តារាចម្រៀងលំដាប់កំពូលរបស់ផលិតកម្មសាន់ដេ លោកកែវវាសនាបានវិលត្រលប់មកជាមួយនឹងបទចម្រៀងរសជាតិមួយបទចំណងជើងថា«ស្តាយវេលា»ដែលបានចេញផ្សាយកាលពីថ្ងៃ០៣ ខែកញ្ញាកន្លងទៅនេះ។ លោកកែវវាសនាបានបន្ថែមរសជាតិថ្មីទៅក្នុងបទចម្រៀងមួយនេះដោយបានបញ្ចូលស្តាយច្រៀងរ៉េបរបស់លោកទៅក្នុងនោះ ដែលទស្សនិកជាច្រើនមិនធ្លាប់ដែលបានឃើញលោកផ្លាស់ប្តូរស្ទាយល៍ចំរៀងពីមុនមកបែបនេះទេ។ សំរាប់បទនេះផងដែរទទួលបានចំនួនចូលទស្សនានៅលើឆាណែលយូធូបផ្លូវការរបស់ផលិតកម្មសាន់ដេរហូតដល់ជាង៦ម៉ឺនដងបើគិតត្រឹមរយៈពេល១ខែនេះ។ទស្សនិកជាច្រើនបានខមមែនយល់ឃើញថាលោកកែវវាសនារ៉េបបានយ៉ាងល្អ ស្ទាយល៍ម្យ៉ាងម្នាក់ពីលោកវណ្ណដាទេ ចំនែកឯចម្រៀងទៀតសោតក៏ពិរោះថែមទៀត។
ម្យ៉ាងវិញទៀតក៏មានទស្សនិកជាច្រើនទៀតស្នើរសុំអោយបទចម្រៀង«ស្តាយវេលា»នេះមាន Version ស្រីផងដែរ ហើយពួកគេថែមទាំងចង់អោយកញ្ញាអ៊ីវ៉ាជាអ្នកច្រៀងថែមទៀតផង។ គួរបញ្ជាក់ផងដែរបទចម្រៀងចុងក្រោយគេបង្អស់របស់កញ្ញាអ៊ីវ៉ាពីផលិតកម្មសាន់ដេគឺបទ«មានប៉ុន្មាននាក់ ដឹងខ្ញុំកំពុងឯកា» ដែលបានចេញផ្សាយកាលពីថ្ងៃទី០៦ ខែសីហាកន្លងទៅនេះ។ គួរបញ្ជាក់ផងដែរកំពូលតារាចម្រៀងនៅក្នុងផលិតកម្មសាន់ដេសព្វថ្ងៃនេះមានដូចជាលោកឆាយវីរៈយុទ្ធ កញ្ញាសុខពិសី លោកអ៊ីណូ លោកកែវវាសនា កញ្ញាអ៊ីវ៉ា និងតារាចម្រៀងជំនាន់ក្រោយល្បីៗមានដូចជាលោកលានបញ្ជនិត លោកបូលីពៅ កញ្ញាពុទ្ធិកា និងកញ្ញានិច។
