ភ្នំពេញ៖ ម្ចាស់យានយន្តចំនួន២១៥គ្រឿង ត្រូវបានសមត្ថកិច្ចពិន័យតាមអនុក្រឹត្យលេខ៣៩.អនក្រ.បក ក្រោយពេលរកឃើញថាបានបើកបរល្មើសច្បាប់ចរាចរណ៍ផ្លូវគោក នៅទូទាំងប្រទេស។
របាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈបានឱ្យដឹងថា ការរឹតបន្ដឹងការអនុវត្តច្បាប់ស្ដីពីចរាចរណ៍ផ្លូវគោកនាថ្ងៃទី១៤ ខែកញ្ញានេះ បានអនុវត្តលើគោលដៅសរុប១៧៧ និងមានយានយន្តចូលគោលដៅចំនួន១.៥៨២គ្រឿង ម៉ូតូ១.៤០៣គ្រឿង ដោយរកឃើញយានយន្តល្មើសសរុបចំនួន២១៥គ្រឿង មានម៉ូតូចំនួន១១៧១គ្រឿង ត្រូវបានផាកពិន័យ។
ដោយឡែកក្នុងរយៈពេល១៤ថ្ងៃ (ថ្ងៃទី០១-១៤ ខែកញ្ញា) ការរឹតបន្ដឹងការអនុវត្តច្បាប់ស្ដីពីចរាចរណ៍ផ្លូវគោកមានយានយន្តចូលគោលដៅចំនួន៣១.៧០៤គ្រឿង ក្នុងនោះរកឃើញយានយន្តល្មើសសរុបចំនួន៤.៤៤៩គ្រឿង មានម៉ូតូចំនួ ៣.៧៨៧គ្រឿង ត្រូវបានផាកពិន័យ។
របាយការណ៍ដដែលបានវាយតម្លៃថា រយៈពេល១៤ថ្ងៃ នៃខែកញ្ញានេះឃើញថា ការអនុវត្តតាមអនុក្រឹត្យការផាកពិន័យយានយន្តល្មើសបានដំណើរការទៅយ៉ាងល្អដោយទទួលបានការគាំទ្រពីអ្នកប្រើប្រាស់ផ្លូវផងដែរ៕
