Disclaimer៖ អត្ថបទនេះគឺសម្រាប់គោលបំណងផ្តល់ព័ត៌មានតែប៉ុណ្ណោះ។ សូមពិនិត្យជាមួយគ្រូពេទ្យ ឬអ្នកផ្តល់សេវាថែទាំសុខភាពរបស់អ្នក មុនពេលទទួលទានគ្រាប់ពូជដែលមានរាយខាងក្រោមដើម្បីការពារហានិភ័យណាមួយដែលអ្នកអាចជួបប្រទះ។
១ គ្រាប់ឪឡឹកសម្រាប់ស្បែកកាន់តែប្រសើរ
ឪឡឹកគឺជាផ្លែឈើស្រស់ម្យ៉ាងដែលមានរសជាតិផ្អែម ហើយពេលយើងបរិភោគវា ផ្លែឈើនេះតែងតែនាំឲ្យយើងមានអារម្មណ៍ល្អនិងស្រស់ស្រាយផងដែរ។ ជាការពិតណាស់យើងតែតែមានទម្លាប់ដកគ្រាប់វាចេញមុនបរិភោគ ប៉ុន្តែតើយើងដឹងទេថា យើងកំពុងតែមិនដឹងរឿងអ្វីពីគ្រាប់ឪឡឹកនេះ ? តាមការពិតគ្រាប់ឪឡឹកនេះសម្បួរទៅដោយជាតិវីតាមីនCនិងសារធាតុប្រឆាំងអុកស៊ីតកម្មដែលជួយព្យាលបាលមុននិងជួយឲ្យស្បែកកាន់តែប្រសើរឡើង។
២ គ្រាប់ល្ហុងសម្រាប់ប្រព័ន្ធរំលាយអាហារល្អ
ក្រៅពីមានរសជាតិឆ្ងាញ់ ផ្លែល្ហុងគឺជាផ្លែឈើដែលមានជីវជាតិខ្ពស់ ហើយអត្ថប្រយោជន៍របស់វាត្រូវបានគេស្គាល់យ៉ាងច្បាស់ផងដែរ។ ដូចផ្លែឈើដទៃដែរ យើងតែងតែដកគ្រាប់របស់វាចេញមុនទទួលទាន ឬយើងអាចនឹងបរិភោគគ្រាប់វាបន្តិចបន្តួចដោយគ្មានចេតនានិងមិនបានដឹង។ យើងដឹងទេថាគ្រាប់ល្ហុងនេះសម្បូរទៅដោយអង់ស៊ីមដែលត្រូវបានគេស្គាល់ថា papain ជួយបង្កើនសមត្ថភាពក្នុងការរំលាយអាហារ។
៣ គ្រាប់ផ្លែទទឹមសម្រាប់ការសម្រកទម្ងន់
ការបើកផ្លែទទឹមមើលទៅហាក់ដូចជាការងារច្រើន ប៉ុន្តែទឹកដមដែលយើងទទួលបានពីផ្លែឈើនេះគឺតែងតែធ្វើឲ្យយើងពេញចិត្តជាខ្លាំង។ លើសពីនេះផ្លែឈើត្រជាក់នេះមានសារធាតុចិញ្ចឹមសំខាន់ៗជាច្រើនសម្រាប់រាងកាយរបស់យើង ហើយបើយោងតាមអ្នកជំនាញការសម្រកទម្ងន់ គាត់បានណែនាំថាគ្រាប់ពូជរបស់វាគឺជាថ្នាំដ៏ល្អសម្រាប់សុខភាព និងអាចជួយអ្នកក្នុងការសម្រកទម្ងន់ ។
៤ គ្រាប់ផ្លែប័រសម្រាប់សុខភាពសរសៃឈាមបេះដូង
ជាក់ស្តែងគេគ្រប់គ្នាតែងតែនិយាយថាផ្លែបឺរគឺជាផ្លែឈើដែលមានសុខភាពល្អបំផុត។ ទោះបីជាយ៉ាងណាក៏ដោយ ការសិក្សាស្រាវជ្រាវមួយចំនួនបានបង្ហាញថា គ្រាប់ផ្លែបឺរ គឺជាប្រភពដែលមិនសូវបានប្រើប្រាស់ ក៏ប៉ុន្តែវាមានប្រយោជន៍ខ្លាំងចំពោះសុខភាពបេះដូង និងសរសៃឈាម។
៥ គ្រាប់ក្រូចសម្រាប់បង្កើនថាមពល
នៅពេលដែលអ្នកនឹកដល់អ្វីដែលផ្អែមស្រស់សម្រាប់សុខភាពរបស់អ្នក ប្រាកដណាស់អ្នកនឹងនឹកឍឃើញផ្លែក្រូច។ ទោះជាយ៉ាងណាក៏ដោយ គ្រាប់របស់វាមិនមែនជាផ្នែកមួយដែលយើងចូលចិត្តទទួលទាននោះទេ។ ប៉ុន្តែអ្វីដែលយើងមិនបានដឹងនោះគឺថាគ្រាប់ក្រូចទាំងនោះអាចពន្លឿនកម្រិតថាមពលក្នុងរាងកាយរបស់យើង។
៦ គ្រាប់របស់ផ្លែផាសិនសម្រាប់សុខភាពផ្លូវចិត្ត
ផ្លែ Passion គឺជាផ្លែឈើពណ៌ស្វាយ លឿងមាសដែលត្រូវបានគេដឹងថាមានរសជាតិឆ្ងាញ់និងជាផ្លែឈើដែលមានអត្ថប្រយោជន៍សម្រាប់សុខភាព។ ប៉ុន្តែតើមាននរណាដឹងថាគ្រាប់របស់វាអាចផ្តល់អត្ថប្រយោជន៍ដល់សុខភាពយើងដូចផ្លែនោះ? បើយោងតាមការសិក្សាស្រាវជ្រាវរបស់ Systematic Review គេបានបញ្ជាក់ឲ្យដឹងថា គ្រាប់របស់ផ្លែផាសិនសម្បូរទៅដោយជាតិម៉ាញ៉េស្យូមដែលអាចជួយមនុស្សគ្រប់គ្រងកម្រិតនៃការថប់បារម្ភរបស់ពួកគេ។