ទើបតែបានធ្វើគណកម្មការកម្មវិធី Cambodian Idol សោះ លោកឆនសុវណ្ណារាជពេលនេះបានឆ្លងភពមកកាន់សម័យលង្វេកហើយជាមួយនឹងខនសេបបទចំរៀងថ្មីរបស់លោកមានចំណងជើងថា​​​«ស្រលាញ់បងដឹងតែអូនរស់ស្រួល»។ បទចំរៀងមួយនេះទើបតែបានចេញផ្សាយនៅថ្ងៃទី១២ ខែកញ្ញាកន្លងទៅថ្មីៗនេះទេ និងទទួលបានចំនួនអ្នកចូលទស្សនាជាងទៅដល់ ១៩ម៉ឺននាក់នៅលើឆាណែលយូធូបផ្លូវការរបស់ផលិតកម្មរស្មីហង្សមាស។ សំរាប់រដូវកាលបុណ្យភ្ជំបិណ្ឌបែបនេះ ផលិតកម្មនីមួយៗកំពុងតែមមាញឹកក្នុងការផលិតបទទាក់ទងនឹងពិធីបុណ្យមួយនេះ យ៉ាងណាមិញក៏ដូចគ្នាសំរាប់ផលិតកម្មហង្សដែលនៅក្នុងមួយរយៈនេះ ខាងផលិតកម្មបានចេញបទជាច្រើនមានចង្វាក់ភ្លេងបុរាណ ដូចជាបទ«ស្រលាញ់បងដឹងតែអូនរស់ស្រួល ផ្ទាល់របស់លោកឆនសុវណ្ណារាជ អរគុណហ្វេនរបស់លោកលីមតិចម៉េង ខូចចិត្តចំខែភ្ជំបិណ្ឌរបស់លោកនីរតនាជាដើមដែលទើបនឹងចេញក្នុងពេលថ្មីៗនេះ។ គួរអោយចាប់អារម្មណ៍ផងដែរសំរាប់បទមួយនេះរបស់លោកឆនសុវណ្ណារាជ មានបូករួមទាំងការច្រៀងរ៉េបនៅក្នុងបុណ្យភ្លេងបុរាណថែមទៀត ដែលធ្វើអោយស្តាប់ទៅមានភាពពិរោះប្លែកខុសពីបទមុនៗរបស់លោក។​​​ លោកឆនសុវណ្ណារាជក៏បានសរសេររៀបរាប់ជាច្រើនទៀតនៅលើហ្វេសប៊ុកផេកផ្លូវការរបស់លោកផងដែរថាបទចំរៀងនេះ ច្របាញ់បញ្ចូលនូវឧបករណ៍តន្រ្តីប្រពៃណីខ្មែរយើងជាច្រើន វង់តូចហៅថាវង់ភ្លេងប្រពៃណី ចំនែកឯវង់ធំមានឧបករណ៍ច្រើនជាងនេះទៀត ហៅថាវង់ភ្លេងពិណពាទ្យ បន្ទាប់មកលោកក៏ស្នើសុំអោយឈប់ច្រលំហៅភ្លេងសៀមទៀត និងសូមជួយគាំទ្រតន្រ្តីករ និងវង់តន្រ្តីខ្មែរផង។ ជាងនេះទៅទៀតលោកក៏បានបន្ថែមថាតាមរយៈបទចំរៀងមួយនេះនឹងបង្ហាញជូននូវ វប្បធម៎ ទំនៀមទំលាប់ ប្រពៃណីខ្មែរយើង។ តាមរយៈការចែករំលែករបស់លោកឆនសុវណ្ណារាជធ្វើអោយយើងទាំងអស់គ្នាអាចយល់បានថាលោកឆនសុវណ្ណារាជមានបំណងមុតមាំមួយចង់អោយប្រជាពលរដ្ឋខ្មែរស្រលាញ់អ្វីដែលជារបស់ខ្មែរ និងខិតខំបន្តថែរក្សាវារហូតតទៅ។