូលហេតុចំបងដែលអ្នកគួរដាក់ Broccoli ចូលក្នុងរបបអាហាររបស់អ្នកនោះគឺសមត្ថភាពរបស់វាក្នុងការដោះស្រាយជំងឺទឹកនោមផ្អែម។
ការសិក្សាដែលពិនិត្យមើលជំងឺទឹកនោមផ្អែមប្រភេទទី ២ បានបង្ហាញថាសមាសធាតុមួយចំនួនដែលមាននៅក្នុងផ្កាខាត់ណាអាចទប់ទល់នឹងឥទ្ធិពលនៃជំងឺនេះ។
៤ Broccoli ធ្វើឲ្យស្បែកអ្នកមានសុខភាពល្អ
មិនមានមនុស្សច្រើនទេដែលដឹងថាផ្កាខាត់ណាជាប្រភពនៃវីតាមីនC តាមការពិតវាផ្ទុកវីតាមីន ច្រើនជាងផ្លែក្រូចទៅទៀត ដែលវីតាមីននោះមានអត្ថប្រយោជន៏សម្រាប់ការសំយោគខូលាជែនសម្រាប់សុខភាពស្បែក។ ដូច្នេះហើយ ការបរិភោគផ្កាខាត់ណាខៀវនឹងធ្វើអោយស្បែកកាន់តែប្រសើរ។ លើសពីនេះ សមាសធាតុដ៏សំខាន់មួយទៀត ផ្កាខាត់ណាខៀវជួយកាត់បន្ថយភាពក្រហមនៅលើស្បែក និងការរលាកកម្ដៅថ្ងៃ។
៥ Broccoli ជួយភាពស៉ាំ
នៅពេលនិយាយអំពីវីតាមីន C នៅក្នុងផ្កាខាត់ណាខៀវ គួរឱ្យកត់សម្គាល់ថាផ្កាខាត់ណាខៀវដើរតួយ៉ាងសំខាន់ក្នុងមុខងារប្រព័ន្ធភាពស៊ាំផងដែរ។ លើសពីនេះទៅទៀត ការទទួលទានផ្កាខាត់ណាខៀវអាចការពារប្រឆាំងនឹងបញ្ហាផ្លូវដង្ហើមមួយចំនួន។ ដូច្នេះ ដើម្បីបង្កើនភាពស៊ាំរបស់អ្នក យើងណែនាំក្នុងការទទួលទានវាឱ្យបានច្រើន ប៉ុន្តែត្រូវចងចាំថា ប៉ុន្តែត្រូវចាំថា ការទទួលទានវាទាំងឆៅប្រសើរជាងការចម្អិន ដើម្បីកុំឱ្យបាត់បង់អត្ថប្រយោជន៍សំខាន់ៗរបស់វា។
៦ Broccoli ជួយក្នុងការសម្រកទម្ងន់
ប្រសិនបើអ្នកកំពុងតស៊ូជាមួយនឹងទម្ងន់លើស យើងណែនាំបន្ថែមផ្កាខាត់ណាខៀវទៅក្នុងរបបអាហាររបស់អ្នកពីព្រោះផ្កាខាត់ណាមានកាឡូរីទាបណាស់ ហើយវាក៏ជាបន្លែដែលមានFiberខ្ពស់ផងដែរ ដែលទាក់ទងនឹងការសម្រកទម្ងន់។ បន្លែដែលសម្បូរជាតិFiberធ្វើឱ្យមនុស្សមានអារម្មណ៍ឆ្អែតបន្ទាប់ពីទទួលទានរួច។ ដូច្នេះ ប្រសិនបើអ្នកបរិភោគផ្កាខាត់ណាខៀវ អ្នកអាចមានអារម្មណ៍ឆ្អែតជាងពេលដែលអ្នកទទួលទានអាហារផ្សេងទៀត។
៧ Broccoliធ្វើអោយប្រសើរឡើងនូវសមត្ថភាពផ្លូវចិត្ត។
នៅទីបញ្ចប់ សារធាតុចិញ្ចឹមមួយចំនួននៅក្នុងផ្កាខាត់ណា អាចធ្វើអោយសមត្ថភាពផ្លូវចិត្តប្រសើរឡើង និងធានាបាននូវដំណើរការធម្មតានៃខួរក្បាល។ ការសិក្សាមួយបានបង្ហាញថា ផ្កាខាត់ណាខៀវអាចពន្យឺតដំណើរការនៃភាពចាស់មួយចំនួន។ ដូច្នេះ ប្រសិនបើអ្នកជាមនុស្សចាស់ យើងណែនាំអ្នកឲ្យទទួលទានបន្លែនេះឱ្យបានច្រើនព្រោះវាអាចជួយឱ្យអ្នករក្សាខួរក្បាល និងការចងចាំរបស់អ្នកបានល្អ។
តើអ្នកចូលចិត្តបរិភោគផ្កាខាត់ណាខៀវដែរឬទេ?