សកម្មភាពភាពភ្ញៀវទេសចរជាតិ និងអន្តរជាតិដែលចូលមកទស្សនាតំបន់រមណីយដ្ឋានអង្គរបានកើនឡើងជាបន្តបន្ទាប់ដែលនេះជាសញ្ញាមួយបញ្ជាក់ថា កំណើននៃភ្ញៀវទេសចរ នឹងវិលត្រឡប់មករកស្ថានភាពល្អប្រសើរឡើងវិញបន្ទាប់ពីស្ងប់ស្ងាត់រយៈពេលប្រមាណជាង២ ឆ្នាំកន្លងមកនេះដោយសារការរាតត្បាតជាសកលនៃជំងឺកូវីដ-១៩។

នេះបើតាមការបញ្ជាក់ពីក្រសួងវប្បធម៌នៅថ្ងៃទី១៩ ខែតុលា នេះ។ ជាក់ស្តែងនៅពេលព្រឹកព្រលឹមស្រាងៗថ្ងៃទី១៩ ខែតុលា នេះភ្ញៀវទេសចរចម្រុះជាតិសាសន៍ជាច្រើន បានចូលមករង់ចាំទស្សនាទិដ្ឋភាពថ្ងៃរះដ៏ស្រស់ស្អាតនៅបរិវេណប្រាសាទអង្គរវត្តដែលសបញ្ជាក់ថា ចំនួនភ្ញៀវទេសចរណ៍បានចាប់ផ្តើមកើនឡើងវិញហើយ។

គួររំលឹកថា គ្រាន់តែរយៈពេល១សប្ដាហ៍ចាប់ពីថ្ងៃទី១០ ដល់១៦ ខែតុលា ២០២២ភ្ញៀវទេសចរជាតិ អន្តរជាតិ បានកើនឡើងដល់ចំនួន៩៣៨,៩២៨នាក់ក្នុងនោះភ្ញៀវជាតិ៩១៤,៥៤៣នាក់ និងភ្ញៀវអន្តរជាតិផ្ទៃក្នុងចំនួន២៤,៣៨៥នាក់ នេះបើតាមតួលេខពីក្រសួងទេសចរណ៍។ ដែលចំនួននេះ មានការកើនឡើងប្រមាណ១៥០.៤៥ ភាគរយ ធៀបនឹងសប្តាហ៍កន្លងមក៕