១ ហាមលាបក្រចកគ្រប់ពេល
ជាទូទៅការយល់ខុសរបស់ស្រ្តីគ្រប់រូបគឺពួកគេគិតថាគេគួរលាបក្រចកគ្រប់ពេលពីព្រោះវាអាចបង្កើតស្រទាប់ការពារក្រចក។ ទោះបីជានេះស្តាប់ទៅសមហេតុផលក៏ដោយ ក៏ប៉ុន្តែការសិក្សាមិនគាំទ្រនឹងការអះអាងនេះទេ។ គ្រូពេទ្យជំនាញខាងសើស្បែកបានណែនាំថា ការលាបពណ៌ក្រចកក្នុងរយៈពេលយូរ អាចអនុញ្ញាតឱ្យសារធាតុគីមីក្នុងប៉ូលាជ្រាបចូលទៅក្នុងក្រចក ហើយបណ្តាលឱ្យប្រែពណ៌ បំបែក និងរបកថែមទៀតផង។ ជាការពិតណាស់ វាមិនមានន័យថាអ្នកត្រូវបោះបង់ការលាបពណ៌ក្រចកនោះទេ ប៉ុន្តែអ្នកគួរសម្រាកក្នុងការលាបក្រចករាល់ពេលនេះនឹងមានប្រយោជន៍សម្រាប់សុខភាពទូទៅ។
២ រូសវាឲ្យបានញឹកញាប់ប៉ុន្តែកុំប្រើឧបករណ៍កាត់ក្រចក
ជាក់ស្តែងក្រចករបស់យើងអាចខូចនិងបែកប្រសិនបើយើងមិនកាត់វាជាញឹកញាប់ ប៉ុន្តែការជ្រើសរើសឧបករណ៍ត្រឹមត្រូវពិតជាសំខាន់ណាស់ក្នុងការថែរក្សាក្រចក។ Clippers ប្រហែលជាងាយស្រួលប្រើបំផុត ប៉ុន្តែមិនល្អបំផុតទេ ព្រោះវាអាចបង្កឱ្យមានស្នាមប្រេះ និងបែក។ ផ្ទុយទៅវិញ ជ្រើសរើសប្រដាប់រូសក្រចកដោយសារ វាមិនដាក់សម្ពាធខ្លាំងលើក្រចករបស់អ្នកទេ។
៣ មុនសម្អាតចានឆ្នាំងកុំភ្លេចពាក់ស្រោមដៃកៅស៊ូ
អ្នកដែលធ្វើការនៅក្នុងមន្ទីរពិសោធន៍អាចបញ្ជាក់បានថា ការពាក់ស្រោមដៃជ័រ ឬស្រោមដៃកៅស៊ូរយៈពេលជាច្រើនម៉ោងជារៀងរាល់ថ្ងៃអាចបំផ្លាញក្រចករបស់អ្នក។ ទោះយ៉ាងណាក៏ដោយយើងក៏អាចបំផ្លាញក្រចករបស់អ្នកដូចគ្នានៅពេលដែលអ្នកមិនពាក់វា។មិនត្រឹមតែសាប៊ូបោកខោអាវមានផ្ទុកសារធាតុគីមីគ្រោះថ្នាក់ដែលធ្វើឲ្យក្រចកខូចប៉ុណ្ណោះទេ ប៉ុន្តែការប៉ះពាល់នឹងទឹកយូរក៏អាចធ្វើឱ្យក្រចកចុះខ្សោយផងដែរ។ ដូច្នេះហើយ ត្រូវប្រើស្រោមដៃកៅស៊ូល្អមួយគូ ហើយកុំភ្លេចពាក់វាពេលលាងចានផងដែរ។
៤ ជូតក្រចកអ្នកជាមួយ Vaseline
Vaseline គឺជាប្រភេទប្រេង Jelly ទូទៅ ហើយប្រាកដជាមាននៅក្នុងគ្រប់ផលិតផលថែរក្សាក្រចករបស់អ្នកស្រលាញ់ក្រចក។ Vaseline ដើរតួជាជាតិសំណើមសម្រាប់ក្រចករបស់អ្នក ក៏ដូចជាសម្រាប់ cuticles របស់អ្នក។ ការលាបវាជារៀងរាល់ថ្ងៃអាចជួយក្រចកផុយទៅជារឹងល្អពីព្រោះវាពង្រឹងនិងបង្កើតស្រទាប់ការពារ។ ដើម្បីទទួលបានប្រសិទ្ធភាពខ្ពស់ លាបវារួចហើយទុកចោល ៣-៥ នាទី មុននឹងលាងទឹកចេញ។
៥ ត្រាំក្រចករបស់អ្នកក្នុងទឹកក្រូចច្របាច់ស្រស់
ទឹកក្រូចច្របាច់ស្រស់គឺអាហារដែលសម្បូរទៅដោយវីតាមីន C មានសារៈសំខាន់សម្រាប់សុខភាពទូទៅ ហើយជាការពិតណាស់វាពិតជាល្អសម្រាប់ក្រចក និងសក់ ហើយវាក៏អាចលាបខាងក្រៅបានដែរ។ ដើម្បីឱ្យក្រចកដុះលឿន សាកល្បងត្រាំក្រចករបស់អ្នកនៅក្នុងពាក់កណ្តាលទឹកក្រូចស្រស់រយៈពេល 10 នាទីជារៀងរាល់ថ្ងៃ។ អាស៊ីតក្រូចឆ្មាពីទឹកក្រូចអាចធ្វើអោយក្រចកស្ងួតបាន ដូច្នេះត្រូវលាងសម្អាតក្រចកឱ្យបានស្អាត ហើយផ្តល់សំណើមឱ្យពួកគេជាមួយនឹងក្រែមបន្ទាប់ពីបានត្រាំទឹកក្រូច។
តើអ្នកទាំងអស់គ្នាថែរក្សាក្រចកដោយវិធីសាស្ត្របែបណា? កុំភ្លេចប្រាប់ពី Tips របស់អ្នកផងនៅក្នុង Comment ខាងក្រោយ!