CNBC-

ចិនបានប្រុងប្រៀបរៀបចំរុះរើគណរដ្ឋមន្ត្រីជាពិសេសមន្ត្រីដែលនៅជុំវិញលោក Xi Jingping នៅក្នុងការរង់ចាំឲ្យមានកិច្ចប្រជុំសភានៅក្នុងខែនេះ។ គណបក្សកុម្មុយនិស្តចិនដែលគ្រប់គ្រងអំណាចត្រូវបានគេរំពឹងថានឹងបើកកិច្ចប្រជុំសភាជាតិលើកទី២០ ដែលជាធម្មតាធ្វើក្នុងរយៈ៥ឆ្នាំម្តង នៅថ្ងៃទី១៦ខែតុលា។ នៅក្នុងរយៈពេលមួយសប្តាហ៍ទៀតឈ្មោះនៃក្រុមថ្មីនឹងត្រូវបានគេប្រកាស។ សមាសភាពនៃក្រុមវានឹងឆ្លុះបញ្ចាំងក្រុមនិយមនយោបាយដែលទោរទន់ទៅរកលោក Xi និងមនុស្សដែលនៅជុំវិញគាត់ត្រូវមាន និងតើការគាំទ្រលោកប្រធានាធិបតីមានច្រើនប៉ិនណាជាពិសេសក្រុមដែលត្រួតត្រាសេដ្ឋកិច្ចរបស់រដ្ឋដ៏ធំមួយនេះ។

Xi ដែលមានអាយុ៦៩ឆ្នាំត្រូវបានគេរំពឹងគិតថា នឹងរួបរួមគ្នាដើម្បីបន្តអំណាចបន្ទាប់ពីបានដឹកនាំគណបក្សអស់រយៈពេល១០ឆ្នាំ។ នៅក្នុងខែនេះត្រូវបានគេរំពឹងថានឹងក្រាលផ្លូវសំរាប់លោកដើម្បីនៅក្នុងអំណាចដែលពុំដែលមានពីមុនមក៥ឆ្នាំទៀតដែលជាអាណត្តិទី៣។ ប៉ុន្តែការព្យាករណ៍សំរេចថា តើមន្ត្រីណានឹងចុះចេញពីតំណែង ឬក៏ចាប់យកតំណែងថ្មីនៅតែស្ថិតនៅក្នុងភាពប៉ាន់ស្មាន។ នយោបាយរបស់ចិនជានិច្ចជាកាលតែងតែមានភាពស្រអាប់ ប៉ុន្តែវាហាក់ដូចជាគ្មានពន្លឺអ្វីបន្តិចទាល់តែសោះដែលចេញពីប្រអប់ដ៏ខ្មៅងងិត Scott Kennedy ទីប្រឹក្សារជាន់ខ្ពស់ និងជាប្រធានសភាពាណិជ្ជកម្មនិងសេដ្ឋកិច្ចដែលមានមូលដ្ឋាននៅសហរដ្ឋអាមេរិកបាននិយាយ។

"ដូច្នេះម្នាក់ៗបានលឺតិច ឬច្រើននូវការប៉ាន់ស្មានដែលកំពុងតែធ្វើការប្រៀបធៀបទៅនឹងការការរុះរើមេដឹកនាំលើកមុន" លោកនិយាយ ។ "វាំងននដែកនៃអាឋ៍កំបាំងគឺថាមន្ត្រីចិនជាធម្មតាបានបង្រៀនពួកបរទេសអំពីការយល់ដឹងពីនយោបាយរបស់ចិនមានតិចតួចណាស់" Kennedy និយាយ "ផ្នែកនៃបញ្ហាគឺវាមានព័ត៌មានតិចតួចដែលជាការពិតអាចដឹងដល់យើង"។ នេះគឺជាអ្វីដែលបានដឹងជាសាធារណៈ និងឈ្មោះខ្លះដែលអ្នកវិភាគកំពុងតែតាមមើលនៅក្នុងការរុះរើគណរដ្ឋមន្ត្រីនៅក្នុងពេលខាងមុខ។

ការប្រជុំសភាក្នុងខែនេះនឹងសម្រេចថា តើមន្ត្រីមួយណាដែលនឹងក្លាយខ្លួនទៅជាមេដឹកនាំនៃគណបក្សកុម្មុយនិស្តចិនដែលគ្រប់គ្រងអំណាច។ ប្រតិភូរបស់គណបក្សប្រហែល២,៣០០នាក់នឹងជួបប្រជុំគ្នានៅក្នុងទីក្រុងប៉េកាំងដើម្បីជ្រើសរើសនូវគណៈមជ្ឈឹមថ្មីដែលមានសមាសភាពប្រហែល២០០នាក់។ គណកម្មាធិការនោះបន្ទាប់មកនឹងសម្រចនៅក្នុងផ្ទៃក្នុងនៃថ្នាក់ដឹកនាំ គឺការិយាល័យនយោបាយមជ្ឈឹមបក្សនិងគណកម្មាធិការកណ្តាល។ ការិយាល័យនយោបាយមជ្ឈឹមបក្សបច្ចុប្បន្នមានសមាជិកចំនួន២៥រូបរួមទាំង Liu He ។ Liu គឺជារណសិរ្សនៃការជជែកពាណិជ្ជកម្មជាមួយនឹងសហរដ្ឋអាមេរិកក្នុងឆ្នាំ២០២១។ នៅក្នុងប្រទេសចិន លោកជាអ្នកដឹកនាំគណកម្មាធិការកណ្តាលដើម្បីឲ្យមានស្ថិរភាពហិរញ្ញវត្ថុក្នុងប្រទេស តែលោកមិនមែនជាសមាជិកគណកម្មាធិការអចិន្ត្រៃយ៍បក្សនោះទេ។